Numeru 23:21 - Ritonõpo Omiry: A Bíblia Sagrada na língua Aparai do Brasil

²¹ Enẽko ase imeĩpo Izyraeu tõ ehtopo, toto onyporemãkara exĩko imehnõ mana, toto onutuarimapopyra exĩko roropa mã toto. Ritonõpo, Izyraeu tõ Esẽ, toto maro mana, kohtãko mã toto Ritonõpo, Tutuisarykõme exiry poko.

Numeru 23:21 ပူးပေါင်းရင်းမြစ်များ

2 Koronika 13:12

Ritonõpo yna maro mana yna akorehmãko, yna esemazupurume ytõko mana. Ipoetorykõ oturuketõ rue etosasaka mã toto, yna osetapapitotohme. Izyraeu tomo, osetapara ehtoko Ritonõpo, atamurukõ Esẽ maro. Onyporemãkaposaromepyra matose!

Saumu 103:12

Moe xixi tũtatoh wino mana xixi omõtoh poe, moro moe ehtoh sã kywinoino xine kyyrypyrykõ apiakãko Ritonõpo mana.

Saumu 118:15

Etatoko ke, kui ãko mã toto tãkye toehtohkõke Ritonõpo poetory tomo orẽpyra toexirykõke: “Ritonõpo jamitunuru ke orẽpyra toehse sytatose!

Saumu 135:21

Ritonõpo eahmatoko Xião po, Jerusarẽ po, Kuesẽkõ esary po. “Kure mase, Ritonõpo,” kahtoko!

Saumu 23:4

Jemynyhmaryhtao yronymyryme enaromyra ase ymaro oexiryke, Ritonõpo Jesemy; jewomãko mase, zae tyritoh enepõko mase ya azamaro jehtohme.

Saumu 32:2

Tãkye mã mokyro onyhxiropyra Ritonõpo ahtao popyra ehtoh poko, ajohpe pyra roropa ynororo ahtao imehnõ onenekunohpyra exiryke!

Saumu 32:5

Mame osekaroase oya, yyrypyry ekaroase, popyra jehtoh ononẽpyra exiase, zae pyra jehtopõpyry emero ekaroase oya, mame yyrypyry tõ emero mykorokase.

Saumu 46:11

Kuesẽkõ Jamihmehxo Exikety kymaro xine mana; Ritonõpo Jako Esemy kuewomanekõme mana.

Saumu 46:7

Ritonõpo Jamihmehxo Exikety kymaro xine mana; Jako Esemy kuewomanekõme mana.

Saumu 97:1

Ritonõpo Kuesẽkõ tuisa konõtome mana. Atãkyematoko, sero nono põkomo! Atãkyematoko, ahmõta po exiketomo, tuna konõto ehpiõkomo!

Saumu 99:2

Kuesẽkõ jamihmehxo mana Jerusarẽ po; ahno tõ emero esẽme mana.

Exutu 13:21

Saereme ahtao toto esemazupurume toytose Ritonõpo akurũ, xikihme exikety samo, toto esemary enepotohme eya xine. Koko toehse ahtao toto esemazupurume toytose ynororo apoto xikihme exikety samo, toto esemary zeipotohme, Izyraeu tõ ytotohme saereme ahtao te, koko ahtao, enara.

Exutu 3:12

Ynara tykase Ritonõpo: — Amaro exĩko ase. Ypoetory tõ enepyryhtao oya Ejitu poe, sero ypy pona oehnõko matose jeahmase. Morara toehse ahtao tuaro exĩko matose ywy roro kuenyohno.

Exutu 34:9

Ynara tykase ynororo: — Ritonõpo, ajohpe pyra azamaro jahtao, ajohpãme sã yna maro ytoko. Moxiã mã putupyra exiketõme mã toto. Yrome yna rypyry ikorokako, popyra yna ehtopo. Opoetoryme yna tyriko rahkene.

Izaja 1:18

Ynara ãko Ritonõpo Kuesẽkõ mana: “Osehtoko xiaro, soturutone sero poko. Oorypyrykõ ke tonohse sã matose tahpireme, xinukutumehme sã xikuxikumã samo. Yrome okurikatorỹko ase, karimutume exĩko ropa matose mauru samo, karimutume kaneru hpoty samo.

Izaja 12:6

Xião põkomo, atãkyematoko, Ritonõpo eahmatoko roropa. Ritonõpo kurano, Jamihmehxo Exikety, Izyraeu tõ Esemy moroto mana typoetory tõ maro osesarĩko mana.”

Izaja 33:21

Moroto saeremehxo Exiketyme osenepõko Kuesẽkõ mana kyya xine. Jerusarẽ po tuna konõto tõ nae exĩko, iporiry tõ roropa, yrome epetõkara kanary tõ ytopyra exĩko mã kehko morohne ae, wapu konõto tõ roropa ytopyra exĩko morohne ae.

Izaja 33:22

Ritonõpo mã zae Kuapiakanekõme, Kutuisarykõme roropa mana, ynororo mã kypynanohtorỹko roropa.

Izaja 38:17

Kure jehtohme morohne ke toetuarimase ywy, zuaro ase. Yrome kypynanopyase orihpyra jehtohme, yyrypyry tõ emero tykorokase oya.

Izaja 41:10

Enaromyra ehtoko amaro xine jexiryke; oserehpyra ehtoko, Oesẽkõme jexiryke. Ajamihtanohtorỹko ase, ãkorehmatorỹko roropa; oewomatorỹko ase, opynanohtorỹko ase japotunuru ke.

Izaja 8:10

Oximõme osenetupuhtoko onyrirykõ poko, yrome morohne onyripyra ekurehnõko matose. Oturutoko onyrirykõ se oehtohkõ poko, yrome toiparo rokẽ moro exĩko mana yna maro Ritonõpo exiryke.

Jeremia 50:20

Moro ẽmepyry toehse ahtao Izyraeu tõ onyhxiropyra exĩko imehnõ mana iirypyry poko, Juta tõ roropa onyhxiropyra imehnõ mana popyra ehtoh poko. Mokaro emero tõxinamase exiketõ rypyry korokãko ase. Ywy Ritonõpo oturuno.

Ezekieu 48:35

Moro apuru mosa exiry pata zomye tytororo 9 kirometurume exĩko mana. Mame moro pata esety taroino ynara exĩko mana: “Ritonõpo Kuesẽkõ taro mana.”

Joeu 2:27

Mame amaro xine jehtoh waro exĩko matose. Ywy, Ritonõpo Oesẽkõme jehtoh waro exĩko matose, imepỹ ritõ pyra mana ipunaka. Mame ypoetory tõ onyporemãkapopyra ropa exĩko mã toto jũme.”

Rewitiku 9:24

Mõtoino rokẽ apoto tõtumakase Ritonõpo ẽpataka, mokaro nekarohpyry tonahkase emero, ikasery tõkehko apoto apõ po. Moro eneryke tyya xine kui tykase Izyraeu tomo tãkye toehtohkõke, tosekumuru po typorohse toto tõmytykõ po nono pokoxi Ritonõpo eahmatohme.

Numeru 14:18

“Ywy, Ritonõpo, penekehpyra ase, imehnõ pynanohnõko ase; popyra toto ehtoh korokãko ase, iirypyry roropa. Yrome iirypyrymãkõ onyripyra ase zae ehtoh poko exiketõ samo. Popyra exiketõ rypyry epehmapõko ase imũkuru tomo a, ipakomotyamo a, imũkuru tõ pakomotyamo a roropa, asakoropane zumakahpõkomo a.”

Numeru 14:19

Naeroro seromaroro, Ritonõpo, sero ahno rypyry ikorokako imehnõ pyno exikehpyra oexiryke, onyrihpyry sã Ejitu poe tarona.

Numeru 16:3

Oximõme toytose toto oturuse Moeze tõ maro Arão maro. Ynara tykase toto: — Epo hnae tuisamehxo oehtohkomo! Moxiã emero Ritonõpo Kuesẽkõ poetoryme mã toto. Typoetory tõ rãnao Ritonõpo mana. Naeroro oty katohme tuisamehxo osekarõko matou, Ritonõpo poetory tõ esãme?

Numeru 9:22

Yrome totypohse akurũ ahtao Tapyi epoe asakoro ẽmepyry te, nuno tytororo te, jeimamyry porehme, totypohse pixo moro akurũ ahtao, Izyraeu tõ roropa tehme toh nexiase. Ytoytopyra toh nexiase. Yrome tõnuhse yroro ahtao ytõko toh nexiase.

Mateu 1:23

“Oryximã poetoẽme exĩko, orutua maro exipitopyra ro tahtao. Mame enurũko mana orutuame, esety Emanueume exĩko,” tykase ynororo Ritonõpo poe pake. (“Emanueu” kary: “Ritonõpo kymaro xine mana” kary epereu omiry ae.)

Romanos 6:14

Oorypyrykõ poko pyra ehtoko, Ritonõpo nymeropohpyry Moeze a ohxiropyra xine ehtohme. Ritonõpo namotome rokẽ toehse matose, eya tukurãkase oexirykõke.

Romanos 8:1

Morara exiryke seromaroro: “Popyra mase ya,” kara Ritonõpo kyya xine mã ipunaka Jezu Kyrixtu maro kuexirykõke. Ipoetoryme kuexirykõke kuaropopyra xine mana etuarimaketõ esaka.

2 Korĩtiu 2:14

“Kure mase,” ãko ynanase Ritonõpo a. Kyrixtu maro yna exiryke yna arõko sã Ritonõpo mana Kyrixtu mykapo imehnõ neneryme, imehxo Kyrixtu ehtoh waro emero ehtohme. Typoxine exikety ytory sã emero esaka yna ytoryhtao Kyrixtu poko imehnõ tuarõtanohpõko ynanase.

2 Korĩtiu 5:19

Ynara ãko ynanase imehnomo a: “Tope tõme sero põkõ rĩko Ritonõpo mana Kyrixtu toorihse exiryke toto myakãme. Oorypyrykõ poko ohxirorykõ se pyra Ritonõpo mana. Oorypyrykõ korokãko mana Jezu enetuputyryhtao oya xine. Tope tõme oritorỹko mana Kyrixtu toorihse exiryke omyakãkõme,” ãko ynanase imehnõ netaryme. Morara katohme tymenekase yna Ritonõpo a.

2 Korĩtiu 6:16

Ritonõpo maro oturutoh taka ahno naxikahpyry Ritonõpo myakãme anaropyra sytatose ipunaka, Ritonõpo zamaro pyra exiryke. Kymarokõ Ritonõpo tapyĩme sã sytatose Zuzenu nae kukurohtao xine exiryke. Ynara tykase Ritonõpo moro poko: “Osesarĩko ase ypoetory tõ maro, toto maro jehtohme. Toto esẽme exĩko ase. Ypoetoryme roropa exĩko mã toto,” tykase.

Teuteronomiu 31:23

Mame tõturuse Ritonõpo Jozue a, Num mũkuru a, ynara tykase: — Orẽpyra exiko, imehnõ zuno pyra. Ypoetory, Izyraeu tõ arõko mase moro nono pona, ynekarory oya xine poremãkapose, mame amaro xine exĩko ase.

Teuteronomiu 32:5

Yrome ipoetory tõ tyyrypyrykõ poko toehse toh nexiase. Aerypymahpyryme toehse toh nexiase, aomiry omipona pyra. Naeroro ipoenõ sã pyra mã toto, ahno popyra tyyrypyhpyke exiketomo.

Teuteronomiu 33:5

Tuisa konõtome toehse Ritonõpo, tynymenekatyã esẽme, oximõme toehse oxiekyrymãkõ ahtao tutuisary tõ maro.

Teuteronomiu 9:24

Awaro xine toehpitose jahtao, Ritonõpo Kuesẽkõ omiry omipona pyra mexiatose. Morara sã exikehpyra matose!

Juize 6:13

— Ritonõpo yna maro ahtao oty katohme etuarimãko ynanae? tykase Kiteão eya. — Otara toehse Ritonõpo nyrityã pake ahtao? Morohne poko turuse yna, yna tamuru tomo a; tyjamitunuru ke Izyraeu tõ tonehse Ritonõpo a Ejitu poe. Yrome eya turumekase yna, tokarose yna mitianita tomo a.

1 Samueu 25:28

Ajohpãme sã zae pyra jehtopõpyry ikorokapoko. Mame Ritonõpo orẽpyra orĩko mana, okynã sã tuisame oehtohme opoenomo te, apakomotyã roropa, enara. Ynara exiryke, Ritonõpo omipona rokẽ etonãko mase. Morara awahtao zae rokẽ mase exĩko oorikyryponãmero, tykase.