Porowepio 2:6 - Ritonõpo Omiry: A Bíblia Sagrada na língua Aparai do Brasil

⁶ Kuesẽkõ mokyro tuaro ehtoh ekaroneme kyya xine; Aomiry poe tuaro exĩko sytatose, enetupuhnõko roropa sytatose.

Porowepio 2:6 ပူးပေါင်းရင်းမြစ်များ

1 Tuisa 10:24

Moino imehnõ nonory põkõ toytory se kynexine tuaro aexiry etatohme tyya xine, Ritonõpo nekarohpyry eya.

1 Tuisa 3:12

onekaropohpyry ekarõko ase oya. Tuaro orĩko ase imehnõ motye, pakatokõ tuaro ehtopõpyry motye te, imeĩpo tuaro exiketõ motye roropa, enara.

1 Tuisa 3:9

Naeroro tuaro kyriko zae rokẽ opoetory tõ esẽme jerohtohme. Kuakorehmako kure ehtoh enetupuhtohme, popyra ehtoh isã pyra exiry enetupuhtohme. Moro waro pyra jahtao opoetory tõ akorehmary waro pyra jexiry.

1 Tuisa 4:29

Ritonõpo nekarohpyryme, tuaro Saromão tyrise imehnõ tuaro ehtoh motye. Tuaro aexiry onukuhpyra imehnõ kynexine.

1 Koronika 22:12

Mame tuaro oripory se ase Ritonõpo Oesemy a, emese kure oehtohme Izyraeu tõ tuisaryme oexiry poko, Ritonõpo omipona toto ehtohme.

Extara 7:25

“Omoro Extara, tuaro oexiryke Ritonõpo poe, ãkorehmananõ imenekako, juize tõ roropa Eupyrati-Oeste põkõ tuisaryme toto ehtohme, Ritonõpo Oesẽkõ omiry waro exiketomo, emero. Imehnõ amorepako Aomiry waro pyra exiketomo, zuaro toto ehtohme.

Neemia 7:5

Ritonõpo a osenetupuhtoh tyrise ukurohtaka ahno enehpotohme oximõme, tuisa tõ maro, tamuximãkõ maro, toto ekyry tõ esetykõ enetohme. Pape enease ropa tymerose, apitoryme aehtyã ropa Papironia poe esetykomo. Ynara tymerose moro pape pokona:

Jo 12:16

“Ritonõpo jamihme mana, orẽpyra roropa mana. Tonekunohse exikety Esẽme mana, onekunohto Esẽme roropa.

Jo 22:22

Otatõme exiko ãmoreparyhtao Ritonõpo a, aomiry ikurãkako okurohtao.

Jo 32:8

Yrome tuzenuke ahno mana, Ritonõpo Jamihmehxo Exikety Zuzenu tuaro kamexipõko mana.

Saumu 119:104

Õmihpyry enetuputyryke ya tuaro exĩko ase, morara exiryke zae pyra ehtoh emero se pyra ase ipunaka.

Saumu 119:34

Tuaro kyriko õmihpyry omipona jehtohme, yronymyryme omipona jehtohme.

Saumu 119:98

Onymeropohpyry ymaro exikehpyra mana, ipokoino tuarohxo ase, jepetõkara motye.

Saumu 19:7

Kure kuhse Kuesẽkõ omiry mana, kyjamihtanohtorỹko kukurohtao xine mana. Aomiry zae mana, naeroro enetupuhnõko sytatose, tuaro pyra exiketõ tuarõtanohnõko mana.

Saumu 19:8

Zae Ritonõpo nyripotyã mana, aomipona exiketõ atãkyemãko mã toto. Inyripotyã kure mana, kutuarõtanohtorỹko mana.

Saumu 51:6

Zae jehtoh se mase ukurohtao ajohpe pyra jehtohme. Tuaro kyriko ukurohtao.

Saumu 94:10

Ahno tõ zupokãko Ritonõpo mana; toto onuãnohpyra roropa hnae? Sero nono põkõ emero amorepãko Ritonõpo mana; oty katohme zuaro pyra ynororo, ekarõko matou?

Exutu 31:3

Eya Juzenu ekaroase akorehmaneme. Tuaro tyripose ya, emese kure aehtohme, ynyripotyã riry waro aehtohme tomepore ehtohme,

Porowepio 6:23

Inyripotyã oya saerehkatoh sã mã kehko, zae ehtoh pona tonehpose ropa awahtao ãmorepãko isene oehtoh poko.

Ekereziaxti 2:26

Tuaro ehtoh ekarõko mana kyya xine, senohne poko zuaro ehtoh roropa, tãkye ehtoh roropa tyamaro exiketomo a. Yrome popyra exiketõ irohmanohpõko Ritonõpo mana tykyryrykõ apoitohme tyya xine, ikurãkatohme roropa ekarotohme Ritonõpo zamaro exiketomo a. Moro roropa toiparo rokẽ mana, tururume tyryrykane ekahmary samo.

Izaja 54:13

Ywy roro apatary põkõ amorepãko ase, torẽtyke pyra exĩko mã toto, typynanohneke roropa.

Izaja 8:20

Yrome ynara kaxiko eya xine: — Kurehxo exiry kyya xine Ritonõpo Kuesẽkõ namorepatoh poko ekaropory kyya xine, inyripohpyry roropa. Pyaxime exiketõ omiry onetara ehtoko, mokaro omiry anakorehmara mana popyra ehtoh oehpyra ehtohme.

Tanieu 1:17

Mame zuaro tyripose toto Ritonõpo a papironio tõ nymerohpyry poko, emero poko tuaro ehtoh roropa. Yrome Tanieu tuaro ehtoh tokarose Ritonõpo a osenehtohtoh põ poko zuaro ehtohme.

Tanieu 2:21

Xixi esẽme mana, nuno roropa, xirikuato tõ roropa; xixime ehtoh eina myakamãko mana konopome ehtohme roropa. Tuisa tõ tuisame exĩko Ritonõpo poe, toto poremãkapõko roropa mana. Tuaro exiketõ tuaro exĩko Ritonõpo poe, tãtamorepary se exiketõ amorepãko mana.

Tanieu 2:23

Ritonõpo, ytamuru tõ Esemy, “Kure mase,” ãko ase oya, oeahmãko ase. Tuaro kyrino, orẽpyra jehtohme. Yna omiry etaryke oya, kuezuhno; tuisa zuaro se ehtoh menepõ ya.

Ruka 21:15

Toto ezuhtoh ekarõko ase oya xine. Tuaro oritorỹko roropa ase zae rokẽ ozehnotokõ ezuhtohme oya xine. Oezuhpyra xine exĩko toh mana.

João 6:45

“Emero ahno amorepãko Ritonõpo mana,” tykase urutõ kõ pake. Papa omiry etaryhtao tuaro exĩko toto. Mame ya oehnõko toto.

Tiaku 1:17

Emero kurãkõ Ritonõpo nekarohpyryme mana. Kure nymyry inekarohpyry kyya xine. Kapu ezuru Rihpõ mokyro. Inyrityã tyoro exĩko mana. Yrome etyorõmara mana. Kokoro rokẽ kurãkõ ekarõko mã kyya xine.

Tiaku 1:5

Tuaro oexirykõ se awahtao xine, Ritonõpo omipona oehtohkõ poko ekaropotoko Ritonõpo a. Mame otuarõtanohtorỹko mana, ekaroporyhtao oya xine, kutuarõtanohnekõme aexiryke. Kynekaropohpyrykõ motyẽkãko roropa mana.