Numeru 27:13 - Ritonõpo Omiry: A Bíblia Sagrada na língua Aparai do Brasil

¹³ Moromeĩpo, moro nono tonese ahtao oya, orihnõko mase orui, Arão orihtopõpyry saaro,

Numeru 27:13 ပူးပေါင်းရင်းမြစ်များ

Jenexi 25:17

137me jeimamyry nae Iximaeu kynexine toorihse ahtao.

Jenexi 25:8

Mame toorihse ynororo tamuhpõme toehse ahtao.

Numeru 31:2

— Izyraeu tõ enyohko etonatohme mitianita tõ maro, emỹpotohme popyra toto nyrityã poko Izyraeu tomo a. Moromeĩpo orihnõko mase.

Numeru 33:38

Moroto Ritonõpo nyripohpyry omipona oturukety Arão tõnuhse ypy Hoa pona. Toorihse ynororo moroto, ẽmepyry apitorymã po, nuno 5mã po, 40me jeimamyry taropose ahtao Izyraeu tomo a, tutũtatopõpyrykõ poe Ejitu poe.

Teuteronomiu 1:37

— Amarokõ pokoino tohne toehse ypoko Ritonõpo nexiase. Ynara tykase ynororo ya: “Omoro roropa omõpyra exĩko mase moro nono kurã ynekarory pona.

Teuteronomiu 10:6

(Moromeĩpo Izyraeu tõ toytose tuna eutary tõ Pene-Jakã poe Mosera pona. Moroto Arão toorihse, ekepyry tonẽse moroto, imũkuru Ereaza imyakãme toehse oturuketyme.

Teuteronomiu 31:14

Mame ynara tykase Ritonõpo Moeze a: — Okynã pyra orihnõko mase. Jozue ikohmako oximaro oytotohme Ytapyĩ Kurã taka. Moroto ynyripohpyry ekarõko ase Jozue a. Mame toytose Moeze Jozue maro

Teuteronomiu 31:16

Ynara tykase Ritonõpo Moeze a: — Okynã pyra orihnõko mase, moromeĩpo moxiã eramãko ropa mã toto; imehnõ neponãmarykõ eahmãko mã toto moro nono põkõ kyryry.

Teuteronomiu 32:50

Moroto ypy po orihnõko mase, orui, Arão orihtopõpyry samo ypy Hoa po.

Teuteronomiu 4:22

Ywy tuna Joatão anakuohpyra exĩko ase; taro orihnõko ase rahkene. Yrome amarokõ akuohnõko matose moro nono kurã apoitohme oesarykõme.