Porowepio 4:4 - Ritonõpo Omiry: A Bíblia Sagrada na língua Aparai do Brasil

⁴ tamorepase ywy papa a. Ynara tykase ynororo ya: — Jomiry ikurãkako okurohtaka; ynyripotyã oya omipona exiko, mame isene exĩko mase.

Porowepio 4:4 ပူးပေါင်းရင်းမြစ်များ

Jenexi 18:19

Mose tymenekase ya jomiry omipona typoenõ ripotohme, typakomotyã roropa jomipona ripotohme, zae toto ehtohme. Morara toto ahtao, zae rokẽ ehtoh riryhtao eya xine, jomihpyry ae ro kure rokẽ mose rĩko ase.”

1 Koronika 28:9

Mame tumũkuru Saromão a ynara tykase ynororo: — Aimo, oya ynara ãko ase, Ritonõpo omy esẽ enetupuhko, aomiry omipona exiko, ynoro rokẽ pyno exiko, ỹme exiko aomihpyry omipona. Kuosenetupuhtohkõ waro mã ynororo te, kypenetatohkõ roropa. Eya oytoryhtao opynanohnõko mana; yrome irumekaryhtao oya, orumekãko roropa mana jũme.

Saumu 119:11

Õmihpyry tukurãkase ya ukurohtao, iirypyryme pyra jehtohme oya.

Saumu 119:144

Anamorepahpyry tõ zae rokẽ mana jũme, tuaro kyriko isene exikehpyra jehtohme.

Saumu 119:168

Õmihpyry omipona ase, onyripohpyry tõ roropa, ynyriry enẽko mase emero porehme.

Porowepio 22:6

Poetohti amorepako zae ehtoh poko toto ehtohme, mame jũme moro onurumekara exĩko mã toto toorikyrykõ ponãmero.

Porowepio 23:26

Aimo, jomiry etako, zae jehtoh sã exiko, ynyriry kurã ipoenohko.

Porowepio 3:1

Poetohti, wenikehpyra ehtoko ãmorepatopõpyrykõ poko ya; ynyripotyã oya xine ikurãkatoko okurohtaka xine.

Porowepio 3:2

Morara awahtao xine tuhke jeimamyry aropõko matose orihpyra taro, pehme exĩko roropa matose, kure ehtoh ke.

Porowepio 7:2

Jomiry oya omipona exiko, mame isene exikehpyra exĩko mase. Tomeseke exiko ynyripohpyry omipona oehtoh poko, oenuru ewomary sã oya.

Izaja 55:3

Etatoko pahne ya osehtoko, otato ehtoko isene oehtohkõme! Jomiry etapõko ase oya xine, jũme exiketyme: kure rokẽ oritorỹko ase, jomihpyry ae ro Tawi a.

Jeremia 38:20

Ynara tykase ywy eya: — Oekaropyra mã toto mokaro juteu tomo a. Ajohpãme sã Ritonõpo nekarohpyry omipona exiko, ynekarohpyry ae ro. Mame kure rokẽ exĩko mana, oorihpyra exĩko mase.

João 12:50

Inekarohpyry omipona rokẽ awahtao xine orihpyra exĩko matose jũme. Moro waro ase. Morara exiryke Papa nekarohpyry rokẽ ekarõko ase oya xine, tykase Jezu imoihmãkomo a.

Epezu 6:4

Typoenõkamo opoenõkõ onyhtomara ehtoko, zehno pyra toto ehtohme. Kure rokẽ opoenõkõ zuãtanohtoko, zurutoko roropa, tyyrypyrykõ poko pyra toto ehtohme. Amorepatoko toto Ritonõpo omiry poko, aomipona toto ehtohme.

Teuteronomiu 4:9

Naeroro tomeseke ehtoko anamonohpyra oehtohkõme, wenikehpyra oehtohkõme onenehpyrykõ poko. Morohne poko opoenõkõ zurutoko apakomotyã roropa

Teuteronomiu 6:6

Ritonõpo omiry ekarõko ase oya xine seroae ikurãkatohme oya xine okurohtao xine.

2 Timoteu 1:5

Jezu enetupuhnõko mase oesẽme nymyry. Osenekunohpyra mase. Moro waro ase. Osemazuhme onoty a, Roiti a Jezu tonetupuhse. Asa a roropa tonetupuhse, Eunixi a. Seromaroro oya tonetupuhse rahkene.

2 Timoteu 3:15

Opoetoae ro kurã poko ãtamorepahpyry mase. Pape kurãme exiryke kutuarõtanohtorỹko mana, Ritonõpo a typoetoryme kyrirykõ poko, Jezu Kyrixtu tonetupuhse kyya xine ahtao.

Epereu 5:9

Morarame toetuarimatopõpyryke kypynanohnekõme toehse ynororo. Jũme typynanohse sytatose eya tõmipona toehse kuexirykõke.

Juize 13:12

Mame ynara tykase Manoa eya: — Morara toehse ahtao õmihpyry ae, otara poeto watanohnõko ynanah? Oty sã exĩko roropa ynororo?