Opatia 1:1 - Ritonõpo Omiry: A Bíblia Sagrada na língua Aparai do Brasil

¹ Sero nase Ritonõpo oturutopõpyry Opatia a Etõ tõ poko. Omi arone taropose Ritonõpo a imeimehnõ nonory pona, aomiry totase yna a. Ynara ãko mã ynororo: “Opyrekõ tyritoko! Ehmaropa etonase Etõ tõ maro!”

Opatia 1:1 ပူးပေါင်းရင်းမြစ်များ

Jenexi 25:30

Ynara tykase ynororo: — Orihnõko ase omise jexiryke. Kynahpako pixo onyrihpyry kamiraramã ke. (Naeroro Etõme Ezau tosehpase eya xine.)

Jenexi 36:8

Morara exiryke toytose Ezau osesarise ypy tõ pona, Seia nonory po, esety akorõ Etõ.

Jenexi 36:9

Ynara Ezau pakomotyã kynexine, Etõ põkõ tamurume, moroto ypy tõ Etõ po, Seia po.

Saumu 137:7

Ritonõpo, wenikehpyra exiko etomita tõ nyrihpyry poko Jerusarẽ poremãkatopõpyry poko! Wenikehpyra exiko aomihpyrykõ poko: “Pata Jerusarẽ ikararahtoko emapotohme nono pona,” tykase toto.

Izaja 21:11

Ynara ãko Ritonõpo mana Etõ tõ poko: Ahno ykohmãko Etõ nonory poe, ynara ãko: “Erasemy, otãto ise ro ẽmehtoh pona? Erasemy, otãto ise ro ẽmehtoh pona?”

Izaja 21:12

Mokyro ezuhnõko erase mana, ynara ãko: “Ẽmehnõko mana, yrome kohmãnõko ropa mana. Awãnohtohkõ otyhkasasaka mana seromaroro. Naeroro eramatoko Ritonõpo a, oezuhtohkõ kurã ekarotohme oya xine, awãnohtohkõ oehtohto ropa. Mame osehtoko ropa ekaropotohme ropa.”

Izaja 30:4

Juta tuisary naropotyã toeporehkase toto Ejitu pona, pata Zoã pona te, pata Hane pona roropa,

Jeremia 25:17

Naeroro moro eukuru ẽ apoiase Ritonõpo nekarohpyry ya, moro eukuru ke ahno tõ tauhpase ya, eya xine taropose jahtao Ritonõpo a.

Jeremia 51:46

Oserehpyra ehtoko, enaromyra ehtoko imehnõ omiry etaryhtao oya xine. Jeimamyry ae imehnõ omiry etãko matose tyorono. Imehnõ etapary poko moro nono po te, tuisa etonary poko imepỹ tuisa tõ maro.

Ezekieu 35:1

Mame ynara tykase Ritonõpo ya:

Joeu 3:19

Ejitu turumekasẽme exĩko, ona tonorẽ samo, Etõ patãpome exĩko Juta nonory typoremãkase eya xine exiryke, ahno kurã totapase roropa eya xine exiryke.

Mikeja 2:13

Osema rĩko Ritonõpo mana typoetory tõ tũtatohme pata tõ omõtoh ae tamoreme xine toytotohme. Tuisa konõtome Ritonõpo ytõko osemazuhme; ahno emero ekahmãko mã toto.

Mateu 24:6

Mame imehnõ osetapary poko etãko matose ameke hkopyra, amekehxo roropa. Yrome etatoko pahne, torẽtyke pyra ehtoko sero nono enahkary poko. Oty kara ehtoko. Ynara exĩko mana, osetapãko sero põkõ mana. Yrome sero nono onenahkapopyra ro Ritonõpo mana.

Maku 13:7

Mame oxiehnotokõ osetapary etãko matose. Mokaro ekary etaryhtao torẽtyke pyra ehtoko sero nono enahkary poko. Morara exĩko mã repe. Yrome nono onenahkapopyra ro Ritonõpo mana.