Porowepio 2:2 - Ritonõpo Omiry: A Bíblia Sagrada na língua Aparai do Brasil

² Tuaro exiketõ omiry etako, atamorepako toto namorepatoh enetupuhtohme oya.

Porowepio 2:2 ပူးပေါင်းရင်းမြစ်များ

Saumu 90:12

Yna amorepako okynã pyra isene yna ehtoh poko taro, tuaro yna ehtohme yna kurohtao.

Porowepio 18:1

Osepeme se pyra exikety tyamene se rokẽ mana, imehnõ tuaro exiketõ namorepary se pyra mana.

Porowepio 2:3

Ỹ, tuaro ehtoh ekaropoko, ikohmako opore enetupuhtoh ekaropotohme oya.

Porowepio 23:12

Otato exiko ãmorepatoh poko, itamurume atamorepako tuarohxo oehtohme.

Porowepio 4:1

Poetohti etatoko pahne, omykomo a ãmorepatohkõ poko. Otato ehtoko tuaro ehtoh waro oehtohkõme.

Porowepio 4:20

Aimo, jomiry etako kure. Otato exiko, jotururu etako.

Porowepio 6:32

Yrome imepỹ nohpo poko exikety tuaro pyra exiketyme mana; osenahkãko mana.

Ekereziaxti 7:25

Tãtamorepase ywy yronymyryme zuaro jehtohme. Tuaro ehtoh enery se exiase. Ezuhtoh tonõ roropa waro se exiase, ynekaropory tõ ezukuru. Zuaro se exiase oty katohme popyra ehtoh te, tuaro pyra ehtoh roropa rowohpe ehtoh sã hnae?

Ekereziaxti 8:16

Tuaro se toehse jahtao morohne poko enetupuhtohme emero poko sero nono po, ynara zuaro toehse ywy: typakase jahtao ro koko saereme ahtao roropa,

Ekereziaxti 8:9

Morohne emero enease josenetuputyryhtao emero ehtoh poko sero nono po. Orutua enease tuisame toehse ahtao, imehnõ ipoetoryme exiketõ toetuarimase mokyro ituisarykõ pokoino.

Izaja 55:3

Etatoko pahne ya osehtoko, otato ehtoko isene oehtohkõme! Jomiry etapõko ase oya xine, jũme exiketyme: kure rokẽ oritorỹko ase, jomihpyry ae ro Tawi a.

Mateu 13:9

— Naeroro etatoko. Otato awahtao xine Ritonõpo enetupuhnõko matose, tykase Jezu eya xine.

Atos 17:11

Morotõkõ imehnõ otururu etary zuno pyra toh kynexine, Tesaronika põkõ sã pyra. Ritonõpo omiry totase eya xine yronymyryme. Kokoro rokẽ aomiry poko tãtamorepase toto zae Pauru omiry ehtoh waro toehtohkõme.