Opatia 1:10 - Ritonõpo Omiry: A Bíblia Sagrada na língua Aparai do Brasil

¹⁰ Ynara ãko Ritonõpo mana Etõ tomo a: “Ãkorõkõ tyyryhmase oya xine, totapase toto roropa oya xine, Jako pakomotyamo. Naeroro tonahkasẽme exĩko matose, jũme typoremãkasẽme exĩko matose.

Opatia 1:10 ပူးပေါင်းရင်းမြစ်များ

Jenexi 27:11

Yrome ynara tykase Jako tyse a: — Urui tuhpose itamurume, ywy arypyra.

Jenexi 27:41

Morarame takorõ zehno toehse Ezau, kure Jako tyripose jũkomo a exiryke. Mame ynara tõsenetupuhse ynororo: “Okynã pyra papa orihnõko mana. Moromeĩpo tyhnamokehse ahtao jakorõ etapãko ase.”

2 Koronika 28:17

Juta tõ nonory pona tomõpitose ropa Etõ tõ exiryke te, Akaze soutatu tõ typoremãkase eya xine te, soutatu tõ tarose roropa eya xine typoetorykõme.

Saumu 109:29

Ah jepetõkara typoremãkasẽme nexĩ toto, aehxirotohkõme, upo amururu sã imehnõ emero neneryme, ah nehxirõ toto.

Saumu 132:18

Mokyro zehno exiketõ poremãkapõko ase, ehxirõko mã toto. Yrome tuisame aehtoh imehxo exĩko, emãnõko roropa mã kehko.”

Saumu 137:7

Ritonõpo, wenikehpyra exiko etomita tõ nyrihpyry poko Jerusarẽ poremãkatopõpyry poko! Wenikehpyra exiko aomihpyrykõ poko: “Pata Jerusarẽ ikararahtoko emapotohme nono pona,” tykase toto.

Saumu 69:7

Opyno jexiryke yronymyryme jyhxirotoh toanahtose ya, toehxirose roropa repe ywy.

Saumu 89:45

Tamuhpõmehxo tyripose ynororo oya tamuhpõme exipyra ro ahtao; toehxirose ynororo yronymyryme, tyripose exiryke oya.

Porowepio 10:6

Zae ehtoh poko exiketõ kurãkõ ke pehme mã toto. Popyra ehtoh poko exiketõ omiry mã imehnõ ryhmary se toehtohkõ zonẽnõko mana.

Porowepio 17:5

Tymõkomokãkara poihtoryhtao oya, Ritonõpo htomãko sã mase inyrityãme exiryke. Tuãnohsẽme exĩko mokyro mana atãkyemaryke popyra ehtoh toehse ahtao imepyny a.

Jeremia 12:14

Ynara ãko Ritonõpo mana: — Seromaroro oturũko ase popyra exiketõ poko Izyraeu tõ zomye, moro nono popyra tyrise eya xine, ynekarohpyry ypoetory tomo a. Mya mokaro arõko ase inonorykõ poe, otyro samo touse ahtao. Juta tõ roropa pynanohnõko ase mokaro winoino.

Jeremia 3:25

Sosekarotone iirypyryme toehse kuexirykõ poko; ehxirõko sytatose yronymyryme. Moino touse kuehtopõpyrykõ poe Ritonõpo a Ejitu poe kyyrypyrykõ poko sexiatose, kytamurukõ maro, Ritonõpo omipona pyra sexiatose.

Jeremia 49:13

Ywy roro oturuase pata Posora põkõ poko, ynara totapose ywy: Posora põkõ enatyry osenuruhkatohme exĩko, ipatarykõ patãpome exĩko mana; imehnõ moro pata eunohnõko mã toto, moro pata esehtõko mã toto popyra ehtoh enehpotohme. Pata tõ pisarara moro pata zomye exiketõ tonahkasẽme exĩko jũme. Ywy Ritonõpo oturuno.

Jeremia 51:51

Ynara ãko matose: “Ehxirõko ynanase tounohse yna exiryke. Toehxirose ynanase imehnõ ahno tomõse exiryke osa kurã taka Ritonõpo Tapyĩ taka.”

Ramẽtasão 4:21

Atãkyematoko, Etõ põkomo, Uze põkõ roropa, exianatoko oexianarykõ se awahtao xine. Yrome okynã pyra oporemãkapotohkõ oehnõko mana, awãnohtohkõme; toetỹse exiketyme sã exĩko matose tupoke pyra ytoytõko roropa matose.

Ramẽtasão 4:22

Jerusarẽ põkõ pake tuãnohse mã toto popyra toto ehtoh emetakame. Jũme pyra taroposẽme exĩko matose Ritonõpo a sapararahme imeimehnõ nonory tõ poro. Yrome amarokomo, Etõ põkomo tuãnohsẽme exĩko matose Ritonõpo a; jarãnaka oorypyrykõ ripõko mana.

Ezekieu 35:9

Ononorykõ rĩko ase ona tonorẽme typõkẽ karame jũme. Jũme apatary tõ roropa patãpome exĩko mã kehko. Mame zuaro exĩko matose ywy ase Ritonõpo.

Ezekieu 7:18

Upo amurũko mã toto topuxiximã kamisa risemy toemynyhmaryme, enaromỹke tykytyky ãko mã toto pyrou zoko exipỹ samo. Zũsetykõ isahkahpyry sã exĩko mana, ehxirõko roropa mã toto emero porehme.

Joeu 3:19

Ejitu turumekasẽme exĩko, ona tonorẽ samo, Etõ patãpome exĩko Juta nonory typoremãkase eya xine exiryke, ahno kurã totapase roropa eya xine exiryke.

Amoxi 1:11

Ynara tykase Ritonõpo: — Etõ põkõ iirypyryme toehse itamurume, naeroro toto wãnohnõko ase. Tõsetapase toto takorõ tõ maro, Izyraeu tõ maro, toto pyno pyra, onypynanohpyra roropa toh nexiase. Mokaro zehno Etõ tõ exikehpyra mana, jũme sã toto se pyra toh mana.

Mikeja 7:10

Moro eneryhtao kuepetõkara a, ehxirõko mã toto, ynara tykase toto exiryke: “Otoko hnae Ritonõpo Oesẽkomo?” Seromaroro toto poremãkatoh enẽko sytatose, tytũtũmase toto ahtao ikurepato samo osema tao.

Teuteronomiu 23:7

— Popyra etomita tõ onyripyra ehtoko oekyrykõme toto exiryke; popyra Ejitu põkõ onyripyra ehtoko inonorykõ po katonõme mexiatose exiryke.

Teuteronomiu 23:8

Etomita tõ pakomotyã, Ejitu põkõ pakomotyã roropa amaro xine exiketõ ononory kurã po omõnõko mã toto Ritonõpo Tapyĩ taka ipoetory tõ maro.