Numeru 24:16 - Ritonõpo Omiry: A Bíblia Sagrada na língua Aparai do Brasil

¹⁶ kure rokẽ Ritonõpo omiry etaryhtao, tuaro ehtoh apoitohme Imehxo Exikety wino. Jesekumuru po typorohse ywy, jenuru tõ onetõ sã Ritonõpo a tonepose ya, Jamihmehxo Exikety.

Numeru 24:16 ပူးပေါင်းရင်းမြစ်များ

Jenexi 14:18

Mame Meukizeteke, Sarẽ tuisary, Ritonõpo Imehxo Exikety poe oturuketyme kynexine. Eya wyi tonehse, uwa eukuru jehnahpyry maro.

Jenexi 17:1

Morarame 99me jeimamyry taropose Aparã ahtao tõsenepose ropa Ritonõpo eya, ynara tykase ynororo eya: — Ywy ase Ritonõpo Jamihmehxo Exikety. Jomiry omipona exiko, zae ehtoh poko rokẽ exiko roropa.

Numeru 24:15

Mame ynara tykase ynororo imeĩpo ehtoh poko: “Sero nase Paraão otururu, Peoa mũkuru, ynekarohpyry sero jenuru kure osenuhmaryhtao,

Numeru 24:17

Imeĩpo ehtoh enẽko ase, Izyraeu tõ enẽko. Tuisa konõto, xirikuato saeremehxo exikety sã exĩko mana mokaro wino. Tonesã samo oehnõko mana Izyraeu tõ poe. Moape tõ tuisamãkõ poremãkapõko mana. Mokaro ahno epyrypaketõ enahkapõko mana.

Numeru 24:3

Ynara tykase ynororo Ritonõpo poe: “Sero nase Paraão nekarory, Peoa mũkuru, ynekarory sero jenuru kure rokẽ osenuhmaryhtao,

Numeru 24:4

kure rokẽ Ritonõpo omiry etãko roropa. Jesekumuru po typorohse ywy, jenuru tõ onetõ sã, Ritonõpo a tyripose, Jamihmehxo Exikety enepotohme.

1 Korĩtiu 13:2

Otarãme Ritonõpo omi poe aomiry ekarõko ase imehnomo a. Otarãme emero poko zuarohxo ase atamorepaketõ samo. Otarãme imehnõ motye tupimãkõ waro roropa ase. Otarãme Ritonõpo jamitunuru enetuputyryke ya ypy tõ enuẽnapory waro roropa ase repe, yrome imehnõ pyno pyra jahtao otyme kure hano Ritonõpo a? Arypyra ipunaka.

1 Korĩtiu 8:1

Onymerohpyrykõ ae tõsẽ poko moturupoatose. Joroko tõ zohme tõsẽ rĩko imehnõ mana. Mame morara tyrixĩpo ekamõko mã toto. “Kure mokaro zoh onyry kyya xine nahe?” mekaropoatose. Moro poko oururukõ se ase. “Joroko tõ zoty poko tuaro sytatose. Naeroro otara kara sytatose,” katopõpyry oya xine zae ro repe. Yrome tuaro kuexirykõ poko kuosenetuputyryhtao epyrypãko sytatose tuaro kuehtohkõ poko. Mãpyra imehnõ pyno kuahtao xine toto akorehmãko sytatose orẽpyra toto ehtohme zae ehtoh poko.