Porowepio 7:10 - Ritonõpo Omiry: A Bíblia Sagrada na língua Aparai do Brasil

¹⁰ Morarame tutũtase nohpo osẽpatakãmase imaro, tupõ tamuruse eya imeimehnõ poko exikety samo, osenetupuhnõko nexiase tynyriry poko.

Porowepio 7:10 ပူးပေါင်းရင်းမြစ်များ

Jenexi 3:1

Morarame okoi tuarohxo kynexine, imehnõ onokyro tõ motye, onekunohtõme kynexine. Tõturupose ynororo nohpo a: — Ajohpe pyra “Tupito põ wewe epery osenahno,” naseh oya Ritonõpo?

2 Tuisa 9:22

— Osepeme moehno? tykase. — Otãto osepeme exĩko syta joroko poko ro tarõkõ ahtao, tyneponãmarykõ eahmary poko toto ahtao, asa, Jezapeu nyripohpyry ae ro? tykase.

2 Tuisa 9:30

Morarame Jeu toeporehkase Jezereu pona. Inyrihpyry poko totase Jezapeu a. Tõmyty tonohse eya, tonuru tõkehko, tũsety tokurinase eya. Toexikihmase ynororo tuisa tapyĩ konõto tao kaino osema enẽko osenuhmatoh ae.

Porowepio 23:28

Omato kõ sã oeraximãko mã toto typoko oehtohme Ritonõpo omipona pyra oehtohme.

Izaja 23:16

“Imehnõ poko aexihpyry, tuenikehse mase, rira apoiko pata poro oytotohme. Eremiatoh etoko, oeremiako roropa oeremiatoh tonõ ikuhko mokaro enehtohme ropa.”

Jeremia 4:30

Pata Jerusarẽ, tuãnohsẽme exĩko mase! Oty katoh upo kamiraramã amurũko mah? Oty katoh õkyry tõ amurũko, oenuru tõ zonohnõko roropa hma? Toiparo rokẽ enekure oriry se mase! Opoko typenetase aexityã orumekase ropa, seromaroro oetapary se mã toto.

1 Timoteu 2:9

Morararo nohpo tomo a kure rokẽ zupõkõ amurupoko ihximyra aehtohkõme, imehnõ onyhxiropyra roropa aehtohkõme. “Oũsetykõ poko rokẽ pyra ehtoko. Kasuru tõkehko poko rokẽ pyra ehtoko roropa, oekurãkarykõ poko rokẽ pyra ehtoko,” kaxiko nohpo tomo a.