Porowepio 2:7 - Ritonõpo Omiry: A Bíblia Sagrada na língua Aparai do Brasil

⁷ Zae ehtoh poko exiketõ akorehmãko mana, toto ewomãko roropa mana.

Porowepio 2:7 ပူးပေါင်းရင်းမြစ်များ

Jo 28:8

Moro osema ae ytopyra kaikuxi tamuru tomo, imehnõ onokyro tõ orẽpyra exiketõ roropa, osekatõ komo.

Saumu 144:2

Jewomaneme mana, jakorehmaneme roropa. Ytapyĩme jamihmã mana, ypynanohne roropa. Enetuputyryke ya imaro osewomãko ase. Imehnõ nonory põkõ poremãkãko mã ynororo, ypoetoryme toto ehtohme.

Saumu 3:4

Ritonõpo kohmãko ase jakorehmaneme, tosary ypy kurã poe jezuhnõko mana.

Saumu 84:11

Ritonõpo Kuesẽkõ kuezurukõme mana, kuewomanekõme roropa. Zae ehtoh poko exiketõ pyno mana. Imehxo toto rĩko mana. Kurãkõ ekarõko roropa eya xine mana.

Porowepio 14:8

Oty katohme emese kure exikety tuaro exiketyme nae? Tyriry waro toexiryke. Yrome putupyra exikety mã tyriry waro osekarõko, zuaro pyra tahtao ipunaka.

Porowepio 28:18

Ajohpe pyra exikety osewomãko mana, yrome ajohpe exikety mõtoino rokẽ orẽnõko mana.

Porowepio 30:5

“Ritonõpo omiry emero ajohpe pyra mana. Osewomatohme mana towomanekõme enetupuhnanomo a emero.

Porowepio 8:14

Ynyriry poko osenetupuhnõko ase, mame tyrĩko ase rahkene; zae ehtoh waro ase, jamihme ase roropa.

1 Korĩtiu 1:19

Moro poko ynara tymerose Ritonõpo omiryme: “Zuaro exiketõ mã tyya xine rokẽ zuaro mã toto. Yrome zuaro pyra toto ripõko ropa ase. Sero põkomo a tuarohxo mã toto, yrome ya zuaro pyra toh mana,” tykase Ritonõpo pake.

1 Korĩtiu 1:24

Yrome Ritonõpo nymenekatyamo a: “Kyrixtu toxixihmapose wewe pokona kymyakãkõme,” kary zae mana juteu tomo a, juteutõkara a roropa. Eya xine Jezu Kyrixtu Ritonõpo jamitunuru enepõko mana, kukurãkarykohtao. Eya xine zuaro Ritonõpo mana. Morara exiryke Tumũkuru tyrise iirypyrymãkõ pynanohneme.

1 Korĩtiu 1:30

Mãpyra Ritonõpo a typynanohse matose, Jezu Kyrixtu marõme oehtohkõme. Zuaro toehtoh ekarõko kyya xine mana. “Zae matose ya,” ãko Ritonõpo kyya xine, Jezu a tukurãkase kuexirykõke. Ritonõpo poenõme kure kyriatose. Kukurãkatamitukõ topehmase eya toorikyry ke rahkene.

Koroxi 2:3

Kyrixtu maro kuahtao xine Ritonõpo namorepatoh warohxo exĩko sytatose. Tupimãkõ waro exĩko sytatose. Ritonõpo osenetupuhtoh enetupuhnõko sytatose, zae ehtoh enetupuhnõko sytatose, zae pyra ehtoh roropa enetupuhnõko sytatose.