Porowepio 1:5 - Ritonõpo Omiry: A Bíblia Sagrada na língua Aparai do Brasil

⁵ Sero jomiry zae ehtoh poko tuaro exiketõ zuarohxo tyripõko mana, amorepatyã amorepãko mana

Porowepio 1:5 ပူးပေါင်းရင်းမြစ်များ

2 Koronika 25:16

Yrome urutõ tymynyhpãkapose tuisa a, ynara karyke: — Otara ahtao tuisa amorepaneme kyriase? Mynyhme exiko oorihmaporyino ya, tykase. Naeroro mynyhme toehse urutõ ynara kaxĩpo: — Oenahkapõko Ritonõpo mana, zuaro ase morohne tyrise oya exiryke, jomiry onetara roropa oexiryke, tykase ynororo.

Jo 34:10

“Seromaroro, tuaro exiketomo, jomiry etatoko. Azahkuru ehtoh rĩko Ritonõpo nae? Ritonõpo Jamihmehxo Exikety zae pyra ehtoh onyripyra mana.

Jo 34:16

“Seromaroro, Jo, tuaro awahtao jomiry etako, otato exiko.

Jo 34:2

“Tuaro exiketomo, tamorepase exiketõ roropa, etatoko ke jotururu.

Jo 34:34

“Tuaro exiketõ atae mã toto emero, zuaro se exiketõ roropa jomiry etaryke eya xine ynara ãko mã toto:

Porowepio 12:1

Tuaro sehxo exikety tukurãkary se ropa mana imehnomo a, azahkuru toehse ahtao zae ehtohme; putupyra exikety rokẽ tukurãkary se pyra mana imehnomo a.

Porowepio 14:6

Ipoihtone tuaro ehtoh zupĩko repe, yrome onenetupuhpyra mana, yrome zae ehtoh enetuputyry tupime pyra mana tuaro exikety a.

Porowepio 18:15

Tuaro exikety tãtamorepary se exikehpyra mana zuarohxo toehtohme.

Porowepio 19:25

Epyrypaketõ tuãnohse ahtao zae mana, tuaro pyra exiketõ tuarohxo exĩko mã toto imehnõ motye kure osekaropyra ehtohme; tuaro exiketõ tupokase ahtao tuarohxo exĩko mã toto.

Porowepio 21:11

Imehnõ motye osekarokety tuãnohse ahtao, tuaro hkopyra exiketõ tuarohxo exĩko mã toto. Tuaro exikety amoreparyhtao tuarohxo exĩko mana.

Porowepio 8:33

Ãmorepatopõpyrykõ poko wenikehpyra ehtoko. Tuaro ehtoko; ãmorepatopõpyrykõ onurumekara ehtoko.

Porowepio 9:8

Kure rokẽ osekarokety onupokara exiko ipunaka; zupokaryhtao oya ozehno exĩko mana. Yrome tuaro exikety zupokaryhtao oya topeme oekarõko mana.

Porowepio 9:9

Tuaro exiketõ amoreparyhtao tuarohxo exĩko mana. Zae ehtoh poko exikety amoreparyhtao zuarohxo exĩko mana.

Ekereziaxti 9:11

Ynara tonetupuhse roropa ya sero nono po ehtoh poko: toitoine axihxo tururume ytoketõ osemazuhme eporehkara mã toto, toitoine soutatu tõ jamihmehxo exiketõ typoremãsẽme exĩko mã toto. Enease roropa toitoine tuaro exiketõ tonahsẽ pyra exĩko mã toto. Toitoine tãtamorepase exiketõ tymõkomoke pyra exĩko mã toto. Enease roropa toitoine emese kurehxo exiketõ tuisame exipyra exĩko mã toto. Popyra ehtoh exĩko kyya xine mana, emero.

1 Korĩtiu 10:15

Tuaro exiketõme matose ya. Naeroro zae jomiry ehtoh enetupuhtoko.

Teuteronomiu 4:6

Naeroro tomeseke ehtoko yronymyryme ynyripohpyry tõ omipona oehtohkõme. Mame imehnõ oenetorỹko mã toto, tuaro exiketõme oekarotorỹko mã toto zae ehtoh waro exiketõme roropa. Mame Ritonõpo Omihpyry etaryhtao eya xine ynara ãko mã toto opoko xine: “Tuaro mokaro mã toto. Itamurume zuaro mã toto. Ahno imehxo mã toto.”