Ozeja 5:9 - Ritonõpo Omiry: A Bíblia Sagrada na língua Aparai do Brasil

⁹ Izyraeu tomo turuse ya rahkene, morohne exĩko, anamonohpyra mana: ẽmepyry oehnõko mana awãnohtohkõme, Izyraeu tonahkasẽme exĩko mana.

Ozeja 5:9 ပူးပေါင်းရင်းမြစ်များ

Jo 12:14

Itahkaryhtao Ritonõpo a, onyrisaromepyra ropa ahno mana. Tymyhse ahtao Ritonõpo a, onymyhpokasaromepyra ropa ahno mana.

Izaja 37:3

Ynara tykase toto Izaja a Ezekia omiryme: — “Seroae etuarimatoh mana; kyhxirotorỹko mã toto, Axiria põkomo, ehxirõko sytatose. Nohpo enurukety sã sytatose tonurutoh po toehse ahtao, yrome jamihkehnõko sã mana.

Izaja 46:10

Apitory poe kuruatose sero etyhpyry poko. Pake ahtao oturuase senohne emero ehtoh poko. ‘Josenetupuhtoh emero exĩko mana, ekurehpyra, tyriry se jehtoh tyrĩko ase emero porehme,’ tykase ywy.

Izaja 48:3

Ynara ãko Ritonõpo mana oya xine: “Pake kuruatose imeĩpo ehtoh poko, jarao morohne poko kuruatose exipyra ro ahtao, zuaro oehtohkõme. Mõtoino rokẽ tyrise ya, morohne toehse rahkene ynekarohpyry ae ro.

Izaja 48:5

Morara exiryke morohne poko kuruatose pake; exipyra ro ahtao tõturuse ywy oya xine. Naeroro ynara kasaromepyra matose: ‘Ynaneponãmary tomo a serara tyripose; ynanaxikahpyry a, ynanyrihpyry a, uuru risẽ tõkehko.’

Izaja 7:16

Yrome morara exipyra ro ahtao mokaro tuisa tõ oerehmananõ nonory turumekasẽme exĩko, patãpome exĩko mana.

Ozeja 5:12

Naeroro, nuko sã Izyraeu enahkãko ase, tyrohsẽ ke Juta enahkapõko ase roropa.

Ozeja 5:14

Reão sã Izyraeu tõ maro etonãko ase, Juta tõ maro roropa. Toto kararahnõko ase, imeĩpo ytõko ase mya, toto arõko ase ymaro. Toto onypynanohsaromepyra exĩko imehnõ mana.

Ozeja 7:12

Yrome torõ tõ apoine sã tarãpa ke, mokaro apoĩko ase. Toto wãnohnõko ase toto etatopõpyry ae ro toto oximõtoh tao.

Ozeja 8:8

Imehnõ ahno sã Izyraeu toehse mana, toiparo rokẽ sã mã toto, otyme pyra mã toehse toto.

Ozeja 9:7

Ẽmepyry oehnõko mana awãnohtohkõme, morara ahtao typoetory tõ wãnohnõko Ritonõpo mana. Moro toehse ahtao Izyraeu tõ zuaro exĩko mã toto! Yrome amarokõ ynara ãko: “Mose urutõ rowohpe mana! Ritonõpo poe osekarõko repe, yrome rowohpe mana!” Moro sã oturũko matose iirypyryme oexirykõke, naeroro yzehno, yse pyra roropa matose.

Amoxi 3:7

Tynyriry onyripyra Ritonõpo mana moro onenepopyra ahtao typoetory tomo a, urutõ komo a.

Amoxi 7:17

Yrome oya ynara ãko Ritonõpo mana: “Opyty imeimehnõ orutua kõ poko exĩko mana sero pata po. Omũkuru tõ oẽxiry tõ roropa orihnõko mã toto etonatoh poko ahtao. Sero nono tapiakasẽme exĩko mana imehnõ esaryme. Orihnõko mase Ritonõpo waro pyra exiketõ nonory po. Izyraeu tõ arõko imehnõ mana tynamotome, mya sero nono poe, imepỹ nonory pona.”

Amoxi 7:9

Izake pakomotyã neponãmarykõ eahmatoh tonõ tonahkasẽme exĩko mana. Imehnõ eahmatoh tonõ Izyraeu tõ nonory po typahsẽme exĩko mana. Tuisa Jeropoão enahkãko ase ipoenõ te, ipakomotyã roropa, enara.

Mikeja 6:13

Morara exiryke awãnohtorỹko ase; oorypyrykõ pokoino oenahkatorỹko ase.

Zakaria 1:6

Ypoetory tõ ae, urutõ kõ ae jomihpyry aropoase atamurukomo a, toto enaroximatohme repe. Yrome oty kara toh nexiase. Morara exiryke tuãnohse toh nexiase. Mame toeramase ropa toh nexiase tyyrypyrykõ wino. Ynara tykase toto: “Ritonõpo Jamihmehxo Exikety a tuãnohse sexiatose tõmihpyry ae ro. Iirypyryme toehse kuexirykõke tuãnohse sexiatose kyyrypyrykõ emetakame.”

João 16:4

Yrome moro poko kuurutou oryhmara ro xine toto ahtao. Imeĩpo oryhmarykohtao tuarõtãko matose jomihpyry poko. — Pake ourupyra xine exiase amaro xine ro jexiryke.