Ozeja 4:2 - Ritonõpo Omiry: A Bíblia Sagrada na língua Aparai do Brasil

² Tõmirykõ etapõko mã toto ajohpe rokene, onekunohto mã toto, otapato, omatonanohto, imeimehnõ poko mã toto. Popyra toto ehtoh itamurumehxo exĩko te, imehnõ tuhkehxo etapãko roropa mã toto.

Ozeja 4:2 ပူးပေါင်းရင်းမြစ်များ

Jenexi 4:8

Mame ynara tykase Kaĩ takorõ Apeu a: — Eropa tupito pona. Toeporehkase tahtao xine tupito pona, takorõ totapase eya. Toorihse Apeu.

Izaja 24:5

Sero nono nuriame toehse epõkõ pokoino, Ritonõpo omihpyry omipona pyra toehse toto; inyripohpyry omipona pyra. Aomihpyry inetapohpyry eya xine jũme onytyoromara ehtohme, yrome moro turumekase eya xine.

Izaja 48:1

Etatoko pahne, Izyraeu tomo! Juta pakomotyã, etatoko! Õmirykõ etapõko matose Ritonõpo netaryme repe: “Izyraeu Esẽ eahmãko ase,” ãko roropa matose repe, yrome ajohpe matose, õmirykõ zae pyra mana.

Jeremia 51:5

Izyraeu tõ onurumekara Ritonõpo Kurã nexiase. Juta tõ roropa onurumekara nexiase iirypyryme toehse toto ahtao ro Izyraeu tõ Esẽ neneryme.

Jeremia 6:7

Tuna pẽkamã ae tuna tũtãko mana. Moro sã mã Jerusarẽ poe iirypyry tũtãko mana. Moro pata po oturũko mã toto imehnõ etapary poko, toto enahkary poko; tyrohsẽ rokẽ enẽko ase, apurotopõpyrykõ roropa.

Ramẽtasão 4:13

Yrome morara toehse iirypyryme urutõ kõ exiryke, oturuketõ roropa iirypyryme exiryke, ahno kurã totapapose eya xine exiryke.

Ezekieu 7:23

— Otupĩko mã toto emero porehme. Imehnõ etapananõ nae tuhke, imehnõ ryhmãko mã toto Jerusarẽ po.

Ozeja 10:13

Yrome moro se pyra mexiatose, popyra ehtoh tarykase oya xine. Zae pyra ehtoh roropa tapoise oya xine. Epery enahnõko matose ajohpe oehtohkõ emetakame. — Jamihme osekarõko matose kahu tõ nae oexirykõke etonatohme, soutatu tõ roropa tuhke nae oexirykõke.

Ozeja 10:4

Ajohpe rokẽ mã toto; tõmirykõ etapõko mã toto emero. Yrome tõmirykõ omipona pyra mã toto. Zae ehtoh eya xine owokatõ sã mana; ãtaryka orihmatõ ahtary samo tupito rãnao.

Ozeja 11:12

Ynara tykase Ritonõpo: — Izyraeu tõ jomyehmãko sã mã toto ajohpe toehtohkõke, imehnõ enekunohtoh kõ ke roropa. Juta tõ roropa jomiry omipona pyra mã toto, anamonohpyra Exiketyme ase, Ritonõpo kurano.

Ozeja 12:14

Tyyrypyrykõ poko toexirykõke tyzehno xine Ritonõpo tyripose Izyraeu tomo a, morara exiryke, popyra toto ehtopõpyry epehmapõko Ritonõpo mana, toto wãnohnõko mana zae pyra toto ehtoh emetakame.

Ozeja 5:2

jakanahmã Akaxia tõ po eutary nono ao zueme exikety sã mexiatose. Morara exiryke awãnohtorỹko ase.

Ozeja 6:8

Pata Kireate popyra exiketõ ke tuhke mana, etapahpõkomo roropa.

Ozeja 6:9

Mokaro oturuketõ omato sã mã toto, eraximãko tõtonẽse imehnõ ematonanohtohme. Osema tao etapãko mã toto Xikẽ esemary ao, imehnõ ryhmãko mã toto popyra ipunaka.

Ozeja 7:1

— Izyraeu tõ kurãkary se ropa ase repe, tymõkomoke toto ehtohme ropa, yrome iirypyrykõ rokẽ enẽko ase, popyra toto ehtopo. Ajohpe mã toto, omatome roropa, imehnõ tapyĩ taka omõnõko mã toto ematonanohse. Jarao, osema tao imehnõ ryhmãko mã toto, ematonanohtohme tyya xine.

Ozeja 7:3

Ynara ãko Ritonõpo mana: — Ypoetory tõ popyra mã toto, ajohpe toehtohkõke tuisa tõ enekunohnõko mã toto, kowenatu tõ maro.

Ozeja 7:4

Ewokananõme mã toto emero porehme. Imehnõ zehno toto ehtoh apoto sã mana orinato zopino tymynyhpãse ahtao, ipoko pyra wyi ekeine mana, wyi eraximaryme.

Mikeja 3:2

Kure ehtoh se pyra matose, popyra ehtoh sehxo matose. Ypoetory tõ pikãko matose, ipũkõ oũko matose jehpyry po ino.

Mikeja 3:9

Etatoko ke Izyraeu tõ tamuximãkomo, tuisa tõ roropa! Zae ehtoh se pyra matose ipunaka, zae ehtoh tyoromãko matose zae pyra ehtohme.

Mikeja 6:10

Popyra ehtoh poko exiketõ tapyĩ tao mõkomo kurã nae tineru roropa tapoise eya xine imehnõ enekunohtopõpyry poko. Ikuhtoh zae pyra ehtoh ke erohnõko mã toto imehnõ enekunohtohme. Moro se pyra ase ipunaka.

Mikeja 7:2

Taro Izyraeu tõ nonory po zae exikety pyra mana ipunaka, Ritonõpo omipona exikety pyra mana. Imehnõ etapary se mã toto emero; imehnõ ẽmary kuhnõko mã toto ãpuruhpyry taka.

Sowonia 3:1

Myhene Jerusarẽ! Popyra ehtoh oehnõko oya mana. Tosẽ omipona pyra exikety, zae ehtoh poko pyra exiketõ ke pehme tooehse mase. Opõkõ ryhmaneme roropa mase!

Zakaria 5:3

Ynara tamorepase ywy Ritonõpo nenyokyhpyry a: — Sero pape pokona popyra ehtoh tymerose popyra exiketõ wãnohtohme sero nonory po porehme. Seino tymerose omato tõ wãnohtoh poko, taroposẽme exĩko mã toto tynonorykõ poe; moino tymerose mana ajohpe exiketõ poko, taroposẽme exĩko mã toto emero imehnõ enekunohnanomo Ritonõpo neneryme.

Zakaria 7:9

— Ywy Ritonõpo, Jamihmehxo Exikety, ynara ase ypoetory tomo a: “Zae rokẽ ehtoko oximaro, ajohpe pyra ehtoko, kure rokẽ ehtoko imehnomo a. Toto pyno ehtoko.

Mateu 23:35

Morara exiryke awãnohtorỹko Ritonõpo mana kurãkõ etapatamitume oya xine, emero porehme, Apeu etapatopõpyry poe Zakaria etapatopõpyry pona. Mokyro Parakia mũkuru kynexine. Mokyro totapase oya xine Ritonõpo Tapyĩ myhto, onekarorykõ zahkatoh apõ wino.

Atos 7:52

Urutõ kõ tyyryhmase atamurukomo a emero. “Ritonõpo mũkuru oehnõko mana,” kananõ totapase toto a. Mokaro saaro matose. Mokyro mexixihmatose tooehse ahtao.

Teuteronomiu 5:11

— “Nuriame jesety onyripyra ehtoko, Imehxo Exiketyme jexiryke, Ritonõpome jexiryke, Oesẽkomo. Nuriame jesety rinanõ wãnohnõko ase, tomeseke pyra exiketõ roropa jesety poko.

Teuteronomiu 5:18

— “Imepỹ nohpo poko pyra ehtoko; imepỹ orutua poko pyra ehtoko.

Teuteronomiu 5:19

— “Omatome pyra ehtoko.

1 Tesaronika 2:15

Mokaro a Jezu Kuesẽkõ toxixihmapose wewe pokona, aorihtohme. Urutõ kõ Ritonõpo poe totapase toto a. Yna taropose roropa eya xine, zehnotokõme toexirykõke. Ritonõpo zamaro pyra toto.

Apokaripxi 17:6

Morarame mokyro eneryhtao ya, toetỹse exikety sã tãkye nexiase Ritonõpo poetory orihtopõpyry poko, toto etapatopõpyry poko tyya, enara. Jezu onurumekara toto exiryke totapase toto eya. Mame mokyro eneryke ya osenuruhkase ipunaka.