Ozeja 13:9 - Ritonõpo Omiry: A Bíblia Sagrada na língua Aparai do Brasil

⁹ Oenahkatorỹko ase, Izyraeu tomo; onoky opynanohtorỹko nae?

Ozeja 13:9 ပူးပေါင်းရင်းမြစ်များ

2 Koronika 28:23

Okyno tyahkase eya tynekaroryme xirio tõ neponãmary eahmatohme, yrome mokaro pokoino typoremãkase ynororo. Ynara tykase: — Xirio tõ tuisary tõ takorehmase ineponãmarykomo a; naeroro ynekarory zahkãko ase ynekaroryme eya xine, mame jakorehmãko roropa mã toto, tykase. Yrome moro pokoino mokyro tuisa toetuarimase itamurume, ipoetory tõ roropa porehme toetuarimase toto.

Saumu 146:5

Tãkye mã mokyro takorehmaneke Ritonõpo ke, Jako esemy; tosẽme Ritonõpo enetupuhnõko mana typynanohneme.

Saumu 33:20

Ritonõpo enetupuhnõko sytatose Kuesẽkõme; kuakorehmanekõme mana, kuewomanekõme roropa.

Saumu 46:1

Kuewomanekõme Ritonõpo mana, kyjamitunurukõme roropa mana. Ameke pyra exiryke kuakorehmatorỹko mana popyra ehtoh toehse ahtao.

Porowepio 6:32

Yrome imepỹ nohpo poko exikety tuaro pyra exiketyme mana; osenahkãko mana.

Porowepio 8:36

Yrome japoipyra exikety ataosanumãko mana. Yse pyra exiketõ emero toorihtohkõ se mã toto.”

Izaja 3:11

Yrome popyra ehtoh poko exiketõ tãkye pyra exĩko mã toto, popyra ehtoh oehnõko eya xine mana; popyra toto nyrityã imehnomo a tyrisẽme exĩko eya xine mana.

Izaja 3:9

Oxisã imehnõ onyripyra mã toto; moro poko zae pyra mã toto. Jarao zae pyra toehtohkõ poko mã toto Sotoma põkõ ehtopõpyry samo; otonẽpyra mã toto iirypyryme ehtoh poko toto ahtao. Tuãnohsẽme exĩko mã toto, popyra toto ehtopõpyry epehpyry apoĩko mã toto.

Jeremia 2:17

“Izyraeu tomo, oorypyrykõ pokoino morara toehse oya xine. Kurumekatose, Oesẽkomo, Orihpõkomo, oesemarykõ ae aarorykohtao ya.

Jeremia 2:19

Popyra oehtopõpyrykõ awãnohtorỹko mana, Tuãnohsẽme exĩko matose turumekase oya xine jexiryke. Tuaro exĩko matose popyra jurumekary ehtoh poko oya xine, itunetyme exikety sã mana Oesẽkõ Ritonõpo rumekary oya xine, jomiry omipona pyra oexirykomo, enara. Ywy, Oesẽkomo Ritonõpo Jamihmehxo Exikety, oturũko ase.”

Jeremia 4:18

Juta tomo, onyrityã emetakame sero popyra ehtoh oehnõko mana, popyra ehtoh poko toehse oexirykõke. Oorypyrykõ pokoino atasamãko matose, sam ãko roropa matose. Ywy, Ritonõpo oturũko ase.

Jeremia 5:25

Yrome zae pyra oexirykõke tapiakase matose morohne kurã winoino, kurãkõ anapoipyra matose popyra oexirykõke.

Ozeja 13:4

Ynara ãko Ritonõpo mana: — Ywy, Ritonõpo Oesẽkõme ase oenehtopõpyrykõ poe ya Ejitu poe. Toiro rokẽ ase, Oesẽkomo. Juaro matose, imepỹ ritõ pyra mana. Ywy ro rokẽ Opynanohnekõme ase.

Ozeja 14:1

Izyraeu tomo, osehtoko ropa Ritonõpo Oesẽkomo a! Mepukatose oorypyrykõ poko toehse oexirykõke.

Ozeja 7:14

Toto otururuhtao ya zae nymyry pyra mã toto tukurohtao xine; aotururukohtao osemãko mã toto nono pona, tyxitarykõme juaro pyra exiketõ samo. Tonahsẽ ekaroporyhtao eya xine, eukuru maro typihpyry sahkãko mã toto juaro pyra exiketõ samo. Jomiry omipona pyra mã toto, emero porehme.

Ozeja 7:15

Tuãtanohpose toto ya, tamorepase toto ya, jamihme toto tyripose ya roropa, yrome popyra ehtoh riry se toh nexiase ya.

Marakia 1:12

Yrome amarokõ jyhtomãko matose ykyryry apoto apõ nuriame ekaroryhtao oya xine. Jyhtomãko roropa matose typahsẽ enepyryhtao jahkatohme apoto apõ po onekarorykõme ya.

Marakia 1:13

Ynara ãko matose: “Typenekehse yna morohne poko!” Ypoihtõko matose, jeunohnõko roropa matose. Okyno ematonanopyhpyry enehnõko matose ya, ahmitahpyryme exikety te, kure pyra exikety roropa. Morohne yzamaro pyra mana ipunaka! Ywy ase Oesẽkomo.

Marakia 1:9

Oturuketomo, seromaroro oturutoko Ritonõpo a kure kyritohkõme. Õmirykõ etãko nae, onekarorykõ xihpyry ekaroryhtao oya xine eya?

Teuteronomiu 33:26

Izyraeu tomo, imepỹ ritõ pyra mana, Ritonõpo rokẽ mana! Jamihme, Tuisamehxo, kapu akuohnõko mana akuru tõ po, ãkorehmatohkõme.

Teuteronomiu 33:29

Izyraeu tomo, atãkyemãko matose! Imehnõ asã xine pyra mana, ahno typynanohse Ritonõpo Oesẽkomo a. Oewomatohkõme Ritonõpo mana, atapemãkõme roropa mana Oewomanekõme, orẽpyra oritohkõme roropa. Tosekumurukõ po porohnõko oepetõkara mana, osepynanohpõko oya xine. Mame inonorykõ apoĩko matose ononorykõme.