Ozeja 6:2 - Ritonõpo Omiry: A Bíblia Sagrada na língua Aparai do Brasil

² Taroino asakoro tõmehse ahtao, otarame oseruao tõmehse ahtao kyjamihtanohtorỹko ropa mana, xikihme kuanỹtorỹko ropa mana. Mame aomiry omipona exikehpyra exĩko sytatose.

Ozeja 6:2 ပူးပေါင်းရင်းမြစ်များ

Jenexi 17:18

Ynara tykase Aparão Ritonõpo a: — Kure rokẽ Iximaeu tyriko, ymyakãme ehtohme, emãtohme roropa.

2 Tuisa 20:5

— Ytoko ropa Ezekia zuruse, ypoetory tõ tuisary. Ynara kaxiko eya: “Ywy, Ritonõpo, atamuru Tawi Esemy, õmiry etano, oenuru xity eneno. Okurãkãko ropa ase. Mame taroino oseruao tynyhse ahtao ymaro Oturutoh taka ytõko mase.

Saumu 61:7

Ritonõpo, mokyro akorehmako zae tuisame aexiry poko oneneryme jũme. Ewomako ipyno oehtoh ke, anamonohpyra roropa oehtoh ke.

Saumu 71:20

Popyra ehtoh tonehpose oya ya, jetuarimatoh roropa, yrome yjamitunuru ekarõko ropa mase ya, janỹnõko mase orihpyra jehtohme.

Ekereziaxti 3:3

Etapatoh nae mana te, ikurãkatoh nae roropa mana. Akohtoh nae mana te, tyritoh nae roropa mana.

Izaja 26:19

Izyraeu tõ aorihtyã ẽsemãnõko ropa mã toto; ekepyrykõ owõnõko ropa mã toto. Nono ao aorihtyã ekepyry tõ pakãko roropa, atãkyemãko mã toto, eremiãko roropa mã toto. Axitaku onenehpohpyry otyro ehxikãko, ahtanohpõko roropa mana. Moro sã aorihtyã ẽsemãkapõko ropa mase, Ritonõpo, nono ae itũtatohkõme ropa.

Izaja 30:26

Mame typoetory tõ apurotopõpyry topinohse ahtao Ritonõpo a, toto ryhmatopõpyry tukurãkase ahtao roropa eya toto wãnohtopõpyry eya, nuno saereh ãko mana xixi saerehkatoh samo te, xixi roropa jamihmehxo saereh ãko mana 7me, 7me ẽmepyry saerehkatoh sã exĩko toiro ẽmepyry ae.

Ozeja 13:14

Morara exiryke ypoetory tõ pynanohnõko ha orihpyra toto ehtohme? Naary! Toto anỹnõko ha aorihtyã ekepyry esary poe? Arypyra. Tyrohsẽ kehko enehpoko, orihtopo! Mokaro enahkatoh enehpoko, aorihtyã esary! Mokaro pyno exikehnõko ase.

Ozeja 7:2

Toto rypyry poko emero wenikehnõko jekarõko mã toto. Tapuruse sã mã toto tyyrypyrykõke. Popyra toto ehtoh onenekehpyra ase.

João 14:19

Okynã pyra jenetupuhpynõ jenekehnõko toh mana. Yrome matose jenẽko. Isene jexiryke, isene roropa exĩko matose.

Romanos 14:8

Isene kuahtao xine, kure Kuesẽkõ ritohme kyya xine isene sytatose. Kuorikyrykohtao, kure Kuesẽkõ ritohme orihnõko sytatose. Naeroro Kuesẽkõ poetoryme sytatose orihpyra ro kuahtao xine. Kuorikyrykohtao ipoetoryme ro sytatose.

1 Korĩtiu 15:4

Tonẽse oramãka topu aka. Mame tõsemãkase ropa Ritonõpo a oseruao tõmehse ahtao orihpỹme ropa aehtohme, Ritonõpo nymeropohpyry ae ro.