Porowepio 5:12 - Ritonõpo Omiry: A Bíblia Sagrada na língua Aparai do Brasil

¹² Mame ynara ãko mase: — Jamorepananõ zehno exiase! Zae ehtoh poko jurunanõ omipona pyra exiase!

Porowepio 5:12 ပူးပေါင်းရင်းမြစ်များ

Jenexi 19:9

Yrome tozuhse ynororo eya xine: — Ytoko taroino, yna wapo pyra exiko! Oseya ynara tykase toto: — Imepỹ nono poe aepyhpyry mose ro. Tõmipona kyrirykõ se ynororo tuisame exikety samo! Oty katohme? Mame toeramase toto Ro a ynara katohme: — Seromaroro mokaro oepe tõ ryhmary se yna ehtopõpyry motye oryhmãko ynanase. Ro tupurohmase Sotoma põkomo a. Toeporehkase toto tapyi omõtoh pona tapyi etapuruhmakatohme repe, omõtohme repe.

2 Koronika 25:16

Yrome urutõ tymynyhpãkapose tuisa a, ynara karyke: — Otara ahtao tuisa amorepaneme kyriase? Mynyhme exiko oorihmaporyino ya, tykase. Naeroro mynyhme toehse urutõ ynara kaxĩpo: — Oenahkapõko Ritonõpo mana, zuaro ase morohne tyrise oya exiryke, jomiry onetara roropa oexiryke, tykase ynororo.

2 Koronika 36:16

Yrome inenyohtyã urutõ kõ typoihtose eya xine. Aomirykõ onetara toh nexiase. Urutõ kõ tounohse eya xine. Mame etyhpyryme typoetory tõ zehno toehse Ritonõpo, yronymyryme. Toto kurãkatoh pyra toehse; toto wãnohtoh toehse rahkene.

Saumu 50:17

Zae pyra oehtohkõ kurãkapory se pyra matose ya, ynyripohpyry oya xine rumekãko roropa matose.

Saumu 73:22

tuaro pyra exikety sã exiase onokyro samo; onenetupuhpyra exiase.

Porowepio 1:22

— Tuaro pyra exiketomo! Otara ahtao rowohpe oehtohkõ rumekãko matou? Otara ahtao ãtahmãkarykõ tuaro ehtoh poko rumekãko matou? Jũme tuaro oexirykõ se pyra hmatou?

Porowepio 1:25

Ãmorepatopõpyrykõ ya omipona pyra mexiatose. Azahkuru oehtohkõ kurãkapory se pyra mexiatose ya.

Porowepio 1:7

Tuaro exiketyme se awahtao osemazuhme Ritonõpo enetupuhko Oesẽme. Tuaro pyra exiketõ zae ehtoh poko etary se hkopyra mã toto.

Porowepio 10:17

Otato exiketõ tupokase ahtao isene exikehpyra mã toto, yrome tupokatoh etary se pyra exiketõ itatyhpyry sã mã toto.

Porowepio 12:1

Tuaro sehxo exikety tukurãkary se ropa mana imehnomo a, azahkuru toehse ahtao zae ehtohme; putupyra exikety rokẽ tukurãkary se pyra mana imehnomo a.

Porowepio 13:18

Otato pyra ahno ahtao tupokase ahtao tỹkyryneke pyra exĩko mana, tyhxirosẽme exĩko mana, yrome otato exikety tupokase ahtao, ahno kurã mokyro, ãko mã toto ipoko.

Porowepio 15:5

Omykõ namorepatoh poko otato pyra awahtao tuaro pyra exiketyme mase, yrome omykõ namorepatoh etaryhtao oya okurãkary se ynororo ahtao zae oehtohme tuaro exiketyme mase.

Porowepio 5:11

Pusuh ãko mase oorihtoh po, opũ tonahsẽme exĩko axĩ pyra.

Porowepio 6:23

Inyripotyã oya saerehkatoh sã mã kehko, zae ehtoh pona tonehpose ropa awahtao ãmorepãko isene oehtoh poko.

Porowepio 8:36

Yrome japoipyra exikety ataosanumãko mana. Yse pyra exiketõ emero toorihtohkõ se mã toto.”

Jeremia 44:4

Ypoetory tõ, urutõ kõ onenyohkehpyra exiase oya xine ourutohkõme moro oorypyrykõ xihpyry poko pyra oehtohkõme, moro se pyra jexiryke ipunaka.