Porowepio 10:3 - Ritonõpo Omiry: A Bíblia Sagrada na língua Aparai do Brasil

³ Zae ehtoh poko exiketõ onemitapãkapopyra Ritonõpo mana, yrome popyra exiketõ akorekehkãko mana ipenetatohkõ anapoipyra toto ehtohme.

Porowepio 10:3 ပူးပေါင်းရင်းမြစ်များ

Jo 15:23

Aorikyry eraximãko kurumu tõ mana, ekepyry pũ õtohme. Toorikyry a rokẽ zuaro mana, okynã pyra xinukutume mã exĩko eya.

Jo 20:28

Moro ẽmepyry ae zehno Ritonõpo ehtoh tukuãse ahtao epona xine, itinerũ imõkomory roropa tonahkasẽme exĩko mana, emero porehme.

Jo 5:20

Omise ehtoh konõto toehse ahtao opynanohnõko mana oorikyryino, etonatoh toehse ahtao opynanohnõko mana oetaparyino.

Saumu 10:14

Yrome omoro, Ritonõpo, osenuhmãko mase, imehnõ osanumary enẽko mase, emynyhmaketõ akorehmary se mase toto atasamaryhtao ro. Osewomasaromepyra exiketõ oeraximãko mã toto. Etuarimaketõ anakorehmakehpyra mase.

Saumu 112:10

Moro eneryke popyra exiketomo a tohne exĩko mã toto; mokyro se pyra toh mã repe, osenahkãko rokẽ mã toto. Popyra exiketõ ise ehtoh enahnõko rokẽ mana, arypyra exĩko ropa mana.

Saumu 33:19

Toto pynanohnõko mana orihpyra toto ehtohme. Mame omise konõto toehse ahtao isene ro toto kurãkãko mana.

Saumu 37:19

Popyra ehtoh toehse ahtao, etuarimara exĩko mã toto. Inapyrykõ ipune mana emitapãtoh konõto toehse ahtao.

Saumu 37:25

Poetome exiase, seromaroro tamuhpõme toehse ywy, yrome yneneryme zae ehtoh poko exiketõ onurumekapitopyra Kuesẽkõ mana. Ipoenõ roropa: “Ise, ise,” kara toto tonahsẽ poko.

Saumu 37:3

Ritonõpo enetupuhko Oesẽme, kure ehtoh poko exiko roropa; morara awahtao kure exĩko mase, imehnõ zuno pyra Ritonõpo nekarohpyry po.

Porowepio 13:25

Zae ehtoh poko exiketõ kure otuhnõko mã toto, tuesapare exĩko, yrome popyra exiketõ mã omise exikehpyra mã toto.

Porowepio 14:32

Popyra exiketõ osenahkãko mã toto popyra tynyrityã ke, yrome zae ehtoh poko exiketõ towomase mã toto zae inyrityã exiryke.

Porowepio 28:25

Tyamene se exikety popyra ehtoh enehpõko rokẽ mana. Yrome Ritonõpo enetuputyryhtao oya oesẽme, orẽpyra exĩko mase.

Porowepio 28:9

Ritonõpo omiry omipona pyra exikety õmiry etary se pyra exĩko Ritonõpo mana aotururuhtao eya.

Izaja 33:16

Moro sã ahtao towomasẽme exĩko mana, tapyi jamihme exikety tao sã exĩko mana, topu risẽ tao; tonahsẽ nae exikehpyra mana, tuna roropa enahpỹme aukurume exĩko.

Sowonia 1:18

Moro ẽmepyry toehse ahtao, parata ãkorehmasaromepyra mana uuru roropa opynanohsaromepyra mana awãnohpyra Ritonõpo ehtohme, ozehno xine Ritonõpo Kuesẽkõ ahtao. Sero nono zehno toexiryke jahkãko mã ynororo apoto ke emero porehme. Epasaromepyra exĩko sero nono põkõ mana, mokaro enahkapõko mana oximõme emero porehme.

Ruka 12:31

Yrome osemazuhme Ritonõpo enetupuhtoko oesẽkõme. Mame morohne ekarõko oya xine mana.