Porowepio 16:9 - Ritonõpo Omiry: A Bíblia Sagrada na língua Aparai do Brasil

⁹ Tukurohtao tynyriry poko osenetupuhnõko ahno mana, yrome Ritonõpo rokẽ oehtoh tyripõko mana.

Porowepio 16:9 ပူးပေါင်းရင်းမြစ်များ

2 Koronika 22:7

Yrome Ritonõpo poe Akazia orihtoh exiry Jorão maro ahtao. Toeporehkase tahtao Akazia toytose Jorão maro oseporyse Jeu, Ninixi mũkuru maro. Ritonõpo nymenekahpyryme Jeu kynexine Akape tõ enahkatohme.

Saumu 37:23

Zae kuesemarykõ ae kuarotorỹko Kuesẽkõ mana, tyamaro exiketõ ewomãko mana.

Porowepio 16:1

Ahno osenetupuhnõko mã toto ise toehtoh ritohme repe, yrome Ritonõpo rokẽ tyripõko mana.

Porowepio 16:8

Kurehxo pitiko rokẽ tymõkomoke ahtao zae rokẽ tapoise ahtao oya, popyrahxo itamurume tymõkomoke ahtao onekunohto toehtamitume.

Porowepio 19:21

Osenetupuhnõko ahno mana tynyrirykõ poko repe, yrome Ritonõpo nymenekahpyry rokẽ exĩko mana.

Porowepio 20:24

Kuesemarykõ menekãko Ritonõpo mana, emero rokẽ toehse ahtao kyya xine onenetupuhpyra sytatose repe, yrome Ritonõpo zuaro mana.

Porowepio 21:1

Tuisa konõto osenetupuhtoh arory tupime pyra mana Ritonõpo a, iporiry sã mokyro eramãko mana typenetatoh ripotohme eya.

Porowepio 21:30

Ahno namorepatoh te, tupimã ezukuru waro roropa ahtao te, tyriry waro ehtoh roropa, morohne emero ãkorehmara mana oepeme pyra Ritonõpo ahtao.

Izaja 46:10

Apitory poe kuruatose sero etyhpyry poko. Pake ahtao oturuase senohne emero ehtoh poko. ‘Josenetupuhtoh emero exĩko mana, ekurehpyra, tyriry se jehtoh tyrĩko ase emero porehme,’ tykase ywy.

Jeremia 10:23

Ritonõpo yna Esemy, zuaro ase, ahnome rokẽ yna exiryke imeĩpo yna ehtoh waro pyra ynanase; imeĩpo ehtoh onytyoromasaromepyra ynanase.

1 Samueu 9:16

— Kokoro serara ahtao ynymenekahpyry, orutua enehpõko ase oya Pẽjamĩ parỹpyry. Mokyro zuhsuhmako oriu ke. Izyraeu esẽme exĩko mã ynororo. Toto pynanohnõko roropa mana toto onyporemãkapopyra pirixteu tõ ehtohme. Ypoetory tõ etuarimary enẽko ase. Toto xitary etãko roropa ase, tykase Ritonõpo Samueu a.