Porowepio 1:4 - Ritonõpo Omiry: A Bíblia Sagrada na língua Aparai do Brasil

⁴ Tuaro pyra exiketõ amorepãko tuaro toto ehtohme tamuhpõme pyra ro toto ahtao. Poetohti tõ amorepãko zae ehtoh menekatohme eya xine, zae ehtoh poko toto ehtohme.

Porowepio 1:4 ပူးပေါင်းရင်းမြစ်များ

Saumu 116:6

Osewomasaromepyra exiketõ ewomãko mana. Orihsasaka jahtao typynanohse exiase eya.

Saumu 119:130

Õmihpyry poko atamorepatopo saerehkatoh sã mana, tuaro pyra exiketõ tuarõtanohnõko mana.

Saumu 119:9

Otãto nuasemãkõ zae rokẽ ehtoh poko exĩko nae? Õmihpyry omipona exikehpyra ahtao rokẽ atapuropyra exĩko mã toto!

Saumu 19:7

Kure kuhse Kuesẽkõ omiry mana, kyjamihtanohtorỹko kukurohtao xine mana. Aomiry zae mana, naeroro enetupuhnõko sytatose, tuaro pyra exiketõ tuarõtanohnõko mana.

Saumu 34:11

Osehtoko, jepe tõ poetohti, kuetatoko ke, ãmorepatorỹko ase kure Ritonõpo Kuesẽkõ ritoh poko oya xine.

Porowepio 3:21

Aimo, tuaro exikehpyra exiko, zae ehtoh imenekako ipoko rokẽ oehtohme, jũme toto onurumekara exiko.

Porowepio 8:12

Ywy ase Tuaro ehtopo; zae ehtoh enetupuhnõko ase; atamorepatoh waro ase, zae imenekary waro roropa ase.

Porowepio 8:17

“Imehnõ pyno ase ypyno toto ahtao; jupiryhtao ahno a jeporỹko mã toto.

Porowepio 8:32

“Naeroro, aimo tomo, etako pahne! Ynyripohpyry tyritoko, morarame tãkye exĩko matose.

Porowepio 8:5

Poetome ro mase, zae ehtoh waro nymyry pyra ro mase. Atamorepako zae ehtoh waro oehtohme. Putupyra exikety sã pyra exiko. Zae ehtoh poko atamorepako tuaro oehtohme.

Ekereziaxti 11:9

Nuasemãkomo, oryximãkõ roropa, atãkyematoko poetome ro awahtao xine. Ise oehtohkõ tyritoko, openetatohkõ okurohtao xine. Yrome ynara wenikehpyra ehtoko: ãpiakatorỹko Ritonõpo mana onyrihpyrykõ poko emero porehme.

Izaja 35:8

Moroto osema konõto nae exĩko, tosehpase “Ritonõpo Kurã Esemaryme.” Moro ae popyra ehtoh poko exiketõ ytopyra exĩko, Ritonõpo poetory tõ moro osema ae ytõko mã toto. Tuamekaro exiketõ moro ae aytorykohtao tahpyra exĩko mã toto.

Teuteronomiu 4:6

Naeroro tomeseke ehtoko yronymyryme ynyripohpyry tõ omipona oehtohkõme. Mame imehnõ oenetorỹko mã toto, tuaro exiketõme oekarotorỹko mã toto zae ehtoh waro exiketõme roropa. Mame Ritonõpo Omihpyry etaryhtao eya xine ynara ãko mã toto opoko xine: “Tuaro mokaro mã toto. Itamurume zuaro mã toto. Ahno imehxo mã toto.”

2 Timoteu 2:22

Nuasemãkõ otarame tyyrypyrykõ poko penetãko mã toto. Ipenetarykõ poko pyra exiko. Ynara rokẽ exiko, zae ehtoh poko rokẽ exiko, Jezu enetuputyry poko, imehnõ pyno oexiry poko, kure rokẽ oexiry poko, enara. Moro saaro Ritonõpo maro oturuketomo, kure rokẽ toexirykõ poko toto. Tyyrypyry poko pyra toto ipunaka tukurohtao xine.

Titu 2:6

Nuasemãkõ roropa zuruko ajoajohpe pyra toto ehtohme.