Numeru 21:28 - Ritonõpo Omiry: A Bíblia Sagrada na língua Aparai do Brasil

²⁸ Apoto tutũtase exiryke Hexipõ poe, apoto tuisa Seõ patary poe, isoutatu tõ apoto sã nexiase, pata Ara tonahkase eya xine, Moape po. Ypy tõ tonahkase, tuna Aranõ inikahpozakoxi.

Numeru 21:28 ပူးပေါင်းရင်းမြစ်များ

Saumu 78:63

Nuasemãkõ totapase tõsetapary poko toto ahtao, oryximãkõ roropa niotara tokurehse toto nuasemãkõ pyra exiryke.

Izaja 10:16

Naeroro tyrohsẽ enehpõko Ritonõpo Imehxo Exikety mana mokaro axirio tõ soutatu jamihmãkõ wãnohtohme, tyjamihkehsẽme exĩko mã toto. Oxirohtoh enehpõko roropa mana eya xine apoto samo, axitũ oxirohnõko mokaro mana.

Izaja 15:4

Hexipõ põkõ sam karyke kui kui ãko mã toto, Ereau põkõ roropa, toto kui kary etãko mã toto Jasa po. Moape tõ soutatu tõ tonaroxitapãse, tykytyky ãko mã toto enaromỹke toexirykõke.

Izaja 16:12

Apotũkehnõko Moape tõ mana ypy tõ pona tonukurukõ poko tyneponãmarykõ eahmatohme, tõturutohme roropa eya xine repe, yrome toiparo rokẽ moro rĩko mã toto.

Amoxi 1:10

Naeroro apoto enehpõko ase pata Tiro apuru zahkatohme, tapyi tõ jamihmãkõ zahkãko roropa mana moro pata po.

Amoxi 1:12

Morara exiryke apoto enehpõko ase pata Temã zahkatohme, tapyi tõ jamihme exiketõ zahkãko roropa moro apoto mana Posora po.

Amoxi 1:14

Morara exiryke apoto enehpõko ase pata Rapa apuru zahkatohme, mame moro apoto tapyi tõ jamihmãkõ zahkãko roropa mana moro pata po. Osetapatoh exĩko mana, kui ãko, orihnõko roropa mã toto, moro po.

Amoxi 1:4

Morara exiryke apoto enehpõko ase tuisa Hazaeu tapyĩ konõto zahkatohme, tuisa Pẽ-Hatate tapyĩ tõ jamihmãkõ maro.

Amoxi 1:7

Morara exiryke apoto enehpõko ase Kaza apuru tõ zahkatohme. Moro pata tapyi tõ jamihmãkõ zahkãko roropa moro apoto mana.

Amoxi 2:2

Morara exiryke apoto enehpõko ase Moape nonory pona, moro apoto tapyi jamihmãkõ zahkãko roropa mana Keriote po. Tõsetaparykõ poko exĩko, soutatu tõ tykohtarykõ poko, rue etory poko, ahno orihnõko mã toto, enara.

Amoxi 2:5

Naeroro apoto enehpõko ase Juta nonory pona, tapyi tõ jamihmãkõ zahkãko roropa mana Jerusarẽ po.

Numeru 21:15

yhtotoh roropa jakanahmã tõ pata Ara pona, Moape nonory ehpiõ winakoxi.”

Numeru 21:27

Morara exiryke tuaro exiketõ moro poko ynara ãko mã toto: “Osehtoko Hexipõ pona, tuisa Seõ patary pona! Moro pata rĩko ropa mana, kure rokẽ Seõ patary exĩko ropa mana.

Numeru 22:41

Yrokokoro tõmehse ahtao Paraão tarose Parake a Pamote-Paau pona. Moroto toto ahtao Izyraeu tõ zokonaka tonese eya xine.

Teuteronomiu 2:18

“Ytotoko seroae pata Ara rãnakuroko Moape tõ nonory ehpiõ pona.

Teuteronomiu 2:9

Ynara tykase ropa Ritonõpo ya: “Osetapara ehtoko Moape tõ maro, Ro pakomotyamo, mokaro poko pyra ehtoko. Pata Ara ekaroase eya xine, inonorykõ onekaropyra ase oya xine ipunaka.”

Juize 9:15

Mame tozuhse toto omoxino a: “Yse nymyry awahtao xine otuisarykõme, osehtoko xiaro, yzerutũ zopikoxi. Yrome oehpyra awahtao xine apoto tũtãko mã ypoe, apupari tõ Ripano põkõ, zahkatohme,” tykase omoxino eya xine.

Juize 9:20

Yrome zae pyra awahtao xine, ah apoto nutũtano Apimereke poe orutua kõ pona, Xikẽ põkõ zahkatohme, Pete-Miro põkõ maro. Ah apoto nutũtano Xikẽ põkõ poe roropa, Pete-Miro põkõ maro Apimereke zahkatohme.