Porowepio 2:10 - Ritonõpo Omiry: A Bíblia Sagrada na língua Aparai do Brasil

¹⁰ Tuaro exiketyme exĩko mase, azamaro tuaro oehtoh exĩko mana.

Porowepio 2:10 ပူးပေါင်းရင်းမြစ်များ

Jo 23:12

Anamonohpyra ase Ritonõpo nyripohpyry omipona jehtoh poko; ise Ritonõpo ehtoh sehxo hano, ypenetatoh se jehtoh motye.

Saumu 104:34

Ritonõpo zamaro se ase jeremiatoh tonõ ke, ipoe tãkye jexiryke.

Saumu 119:103

Anusasamã sã ya õmiry mana! Ano zeni motye anusasame mã ya.

Saumu 119:111

Jamorepatopõpyry oya ymõkomory kurã sã mã kehko jũme rahkene; tãkye jyrĩko mã toto ukurohtao.

Saumu 119:162

Tãkye kuhse ase õmihpyry poko, imepỹ tãkye ehtoh samo mõkomo kurã apoiryhtao eya!

Saumu 119:97

Õmihpyry sehxo hano! Osenetupuhse kohmãnõko ase ipoko.

Saumu 19:10

Uuru kurã motye kure Ritonõpo namorepatoh mana, uuru itamurume kure kuhse Ritonõpo omiry mana. Morararo ano zeni anusasame ehtoh motye anusasame Ritonõpo omiry mana.

Porowepio 1:4

Tuaro pyra exiketõ amorepãko tuaro toto ehtohme tamuhpõme pyra ro toto ahtao. Poetohti tõ amorepãko zae ehtoh menekatohme eya xine, zae ehtoh poko toto ehtohme.

Porowepio 14:33

Tuaro exiketõ mã osenetupuhkehpyra mã toto zae ehtoh poko, yrome tuaro pyra exiketõ zae ehtoh waro pyra mã toto ipunaka.

Porowepio 22:18

tãkye exĩko mase morohne poko wenikehpyra awahtao, morohne ekarory waro awahtao roropa.

Porowepio 4:6

Tuaro ehtoh onurumekara exiko, oewomãko mana. Ipyno exiko, mame kure rokẽ okurãkãko mana.

Jeremia 15:16

Moturuase ya. Otato exiase õmiry poko emero. Ritonõpo Jamihmehxo Exikety, opoetoryme ase. Morara exiryke õmiry tãkye jyrĩko mana ukurohtao, atãkyemãko ase ipunaka.

Koroxi 3:16

Kokoro rokẽ Kyrixtu omipona rokẽ ehtoko ipunaka. Ipoko osenetupuhtoko okurohtao xine. Zae imehnõ amorepatoko Jezu Kyrixtu poko. Zae ehtoh poko ituarõtanohpotoko toto. Oeremiatoko ipoko. “Emero motye tuisame mase Jezu,” kary se awahtao xine: “Omoro rokẽ mase yna esẽme Jezu,” kary se roropa awahtao xine te, tãkye awahtao xine okurãkatopõpyrykõ poko, morohne poko oeremiatoko Ritonõpo netaryme. “Kure mase,” kakehpyra ehtoko roropa okurohtao xine.