Porowepio 3:2 - Ritonõpo Omiry: A Bíblia Sagrada na língua Aparai do Brasil

² Morara awahtao xine tuhke jeimamyry aropõko matose orihpyra taro, pehme exĩko roropa matose, kure ehtoh ke.

Porowepio 3:2 ပူးပေါင်းရင်းမြစ်များ

1 Tuisa 3:14

Mame jomihpyry omipona awahtao, tomeseke awahtao jomiry poko, omy Tawi jomipona ehtopõpyry samo, okynã sã isene orĩko ase tamuhpõme oehtoh pona, tykase sã Ritonõpo eya aosenety.

Jo 5:26

Tamuhpõme orihnõko mase, jamihme ro, otyro epery toehsehxo ahtao samo. Moro samo tamuhpõme orihnõko mase, jamihme ro.

Saumu 119:165

Õmihpyry sehxo exiketõ torẽtyke pyra, towomase mã toto, mokaro onemapopyra imehnõ mana.

Saumu 128:6

Isene oexiry se ase, apakomotyã enetohme oya! Osepeme Izyraeu tõ kamexipory se ase!

Saumu 21:4

Isene toehtoh tokaropose tuisa a, isene ehtoh mekaroase eya, okynã exikehpyra mana.

Saumu 91:16

Isene toto ehtoh ke toto epehmãko ase; toto Pynanohneme osenepõko ase.”

Porowepio 10:27

Ritonõpo omiry omipona exiketõ isenehxo mã toto, okynahxo orihpyra mã toto. Yrome popyra exiketõ orihnõko mã toto aorihtoh po pyra ahtao ro.

Porowepio 16:31

Okynahxo orihpyra zae ehtoh poko exikety mana, zae toehtamitume; karimutume tũsehke ahtao tamuximehxo mokyro enetupuhnõko imehnõ mana.

Porowepio 4:10

Etako pahne aimo, jomiry poko otato exiko. Mame tuhke jeimamyry aropõko mase sero nono po isene.

Porowepio 4:4

tamorepase ywy papa a. Ynara tykase ynororo ya: — Jomiry ikurãkako okurohtaka; ynyripotyã oya omipona exiko, mame isene exĩko mase.

Porowepio 9:11

Tuaro ehtoh pokoino tuhkehxo jeimamyry aropõko mase isene oehtoh poko.

Izaja 32:17

Mame zae ehtoh poko toehse emero exiryke osepeme exĩko mã toto, osetapara exĩko, jũme towomasẽme exĩko mã toto.

Romanos 14:17

Ynara exiryke, Kuesẽkõme Ritonõpo enetuputyryhtao kyya xine tõsẽ poko torẽtyke pyra sytatose, eukuru tõkehko poko roropa. Yrome kure ehtoh poko enetupuhnõko sytatose te, imehnõ pyno kuehtohkõ poko, tãkye kuehtohkõ poko Ritonõpo Zuzenu poe, enara osenetupuhnõko sytatose Ritonõpo enetuputyryhtao kyya xine Kuesẽkõme.

Romanos 15:13

Ritonõpo poe kure kuehtohkõ eraximãko sytatose. Naeroro ynara ãko ase Ritonõpo a opoko xine: “Papa Kapuaono, opoetory tõ ãkyemapoko, torẽtyke pyra tyriko toto oenetuputyryke eya xine. Mame Ouzenu jamitunuru ke orẽpyrahxo tyriko toto, kure toehtohkõ eraximary poko,” ãko ase opoko xine.

Romanos 5:1

Mame tukurãkase kuexirykõke Ritonõpo a, Kuesẽkõ Jezu Kyrixtu enetuputyryke kyya xine, Ritonõpo epeme sytatose toehse.

Teuteronomiu 11:21

okynahxo isene oehtohkõme, opoenõkõ roropa moro nono po Ritonõpo nekarory, tynetapohpyry ae atamurukomo a esarykõme. Sero nono nae ro ahtao oesarykõme exikehpyra exĩko mana.

Teuteronomiu 5:32

— Izyraeu tomo, yronymyryme Ritonõpo Kuesẽkõ nyripohpyry tõ omipona ehtoko. Tomeseke ehtoko aomihpyry omipona oehtohkõme ipunaka.

1 Timoteu 4:8

Tururume kuytoryhtao etaehpyra kuehtohme kure pohto rokene. Yrome Jezu poetoryme kuahtao xine ynara ãko roropa sytatose: “Kuatamoreparykohtao Ritonõpo omipona kuehtohkõme kure kuhse mana. Seroae Ritonõpo omipona kuahtao xine tãkye sytatose, jũme roropa tãkye exĩko sytatose Ritonõpo esaka kuytorykõke,” ãko sytatose.