Porowepio 5:2 - Ritonõpo Omiry: A Bíblia Sagrada na língua Aparai do Brasil

² Moro sã awahtao zae ehtoh poko zuaro exĩko mase, õmiry roropa tyriko imehnomo a enetupuhtohme zuaro oehtoh poko.

Porowepio 5:2 ပူးပေါင်းရင်းမြစ်များ

Saumu 119:13

Jarao imehnõ netaryme onymeropohpyry sekeremãko ase emero.

Saumu 45:2

Tuisa, nuaseme potu mase, imehnõ motye emero, imehnõ zururu poko emese kure mase. Moino ro kure rokẽ orĩko Ritonõpo mana.

Saumu 71:15

Zae oehtoh ekarõko ase; ypynanopyryke oya ekarory poko kohmãnõko ase, josenetupuhtoh motyehxo moro ahtao ro.

Porowepio 10:21

Tuhkãkõ akorehmãko zae ehtoh poko exiketõ omiry mana, yrome tuaro pyra exiketyme ahtao toorihsẽme exĩko mana.

Porowepio 15:2

Tuaro exikety otururu etakure mana, yrome tuaro pyra exikety zuaro pyra ehtoh poko sekere ãko rokẽ mana.

Porowepio 15:7

Tuaro exiketõ otururuhtao imehnõ zuarohxo exĩko mã toto, yrome morara exipyra mana tuaro pyra exiketõ otururuhtao.

Porowepio 16:23

Tuaro exikety osenetupuhnõko mana osemazuhme tõturutohme. Morara ahtao yronymyrymehxo imehnõ amorepãko mana.

Porowepio 20:15

Uuru nae itamurume topu tõ kurã roropa; yrome õtururu tuaro oehtoh poko moro kure kuhse mana, typyne exikety motye.

Porowepio 3:21

Aimo, tuaro exikehpyra exiko, zae ehtoh imenekako ipoko rokẽ oehtohme, jũme toto onurumekara exiko.

Kãtiku 4:11

Opotapihpyry anusasame mana ano zeni samo. Onuru mana suhsu maro ano zeni zoximahpyry samo. Oupony typoxine mana ypy Ripano typoxine ehtoh samo.