Numeru 22:32 - Ritonõpo Omiry: A Bíblia Sagrada na língua Aparai do Brasil

³² Ynara tykase Ritonõpo nenyokyhpyry eya: — Oty katohme oeky jumẽtu mypipohno oseruao? Oehno oya oepekara samo aaropotohme ropa, onyriry zae pyra exiryke ya.

Numeru 22:32 ပူးပေါင်းရင်းမြစ်များ

Saumu 145:9

Kure Kuesẽkõ mana ahno poko emero, tynyrityã pyno mana emero porehme.

Saumu 147:9

Onokyro tomo a tonahsẽ ekarõko mana, atõko poenõ nahpãko roropa mana ikohmaryhtao eya xine.

Saumu 36:6

Zae ehtoh poko oehtoh onytyoromara mana, ypy tõ konõto samo, yna apiakary oya zae mana, zueme tuna konõto ehtoh samo. Ritonõpo yna Esemy, ahno pyno mase, onokyro tõ roropa.

Porowepio 14:2

Ajohpe pyra exiketyme awahtao Ritonõpo enetuputyry oya Oesẽme enepõko mase, yrome ajohpe awahtao aomipona pyra oehtoh enepõko mase roropa.

Porowepio 16:2

Onyriry emero zae rokẽ nase oya repe, yrome õsenetupuhtoh enẽko Ritonõpo mana okurohtao, ise oehtoh apiakãko mana.

Porowepio 28:18

Ajohpe pyra exikety osewomãko mana, yrome ajohpe exikety mõtoino rokẽ orẽnõko mana.

Porowepio 28:6

Kurehxo tymõkomoke pyra exiry ajohpe pyra ahtao, kure hkopyra tytineruke exiry ajohpe ahtao roropa.

Jona 4:11

Moro motye kuhse zae ro ase Niniwe põkõ poko toenupunase jahtao. Moro tao poeto tõ rokẽ ahtao, 120 miu motye nae nase zae ehtoh waro pyra ro exiketomo, eky tõ roropa tuhke nae, tykase Ritonõpo Jona a.

Mikeja 6:5

Ypoetory tomo, wenikehpyra ehtoko Parake, Moape tuisary osenetupuhtoh poko oritohkõme te, Paraão, Peoa mũkuru ezuhtopõpyry poko roropa eya. Wenikehpyra ehtoko emero ehtopõpyry poko jakanahmã Akaxia tõ poe oytotopõpyrykõ poko mya oeporehkatopõpyrykõ pona pata Kiukau pona. Wenikehpyra ehtoko oepetõkara poremãkatopõpyry poko ya opynanohtohkõme.

Numeru 22:20

Mame koko tooehse Ritonõpo Paraão a, ynara tykase: — Mokaro toehse exiryke okohmase tymaro xine oytotohme, atakimako toto maro oytotohme. Yrome ynyripory rokẽ tyriko.

Numeru 22:22

Tohne toehse Ritonõpo, toytose Paraão exiryke. Jumẽtu po typorohse Paraão nexiase toytoryme; imaro ipoetory tõ asakoro toytose roropa. Mõtoino rokẽ Ritonõpo nenyokyhpyry tyhtose osema taka, ytopyra aehtohme.

Numeru 22:28

Mame Ritonõpo poe jumẽtu tomitapitose, ynara tykase Paraão a: — Oty yrino yzehno oehtohme? Oty katohme kypipohno oseruao?

Numeru 22:33

Yrome oeky, jumẽtu jeneno; toeramase ynororo ywinoino oseruao. Eramara tokurehse ynororo ahtao, pake kueatãkary, ynororo rokẽ typynanohse exiry isene ro aehtohme.

Numeru 22:35

Ynara tykase Ritonõpo nenyokyhpyry: — Ytoko moxiã maro; yrome oturuko ynekarory ae rokene. Naeroro Paraão toytose mokaro tamuximãkõ, Parake nenyohtyã maro.

Atos 13:10

— Oty katoh onekunohto mano? Joroko mũkurume mase. Emero kurãkõ zehno mase. Popyra oexiry se rokẽ mase. Oty katoh: “Ritonõpo omiry popyra,” kakehpyra mahno?

Teuteronomiu 23:4

tonahsẽ onekaropyra exiryke, tuna roropa onekaropyra exiryke oya xine tutũtase awahtao xine Ejitu poe. Paraão, Peoa mũkuru topehmase roropa exiryke eya xine, Petoa pono, Mesopotamia po, popyra ehtoh enehpotohme opona xine.

Teuteronomiu 25:4

— Pui mytary onymyhpyra ehtoko tiriiku ipikary poko itũtũmaryhtao.