Numeru 16:33 - Ritonõpo Omiry: A Bíblia Sagrada na língua Aparai do Brasil

³³ Moro sã tyhtose toto isene ro nono aka aorihtyã esaka imõkomory maro emero porehme. Mame nono tapuruse ropa, osenepyra toehse toh nexiase.

Numeru 16:33 ပူးပေါင်းရင်းမြစ်များ

Saumu 141:7

Apotopokõ takohse ahtao, tyrakase roropa ahtao, moro saaro mokaro zehpyry tõ typahse exĩko zonẽtopõpyrykõ eutary pũto.

Saumu 143:7

Axĩ ke kuezuhko, Ritonõpo Jesemy tapotũkehse jexiryke oeraximary poko. Ywino otonẽpyra exiko, jorikyryino imehnõ orihketõ maro.

Saumu 55:15

Ah jepetõkara norihno toto aorihtoh exipyra ahtao ro; ah nyhtõ toto isene ro toto ahtao aorihtyã esaka. Popyra ehtoh itapyĩkõ tao mana, ikurohtao xine roropa!

Saumu 55:16

Yrome Ritonõpo Jesẽ kohmãko ase jakorehmatohme, ypynanohnõko mana.

Saumu 55:23

Yrome mokaro imehnõ etapananomo te, imehnõ ewokananomo, ajohpe exiketõ roropa emãko mase, Ritonõpo, aorihtyã esaka; isene toto ehtoh zokonaka exipyra ahtao ro. Yrome ywy, oenetupuhnõko ase.

Saumu 69:15

Ypona tuna onenehpopyra exiko tukumase ahtao; zue ao ynerymapopyra exiko, aorihtyã esaka ytopyra jehtohme.

Saumu 9:15

Ozehnotokomo a eutary ahkahpyry aka toepukase toto. Ahno apoitoh aka tomõse toh nexiase, tynyrihpyrykõ aka.

Izaja 14:15

Yrome tomase mexiase Ritonõpo a aorihtyã esaka, mya zue aka oramã aka.

Izaja 14:9

Mya nono kurohtao, aorihtyã esao, Papironia tuisary oepyry eraximãko mã toto. Tuisãpo tõ zuzenu pakãko sã mã toto, jamihme aexityamo, owõnõko mã toto tapõkõ poe.

Izaja 38:18

Aorihtyã esao, “Kure mase,” kasaromepyra mã toto, morotõkõ oeahmasaromepyra mã toto; typynanopyrykõ oya onenetupuhsaromepyra mã toto.

Ezekieu 31:14

Mame taroino jomiry omi poe wewe tõ emero, tohxikase ahtao ro, moro wewe kae ehtoh sã exipyra exĩko mã toto, amoriry tõ eporehkara exĩko mã toto akurũ pona. Mame emero orihnõko mã kehko, ahno orihketõ samo, aorihtyã esaka ytõko mã toto.

Ezekieu 32:18

— Ahno mũkuru, oxitako imoihmãkõ Ejitu põkõ poko. Mokaro ihnamoko. Toto aropoko imehnõ ahno jamihmãkõ maro aorihtyã esaka.

Ezekieu 32:30

— Tuisa mũkuru tõ inikahpoe exiketõ moroto mã toto emero, Xitõ põkõ maro aorihtyã esao toorihse toto Ritonõpo omipona pyra ro toto ahtao. Jamihme toehtopõpyryke imehnõ enaromỹke tyripose eya xine, yrome seromaroro tyhtose toto, omi kurã maro pyra, imehnõ maro etonatoh po etapahpyry tõ maro. Moroto imihme mã toto. Mokaro maro typoremãkase toto, oximaro tyhtose toto aorihtyã esaka.

Numeru 16:32

tonahse toto itapyĩ taõkõ maro, Kora ekahmananõ maro emero, imõkomory maro.

Numeru 16:34

Mokaro kui kui kary etaryke tyya xine tururume toytose Izyraeu tomo, moroto aexityamo. Kui ãko roropa toh nexiase, ynara tykase toto: — Epatoko! Kuenahkatorỹko nono mana!

Numeru 22:33

Yrome oeky, jumẽtu jeneno; toeramase ynororo ywinoino oseruao. Eramara tokurehse ynororo ahtao, pake kueatãkary, ynororo rokẽ typynanohse exiry isene ro aehtohme.

Numeru 26:11

Yrome Kora mũkuru tõ orihpyra toh nexiase.)

Teuteronomiu 32:22

Tohne jehtoh apoto zukãko sã mana, senohne emero enahkapõko mana sero nono po; ypy tõ apõ zahkãko roropa mana, ijahkapõko mana aorihtyã esary pona.

Juta 1:11

Imehnõ motye etuarimakehpyra toh mana. Kaĩ ehtopõpyry sã toehse mã toto. Tyyrypyry onykorokapopyra tokurehse ynororo. Mame azahkuru kahpyry se rokẽ toehse toto, tineru apoitohme tyya xine, Paraão ehtopõpyry samo. Ritonõpo omipona pyra toexirykõke, Kora ehtopõpyry samo, osenahkãko mã toto.