Porowepio 1:2 - Ritonõpo Omiry: A Bíblia Sagrada na língua Aparai do Brasil

² Sero omi mã ãkorehmãko zuarohxo se oehtohme zae ehtoh poko te, ãmorepatoh kurã se oehtohme te, osenetupuhtoh tupimãkõ enetupuhtohme.

Porowepio 1:2 ပူးပေါင်းရင်းမြစ်များ

Porowepio 15:33

Ritonõpo Imehxo ehtoh enetuputyryhtao oya tuarohxo exĩko mase; imehnõ motye kure osekaropyra awahtao, imeĩpo imehxo orĩko imehnõ mana.

Porowepio 16:16

Tuaro ehtoh nae awahtao uuru motye kure mana; tuaro oehtoh parata motye mana.

Porowepio 17:16

Toiparo rokẽ putupyra exikety tineru ke epehmãko tamorepasẽme ehtohme, tuaro ehsaromepyra toexiryke.

Porowepio 19:20

Otato exiko ãmoreparyhtao imehnomo a te, tuaro oexiry se roropa awahtao; imeĩpo tuaro exiketyme exĩko mase rahkene.

Porowepio 2:9

Jomiry etaryhtao oya enetupuhnõko mase zae ehtoh poko, kure ehtoh poko, ajohpe pyra ehtoh poko, enara, mame zae ehtoh riry waro exĩko mase.

Porowepio 4:1

Poetohti etatoko pahne, omykomo a ãmorepatohkõ poko. Otato ehtoko tuaro ehtoh waro oehtohkõme.

Porowepio 7:4

Tuaro ehtoh poko exiko, ooryxiry pyno oehtoh samo ipyno exiko. Ãtamorepary poko exiko oepe kurã pyno oehtoh samo.

Porowepio 8:33

Ãmorepatopõpyrykõ poko wenikehpyra ehtoko. Tuaro ehtoko; ãmorepatopõpyrykõ onurumekara ehtoko.

Porowepio 8:5

Poetome ro mase, zae ehtoh waro nymyry pyra ro mase. Atamorepako zae ehtoh waro oehtohme. Putupyra exikety sã pyra exiko. Zae ehtoh poko atamorepako tuaro oehtohme.