Porowepio 12:2 - Ritonõpo Omiry: A Bíblia Sagrada na língua Aparai do Brasil

² Ritonõpo zamaro zae ehtoh poko exiketõ mana, yrome jamaro pyra mana popyra tyriry se exiketomo.

Porowepio 12:2 ပူးပေါင်းရင်းမြစ်များ

2 Samueu 15:3

Mame Apisarão ynara tykase eya: — Etako pahne! Tyriry se oehtoh zae mana. Yrome oetane pyra mana. Tuisa nyripohpyry pyra.

Saumu 112:5

Tãkye mã mokyro imehnõ pyno exikety, tytineru ke toto akorehmãko mana aekurãkatohkõme ropa, zae osepekahnõko zae ekamõko roropa mana!

Saumu 9:15

Ozehnotokomo a eutary ahkahpyry aka toepukase toto. Ahno apoitoh aka tomõse toh nexiase, tynyrihpyrykõ aka.

Porowepio 1:31

Morara exiryke onyrihpyrykõ epehpyry apoĩko matose, onyrityãkõ emetakã apoĩko matose.

Porowepio 12:1

Tuaro sehxo exikety tukurãkary se ropa mana imehnomo a, azahkuru toehse ahtao zae ehtohme; putupyra exikety rokẽ tukurãkary se pyra mana imehnomo a.

Porowepio 14:17

Axĩ zehno exiketõ ajoajohpe exiketõ nyriry sã tyrĩko mã toto, yrome tuaro exikety mokaro mynyhpãkãko mana.

Porowepio 14:22

Zae ehtoh poko oerokuruhtao, õmiry etary se exĩko mã toto, ime oehtoh enetupuhnõko roropa mã toto, yrome popyra ehtoh poko oerokuruhtao azahkuru mase.

Porowepio 3:4

Morara awahtao Ritonõpo zamaro exĩko mase; ahno zamaro exĩko roropa mase.

Porowepio 8:35

Tapoise jahtao oya isene exĩko mase, Ritonõpo zamaro exĩko roropa mase.

Ekereziaxti 8:8

Tyryrykane onukuremasaromepyra sytatose, apoiry waro pyra roropa sytatose. Moro saaro kuorikyrykõ ẽmepyry onymenekasaromepyra sytatose. Moro etonatoh wino epasaromepyra sytatose, tuarohxo ehtoh ke roropa osepynanohsaromepyra sytatose.

Atos 11:24

Panape kurã kynexine, Ritonõpo Zuzenu nae. Orẽpyra aomipona roropa kynexine. Naeroro tuhke morotõkõ Jezu poetoryme toehse.

Romanos 5:7

Tupime sã kuorikyrykõ kyya xine mana imepỹ kurã orihpyra ehtohme. Otarãme toitoine toorikyry zuno pyra exikety osekarõko mana orihtohme tope kurã orihpyra ehtohme.