Piripo 1:22 - Ritonõpo Omiry: A Bíblia Sagrada na língua Aparai do Brasil

²² Yrome orihpyra jahtao erohnõko ro ase. Ritonõpo nyrohmanohpotoh kurã poko ro ase. Orihpyra jahtao imehnõ Kyrixtu enetupuhnõko mana jomiry etaryke tyya xine. Morara exiryke imenekary waro pyra ase, jorikyry, orihpyra jexiry, enara.

Piripo 1:22 ပူးပေါင်းရင်းမြစ်များ

Jenexi 21:26

Ynara tykase Apimereke: — Onoky a morara tyrise? Zuaro pyra akene. Jurupyra mexiase. Seromaroro rokẽ moro poko etãko ase.

Jenexi 39:8

— Arypyra, tykase ynororo eya. — Etako pahne. Torẽtyke pyra jesẽ mana tykyryry tõ poko, sero itapyĩ tao taro jexiryke. Tyrise ywy eya tykyryry emero eraseme, zae rokẽ erohtohme ikyryry tõ poko.

Saumu 71:18

Seromaroro tamuhpõme ase, jũsety karimutume toehse, jurumekara exiko, Ritonõpo! Ymaro exiko ajamitunuru poko otururuhtao ahno a, imehxo oehtoh roropa ekaroryhtao moxiamo a, ipoenõkomo a ipakomotyamo a roropa.

Exutu 32:1

Mame okynã Moeze ahtao ypy po, typenekehse imoihmãkõ kynexine eraximary poko. Tõximõse toto Arão maro, oturutohme. Ynara tykase toto eya: — Otoko keh Moeze nae? Otarahxo tã nexiase? Eatãpyrahxo pãna nexiase. Eya tonehse kymarokõ Ejitu poe. Naeroro ritõ tyriko kuesemazupurukõme ytotohme.

Atos 3:17

— Wekyry tomo. Awaro xine ase. Jezu exixihmahpõkõ matose, tuaro pyra oexirykõke, oesẽkõ maro.

Romanos 1:13

Wekyry tomo, otuarõtanohporykõ se ase. Tuhke rokẽ jytory se exiase oenese xine repe. Yrome tuhke takorekehkase roropa ywy jytohtome myaro. Imehnõ eahmary se exiase Kuesẽkõ enetupuhtohme eya xine, moero amaro xine, imehnõ juteutõkara amorepatopõpyry saaro ya Jezu poetoryme toto ehtohme imepỹ pata tõ poro. Moro saaro imehnõ amorepary se ase amaro xine.

Romanos 11:2

Naeroro tynymenekatyã onurumekara Ritonõpo mana. Apitoryme tymenekase toto typoetoryme toto ehtohme. Ritonõpo omihpyry waro matose moro poko, Izyraeu hxirotopõpyry Eria a, Ritonõpo netaryme. Ynara tykase ynororo:

2 Korĩtiu 10:3

Sero nono poro ynanase Ritonõpo onenetupuhpynõ maro repe. Yrome mokaro osenetupuhtoh ke pyra yna zehnotokõ poremãkapõko ynanase.

Karaxia 2:20

Taro ro ase sero nono po, yrome Kyrixtu ymaro mana. Naeroro Ritonõpo mũkuru enetuputyryke sã rokẽ ytoytõko ase. Pake jehtopõpyry sã pyra, aomipona toehse ywy. Ypyno toexiryke kynorihne, orihpyra jehtohme. Naeroro aomipona se rokẽ ase.

Piripo 1:23

Asakoro kure ya mana. Sero nono rumekary se ase, Kyrixtu maro jehtohme. Morara kurehxo ya repe.

Piripo 1:24

Yrome oya xine kurehxo orihpyra jexiry aporo ãkorehmatohkõme.

Koroxi 2:1

Jerohtopõpyry poko oururukõ se ase zuaro oehtohkõme. Yronymyryme erokuase ãkorehmatohkõme, Raotisea põkõ roropa akorehmatohme, imehnõ roropa juaro pyra exiketõ akorehmatohme roropa.

1 Peturu 4:2

Moino ro ãmoreme xine oorypyrykõ poko mexiatose. Taroino Ritonõpo omipona ehtoko, kokoro rokene. Oorypyrykõ poko penetara ehtoko.