Numeru 14:20 - Ritonõpo Omiry: A Bíblia Sagrada na língua Aparai do Brasil

²⁰ Ynara tykase Ritonõpo: — Onekaropohpyry ae ro iirypyrykõ korokãko ase.

Numeru 14:20 ပူးပေါင်းရင်းမြစ်များ

Saumu 106:23

Naeroro: “Toto enahkapõko ase,” tykase Ritonõpo Izyraeu tõ poko; yrome Moeze, inymenekahpyry typoetoryme toexikihmase Ritonõpo ẽpataka toto ewomatohme, toto onenahkara aehtohme.

Saumu 99:8

Ritonõpo yna Esemy, opoetory tõ tozuhse oya; toto rypyry korokaneme mosenepoase eya xine, iirypyry tuãnohse oya ahtao ro.

Exutu 32:14

Naeroro, “Teh,” tykase rokẽ Ritonõpo. Izyraeu tõ onenahkapopyra tokurehse ynororo.

Exutu 8:9

Ynara tykase Moeze: — Kure. Tãkye ase jotururu poko Ritonõpo a opoko xine. Kaxiko ya otara ahtao jotururu se hma Ritonõpo a ãkorehmatohme te, opoetory tõ akorehmatohme te, ononory põkõ emero akorehmatohme, pororu tõ aropotohme ropa atapyĩ konõto tae, imehnõ tapyĩ tõ tae roropa, tuna kuao rokẽ toto ehtohme.

Jeremia 31:2

Ona tonorẽ po, mokaro pyno exiase, tõsepynanohse aexityã aorikyrykõ wino. Tõserematoh se toehse Izyraeu tõ ahtao,

Tiaku 5:16

Morara exiryke iirypyryme awahtao xine ekarotoko imehnõ netaryme, oorypyrykõ rumekatohme ropa oya xine, ikorokatohme roropa Ritonõpo a. Oturutoko Ritonõpo a imehnõ poko roropa okurãkatohkõme ropa. Mame aomipona exiketõ otururuhtao yronymyryme õmirykõ etãko Ritonõpo mana. Tyjamitunuru ekarõko oya xine mana tõmipona exiketõme oexirykõke.