Porowepio 2:9 - Ritonõpo Omiry: A Bíblia Sagrada na língua Aparai do Brasil

⁹ Jomiry etaryhtao oya enetupuhnõko mase zae ehtoh poko, kure ehtoh poko, ajohpe pyra ehtoh poko, enara, mame zae ehtoh riry waro exĩko mase.

Porowepio 2:9 ပူးပေါင်းရင်းမြစ်များ

Saumu 119:105

Õmiry jezurume mana zae osema ae jytotohme, saerehkaneme mana saereme jesemary ehtohme.

Saumu 119:99

Jamorepananõ emero motye enetupuhnõko ase, jamorepatopõpyry poko oya josenetuputyryke.

Saumu 25:12

Ritonõpo enetupuhnanõ tosẽkõme ipoe tuaro exĩko mã toto tosemarykõ poko zae toehtohkõme.

Saumu 32:8

Ynara tykase Ritonõpo Jesemy ya: “Ãmorepãko ase oesemary ae zae oytotohme; ãkorehmãko ase oesemary menekary poko, zae ehtoh enepõko ase oya tuaro oehtohme.

Porowepio 28:5

Zae ehtoh waro pyra mã popyra exiketomo, yrome Ritonõpo omiry waro se exiketõ zae ehtoh enetupuhnõko mã toto.

Porowepio 4:12

Tuaro ehtoh poko awahtao, osema kurã ae ytokety sã mase exĩko. Kure rokẽ moro ae ytõko mase. Tururume oytoryhtao moro ae osetapara mase.

Porowepio 4:18

Zae ehtoh poko exiketõ esemary saerehkane sã mana, xixi tũtapitory sã mana. Saeremehxo exĩko mana, xixime ehtoh pona.

Porowepio 8:20

Zae ehtoh poko exiketõ esemary ae ytõko ase, ajohpe pyra ase, zae ehtoh se exiketõ maro ytoytõko ase,

Izaja 35:8

Moroto osema konõto nae exĩko, tosehpase “Ritonõpo Kurã Esemaryme.” Moro ae popyra ehtoh poko exiketõ ytopyra exĩko, Ritonõpo poetory tõ moro osema ae ytõko mã toto. Tuamekaro exiketõ moro ae aytorykohtao tahpyra exĩko mã toto.

Izaja 48:17

Ynara ãko Ritonõpo, Izyraeu tõ Esẽ kurano, toto Pynanohnekomo, typoetory tomo a: “Ywy ase Ritonõpo Oesẽkomo. Ãmorepatorỹko ase kure rokẽ oehtohkõme, zae ehtoh ritohme oya xine.

Jeremia 6:16

Ynara tykase Ritonõpo Kuesẽkõ typoetory tomo a: — Xikihme ehtoko osema tõ atakuohtohpo osema kurã enetohme. Osema kurã nymyry enetupuhtoko moro ae oytotohkõme torẽtyke pyra oehtohkõme, tykase. Yrome tozuhse eya xine: — Ytopyra ynanase moro osema ae!

João 14:6

Ynara tykase Jezu eya: — Ywy ase oesemarykõme nymyry Ritonõpo a. Ywyhnao ytopyra matose Papa a. Ywy ase zae oriponekõme nymyry. Jenetuputyryhtao oya xine ajoajohpe pyra exĩko matose. Oẽsemãkaponekõme roropa ase. Jenetuputyryhtao oya xine orihpỹme exĩko matose.