Numeru 22:20 - Ritonõpo Omiry: A Bíblia Sagrada na língua Aparai do Brasil

²⁰ Mame koko tooehse Ritonõpo Paraão a, ynara tykase: — Mokaro toehse exiryke okohmase tymaro xine oytotohme, atakimako toto maro oytotohme. Yrome ynyripory rokẽ tyriko.

Numeru 22:20 ပူးပေါင်းရင်းမြစ်များ

Saumu 81:12

Naeroro tyyrypyrykõ se exiketõ sã toto tyripose ya, typenetatohkõ poko toto ehtohme.

Izaja 37:29

Turuse ywy yzehno oehtoh poko, imehnõ motye imehxo oehtoh poko oepyrypary poko roropa, naeroro seromaroro oeunary ao oka rĩko ase, õtaka kurimene rĩko ase, kawaru mytaka kurimene riry sã tosẽ omipona ehtohme. Mame aaropõko ropa ase oesemary ae, oehtopõpyry ae ropa.”

Jeremia 1:7

Yrome ynara nase Ritonõpo ya: — “Poetome ro ase,” kara exiko. Ytoko imehnõ zuruta, aaroporyhtao eya xine. Toto zuruko emero ynekarory oya ekarotohme eya xine.

Ozeja 13:11

Ozehno xine toehse ywy, naeroro tuisa tõ ekaroase oya xine. Mame tohne ro jexiryke opoko xine otuisarykõ touse ropa ya owinoino xine.

Numeru 22:19

Yrome seromaroro taro oẽmehtoko zuaro jehtohme. Otarame Ritonõpo oturutoh nae ro mana tõturutohme ya.

Numeru 22:35

Ynara tykase Ritonõpo nenyokyhpyry: — Ytoko moxiã maro; yrome oturuko ynekarory ae rokene. Naeroro Paraão toytose mokaro tamuximãkõ, Parake nenyohtyã maro.

Numeru 23:12

Ynara tykase Paraão: — Ritonõpo nurutopõpyry rokẽ poko oturũko ase.

Numeru 23:16

Mame Ritonõpo tõseporyse Paraão maro. Omi tokarose eya Parake zurutohme. Mame tonyohse ropa ynororo Parake a omi ekarotohme eya.

Numeru 23:26

Ynara tykase Paraão eya: — Morara exiryke moro sã tykase ywy oya, Ritonõpo nekarory rokẽ ekarõko ase oya, tykase ywy.

Numeru 23:5

Mame omi tokarose Ritonõpo a Paraão a ekarotohme Parake a. Mame tonyohse ropa ynororo eya Parake zurutohme.

Numeru 24:13

parata ke topehmase jahtao oya, uuru maro emero atapyĩ tao exikety, Ritonõpo, Jesẽ nyripohpyry omipona pyra ehsaromepyra ase. Mokaro zuruase: jamoreme emero rokẽ onyrisaromepyra ase, Ritonõpo omi poe rokẽ oturũko ase.

Numeru 24:4

kure rokẽ Ritonõpo omiry etãko roropa. Jesekumuru po typorohse ywy, jenuru tõ onetõ sã, Ritonõpo a tyripose, Jamihmehxo Exikety enepotohme.