Ozeja 6:3 - Ritonõpo Omiry: A Bíblia Sagrada na língua Aparai do Brasil

³ Yronymyrymehxo sosekarotone Kuesẽkomo a! Anamonohpyra xixi ehtoh samo, kuakorehmatorỹko mana; anamonohpyra oehnõko mana konopo oepyry sã nono ehxikatohme eina exisasaka ahtao.

Ozeja 6:3 ပူးပေါင်းရင်းမြစ်များ

2 Samueu 23:4

ẽmepyry sã mana akurume pyra ahtao, xixi saereme potu ehtoh samo konopo oehkehxĩpo xirikozuru ehtoh samo.

Jo 29:23

Toto zamaro jomiry nexiase, konopo oepyry sã tupito esẽ zamaro eina pyra ro ahtao.

Saumu 19:4

Yrome kapu omiry enetupuhnõko sytatose sero nono po porehme. Aomiry enetupuhnõko mã toto, imehnõ pata tõ po sero nono etyhpyry po. Kapu poko xixi esary tyrise Ritonõpo a.

Saumu 19:6

Tũtãko mana kapu etyhpyry poe, mya ytõko imepỹ etyhpyry pona; piukah ãko mana emero pona.

Saumu 63:8

Orumekara ase, janỹnõko mase xikihme osetapara jehtohme.

Saumu 65:9

Sero nono pyno oehtoh enepõko mase, konopo enehpõko mase nono ehxikatohme kure ehtohme. Konopo oepyryke iporiry kumanohnõko mana, morararo otyro zamaro nono exĩko, eperytãko kure, morara tyripose oya exiryke.

Saumu 72:6

Ah mokyro tuisamã konopo sã nexino ona po, aepyryhtao onahpoty ehxikase nono poro.

Porowepio 4:18

Zae ehtoh poko exiketõ esemary saerehkane sã mana, xixi tũtapitory sã mana. Saeremehxo exĩko mana, xixime ehtoh pona.

Izaja 2:3

Ynara ãko mã toto: “Ehmaropa onuhse Ritonõpo esary pona, ehmaropa Ritonõpo Tapyĩ taka, Izyraeu tõ Esemy a. Kuamorepatorỹko mana zae ehtoh poko kuehtohkõme, inyripohpyry omipona exĩko sytatose. Ynara exiryke, kuamorepanekõ Ritonõpo poko Jerusarẽ poe oehnõko mana; ypy Xião poe typoetory tõ zurũko mana.”

Izaja 32:15

Yrome Tuzenu enehpõko ropa Ritonõpo mana kypona xine; tupi tõ po tõ mã kurãkõ tarykasã zamaro exĩko ropa, itamurume tykyrysã ahtãko tupito tõ po.

Izaja 44:3

Konopo enehpõko ase ona tonorẽ po, iporiry tõ rĩko ase serere katohme nono tonorẽ poro. Moro saaro Juzenu kuãnõko ase opoenõ pona, apakõ pona roropa, kure ehtoh ekarõko roropa ase apakomo a.

Izaja 5:6

Ynarykahpyry turumekasẽme exĩko mana, ãtarykahme ehtohme; uwa amoriry tõ onysahkara exĩko ase, moro nono anakorokara roropa exĩko ase; ãtarykahme rokẽ inomõko ase, omoxino tõ rokẽ ehtohme. Akurũ tomo a konopo onenehpopyra exĩko ase, utupi pona.”

Izaja 54:13

Ywy roro apatary põkõ amorepãko ase, torẽtyke pyra exĩko mã toto, typynanohneke roropa.

Jeremia 24:7

Ikurohtaka xine jenetuputyry se toto ehtoh rĩko ase, Ritonõpo Tosẽkõme. Mame ypoetoryme exĩko mã toto, ywy toto Esẽme exĩko ase, yronymyryme toepyrykõ se exĩko mã toto ya, jomipona toehtohkõme.

Ezekieu 36:25

Konopo sã tuna kurã emãko ase opona xine okurikatohkõme oneponãmarykõ pokoino, emero nuriame oripotopõpyrykõ pokoino roropa.

Ozeja 10:12

Ynara ase eya xine: “Tupito nonory kasenato ahkatoko, zae ehtoh arykatohme. Mame kure ehtoh apoĩko matose ypyno toehse oexirykõke. Oehtohkõme ropa ya toehse mana. Ywy ase Ritonõpo. Konopo sã kure ehtoh enehpõko ase opona xine, opynanohtorỹko ase.”

Ozeja 14:5

Konopo sã exĩko ase Izyraeu tomo a, ekuru tõ ekutãko mã kehko, ririo tomo. Imity tõ ahtãko roropa mã kehko mya rahkene, wewe mity sã Ripano po.

Ozeja 14:6

Amoriry tõ mosahxo exĩko mã kehko, kure potu oriwera amoriry tõ samo. Typoxine exĩko roropa mã kehko apupari samo Ripano po.

Ozeja 2:20

Amonohkara exĩko ase oniome. Ywy Ritonõpo, ya rokẽ osekarõko roropa mase.

Mikeja 4:2

Ynara ãko mã toto: “Ehmaropa onuhse ypy pona Ritonõpo esary pona, Ritonõpo Tapyĩ taka, Izyraeu tõ Esemy a. Kuamorepatorỹko mana zae ehtoh poko kuehtohkõme; Inyripohpyry omipona exĩko sytatose. Ynara exiryke, Kuamorepatohkõ Ritonõpo poko Jerusarẽ poe oehnõko mana; ypy Xião poe typoetory tõ netaryme oturũko mana.”

Mikeja 5:2

Ynara ãko Ritonõpo mana: — Perẽ-Epyrata, pata pitiko mase Juta patary tõ rãnao, yrome owino Izyraeu tõ tuisary enehpõko ase, moino ro exiketyme mã ynororo, apitorymã poe.

Mikeja 5:7

Mame Izyraeu tõ isene ro exiketõ konopo sã exĩko mã toto imehnomo a, Ritonõpo nenehpohpyry samo nono pona otyro ehxikatohme. Ritonõpo eraximãko mã toto takorehmatohkõme, ahno oneraximara exĩko mã toto.

Zakaria 10:1

Konopo ekaropoko Ritonõpo a eina oehpyra ro ahtao. Ritonõpo mokyro konopo enehpone, akurũ tõ maro, otyro ahtatohme tonahsẽ nae ahno emero ehtohme.

Marakia 4:2

Yrome oya xine, jomiry omipona exiketomo, opynanopyrykõ ya saereme sã exĩko mana, xixi saerehkatoh samo, isene ehtoh enehnõko. Pyhsekyhsekyh ãko matose tãkye oehtohkõke, pui poenõ samo tutũtarykohtao jarakapyhpyry ae.

Mateu 13:11

Ynara tykase Jezu eya xine: — Oesẽkõme Ritonõpo exiry poko ãmorepatorỹko ase. Yrome mokaro tuaro pyra ro mana.

Ruka 1:78

Ynara exiryke, kypyno xine Ritonõpo mana, iirypyryme ro kuahtao xine, poeto pitiko pyno jũkõ ehtoh samo. Naeroro xixi ẽmepyry sã mokyro Kypynanohnekõ oehnõko mana.

João 17:3

Ynara ahtao orihpyra exĩko toto, Ritonõpome nymyry oenetuputyryhtao toto a, onenehpohpyryme jenetuputyryhtao roropa eya xine.

João 7:17

Ritonõpo omipona exiketõ rokẽ mã jomiry enetupuhnõko mã toto. Ritonõpo poe jomiry ehtoh enetupuhnõko roropa mã toto Ritonõpo omipona se toexirykõke.

Atos 17:11

Morotõkõ imehnõ otururu etary zuno pyra toh kynexine, Tesaronika põkõ sã pyra. Ritonõpo omiry totase eya xine yronymyryme. Kokoro rokẽ aomiry poko tãtamorepase toto zae Pauru omiry ehtoh waro toehtohkõme.

Teuteronomiu 32:2

Ãmoreparykõ ya omipona ehtoko; konopo oepyry sã exĩko mana otyro pona, axitaku sã exĩko mana onahpoty poko.

Epereu 3:14

Kyrixtu maro oxiekyryme sytatose. Osepeme roropa imaro sytatose Ritonõpo onenetupuhkehpyra kuahtao xine, apitoryme Jezu enetupuhtopõpyry saaro kyya xine ipoetoryme toehse kuahtao xine.

2 Peturu 1:19

Apitoryme Ritonõpo poe urutõ kõ ekepyã omihpyry tonetupuhse yna a. Morarame Ritonõpo omiry etaryke yna a kaino itamurumehxo tonetupuhse yna a. Etatoko pahne, Ritonõpo poe urutõ kõ omihpyry poko wenikehpyra ehtoko. Nãparina sã aomihpyrykõ mana. Nãparina saereh ãko xinukutume ahtao ẽmepyry pona. Ẽmehsasaka ahtao Maparukawa enẽko sytatose. Moro saaro Jezu Kyrixtu oehnõko ropa mana. Mokyro omihpyry kutuarõtanohtorỹko mana Kuesẽkõ oehtãne. Naeroro aepyry ropa imomohtoko. Tooehse ynororo ahtao emero motye imehxo aexiry enẽko matose.

Apokaripxi 22:16

— Ywy ase Jezu. Ynenyokyhpyry aropoase morohne ekarotohme oya xine tõximõse ypoetory tõ ahtao. Tuisa Tawi paryme ase. Maparukawa enery sã oya xine ẽmehsasaka ahtao, moro sã jeneryhtao oya xine ẽmehnõko sã matose, tyrisenã sã exĩko matose.