Numeru 25:14 - Ritonõpo Omiry: A Bíblia Sagrada na língua Aparai do Brasil

¹⁴ Mokyro esety, totapase aexihpyry mitianita maro Ziniri nexiase, Saru mũkuru, tamuxime exikety Ximeão ekyryme.

Numeru 25:14 ပူးပေါင်းရင်းမြစ်များ

Jenexi 37:28

Mame osepekahketõ, mitianita tõ tooehse ahtao Joze touse ropa irui tomo a oramae. Tokarose ynororo eya xine 20me parata apoitohme. Mame Joze tarose Iximaeu tomo a Ejitu pona.

1 Tuisa 11:18

Mame toesyryhmase toto Mitiã poe, toytose toto Parã pona. Moroto imehnõ tõximõse toto maro. Morotoino toytose toto Ejitu pona oturuse tuisa a. Mame Ejitu tuisary a nono tokarose Hatate a, tapyi roropa, tonahsẽ roropa.

1 Koronika 27:16

Morarame Izyraeu tõ oxiekyry tõ tuisary tõ ynara kynexine: Rupẽ tõ tuisary Erieze, Zikiri mũkuru. Ximeão tõ tuisary Sepatia, Maaka mũkuru. Rewi tõ tuisary Hasapia, Kemueu mũkuru. Arão tõ tuisary Zatoke. Juta tõ tuisary Eriu, tuisa Tawi rui. Isakaa tõ tuisary Oniri, Mikaeu mũkuru. Zepurõ tõ tuisary Iximaia, Opatia mũkuru. Napatari tõ tuisary Jerimote, Azarieu mũkuru. Eparaĩ tõ tuisary Ozeja, Azazia mũkuru. Manase xixi omõtoh wino tõ tuisary Joeu, Petaia mũkuru. Manase xixi tũtatoh wino tõ tuisary Ito, Zakaria mũkuru. Pẽjamĩ tõ tuisary Ito, Zakaria mũkuru. Tã tõ tuisary Azareu, Jeroão mũkuru.

2 Koronika 19:7

Ritonõpo Imehxo Exikety enetupuhtoko. Mame tomeseke ehtoko ahno nyrityã apiakary poko. Ynara se pyra Ritonõpo mana: zae pyra ehtoh poko exiketomo te, asakoro omoxinety kuhtopo te, asakoro zumo ehtoh kuhtoh ke roropa imehnõ apiakaryhtao.

Numeru 25:13

Ynoro, ipoenõ maro, ipakomotyã maro, jũme oturuketõme exĩko mã toto, imehnõ neponãmarykõ oneahmapopyra aexiryke Izyraeu tomo a, ywy ro rokẽ eahmatohme eya xine. Moro ke mokaro rypyry tykorokapose eya.

Numeru 25:15

Mokyro nohpo mitianita, tuose aexihpyry esety Koxipi nexiase, Zua ẽxiry. Tuisame Zua nexiase mitianita tõ maro.

Numeru 26:14

Mokaro 22.200me orutua kõ nexiase.

Apokaripxi 7:7

12.000me Ximeão pakõme, 12.000me Rewi pakõme, 12.000me Isakaa pakõme,