Porowepio 10:9 - Ritonõpo Omiry: A Bíblia Sagrada na língua Aparai do Brasil

⁹ Ajohpe pyra exiketõ towomase mã toto, torẽtyke pyra mã toto, yrome ajohpe exiketõ tapoisẽme exĩko mã toto.

Porowepio 10:9 ပူးပေါင်းရင်းမြစ်များ

Jenexi 17:1

Morarame 99me jeimamyry taropose Aparã ahtao tõsenepose ropa Ritonõpo eya, ynara tykase ynororo eya: — Ywy ase Ritonõpo Jamihmehxo Exikety. Jomiry omipona exiko, zae ehtoh poko rokẽ exiko roropa.

Jo 8:20

“Zuaro sytatose, zae ehtoh poko exiketõ onurumekara Ritonõpo mana. Popyra exiketõ anakorehmara roropa mana.

Saumu 23:4

Jemynyhmaryhtao yronymyryme enaromyra ase ymaro oexiryke, Ritonõpo Jesemy; jewomãko mase, zae tyritoh enepõko mase ya azamaro jehtohme.

Saumu 25:21

Emese kure oehtoh enetuputyryke ya kuewomako ajohpe pyra jexiryke, zae ehtoh se jexiryke.

Saumu 84:11

Ritonõpo Kuesẽkõ kuezurukõme mana, kuewomanekõme roropa. Zae ehtoh poko exiketõ pyno mana. Imehxo toto rĩko mana. Kurãkõ ekarõko roropa eya xine mana.

Porowepio 17:20

Popyra ehtoh poko osenetupuhkehpyra ahtao, morohne poko oturukehpyra roropa ahtao kurãkõ anapoipyra ekurehnõko mana, popyra ehtoh apoĩko rokẽ mana.

Porowepio 26:26

Imehnõ zae exiketõ poenohnõko mã repe, imehnõ enekunohtohme, yrome etyhpyryme popyra inyrityã enẽko mã toto emero.

Porowepio 28:1

Popyra exiketõ epãko mã toto onekahmara imehnõ ahtao ro, yrome ajohpe pyra exikety orẽpyra mana reão samo.

Porowepio 28:18

Ajohpe pyra exikety osewomãko mana, yrome ajohpe exikety mõtoino rokẽ orẽnõko mana.

Porowepio 3:23

Kure rokẽ ytoytõko mase oesemary ae, oseosetapara exĩko roropa mase.

Mateu 10:26

Ynara tykase roropa Jezu typoetory tomo a: — Imehnõ zuno pyra ehtoko. Emero zonẽtyã enepõko ropa Ritonõpo mana. Emero puti puti katopõpyry roropa zumakãko roropa mana.

1 Korĩtiu 4:5

Morara exiryke Kuesẽkõ oehpyra ro ahtao: “Popyra matose Ritonõpo a,” kara ehtoko imehnomo a. Imeĩpo jũme rokẽ kuapiakatorỹko Kuesẽkõ mana, toehse ropa tahtao. Morara ahtao kynyrihpyrykõ enepynỹpo tõ zumakapõko mana, kuosenetupuhtopõpyrykomo, kypenetatopõpyrykomo, enara. Morarame: “Kure mase ya,” ãko Ritonõpo zae exiketomo a.

1 Timoteu 5:25

Morararo toitoine ahno kure exiry axĩ enẽko sytatose. Yrome tokare pyra ahtao okynahxo ahtao kure toto exiry enetupuhnõko sytatose.