Numeru 14:14 - Ritonõpo Omiry: A Bíblia Sagrada na língua Aparai do Brasil

¹⁴ moro ekarõko mã toto sero nono põkomo a. Tuaro toehse mã toto omoro, Ritonõpo, opoetory tõ rãnao oexiry poko, osenepõko mase eya xine akurũ ao tyhtose awahtao yna epoe. Zuaro roropa mã toto oytory poko osemazuhme akurũ ao saereme ahtao, apoto ao, xikihme exikety ao tykohmãse ahtao.

Numeru 14:14 ပူးပေါင်းရင်းမြစ်များ

Jenexi 32:30

Ynara tykase Jako: “Ritonõpo eneno osẽpataka. Yrome orihpyra ywy, isene ro ase.” Naeroro moro tosehpase eya Penieume.

Neemia 9:12

Akurũ ke toto tarose oya saereme ahtao, koko apoto xikihmã ke, tykohmãse ahtao. Osema saerehkatohme, zae osema ae toto ytotohme.

Neemia 9:19

Yrome toto onurumekara mexiase ona tonorẽ po, ahno pyno itamurume oexiryke. Akuru onupuxihkara mexiase apoto roropa osema enepotohme eya xine saereme ahtao, koko, enara.

Saumu 105:39

Akurũ tyrise Ritonõpo a typoetory tõ epozakoxi, apoto panõ tyrise eya koko, toto ezurume.

Saumu 78:14

Saereme ahtao, tarose toto eya akurũ ke, tykohmãse ahtao tarose toto apoto ezuru ke eya.

Exutu 15:14

Onyrihpyry poko totase imehnõ nonory põkomo a, tykytyky ãko mã toto enaromỹke toexirykõke. Pirixteu tõ oserehnõko mã toto.

Exutu 33:11

Moroto osẽpataka tõturuse Ritonõpo Moeze maro ahno otururu sã tope maro. Moromeĩpo toytose ropa Moeze imoihmãkõ esaka ropa. Yrome Jozue, Num mũkuru, Moeze akorehmane nuasemã, tehme rokẽ kynexine moro Tapyi tao.

Exutu 33:16

Otãto yna pyno oehtoh poko, azamaro yna ehtoh poko roropa waro exĩko imehnõ nae yna maro pyra awahtao? Yna maro oexiry eneryke tyya xine imehnõ ahno sã pyra yna ehtoh enetupuhnõko mã toto.

Exutu 40:38

Mame aytorykohtao akurũ tonese eya xine, saereme ahtao tymaro xine Ritonõpo exiry, akurũme, Tapyi epoe. Koko apoto tonese eya xine, saereh ãko, Tapyi epoe.

Numeru 10:34

Toytose toto ahtao Ritonõpo akurũ mokaro epoe nexiase saereme ahtao.

Numeru 12:8

Naeroro imaro oturũko ase osẽpataka, topohme, tupimãkõ ke pyra, enetupuhpotoh ke pyra; tonese roropa ywy eya! Oty katohme zuno pyra hmatokene ypoetory Moeze kerekeremary poko oya xine?

João 1:18

Ritonõpo onenepitopyra sytatose ipunaka. Toiro rokẽ mã ipoko kuamorepatorỹko. Mokyro Ritonõpo mũkurume exikety. Tumy maro exiketyme roropa ynororo mana.

João 14:9

Ynara tykase Jezu eya: — Pake ro ase amaro xine, mõtoino rokẽ pyra. Oty katoh juaro pyra ro mahno Piripe? Juaro awahtao xine Papa Kapuaõ waro roropa matose. Oxisã ynanase Papa maro. Morara exiryke oty katoh: “Kumykõ enepoko yna a,” ãko matou?

1 Korĩtiu 13:12

Osene xihpyry ae kuosenerykohtao popyra rokẽ osenẽko sytatose. Moro saaro seromaroro pitiko sã rokẽ Ritonõpo poko enetupuhnõko sytatose. Imeĩpo imaro kuahtao xine kure kuhse Ritonõpo enẽko sytatose, osẽpataka rahkene. Seromaroro zokonaka rokẽ zuaro sytatose. Yrome kuaro xine ynororo ipunaka. Imeĩpo zuarohxo exĩko sytatose roropa, kuaro xine Ritonõpo ehtoh samo.

Teuteronomiu 1:19

Tõturuse ro Moeze ahno a, ynara tykase: — Ritonõpo Kuesẽkõ nyripohpyry omipona sexiatose, ypy Xinai poe sytoatose. Ona tonorẽ konõto meneatose, tupimehxo exikety, ikuroko toytose kuahtao xine, ypy tõ pona kytorykohtao amoreu tõ nonory pona. Mame seporehkatone pata Kate-Panea pona.

Teuteronomiu 34:10

Jũme exipyra ropa Izyraeu tõ rãnao urutono Moeze samo. Imaro tõturuse Ritonõpo osẽpataka.

Teuteronomiu 5:24

Ynara tykase toto ya: “Ritonõpo a, Kuesẽkomo a, saereme toehtoh tonepose kyya xine, aomiry totase kyya xine apoto htae. Seroae enẽko sytatose: ahno isene ro mã toto tõturuse ahtao Ritonõpo maro.

Teuteronomiu 5:4

Apoto htae Ritonõpo Kuesẽkõ tõturuse kymaro xine osẽpataka ypy po.

Jozue 5:1

Morarame Joatão tunary tãpaikapose Ritonõpo a Izyraeu tõ atakuohtohme, kary totase ahtao amoreu tuisary tomo a, Joatão poe xixi omõtoh wino exiketomo, kananeu tuisary tomo a roropa tosarykõ po tahtao xine tuna konõto ehpio, enaromỹke toehse toto. Izyraeu oepyry zuno toehse roropa toto, typoremãse toto.

1 João 3:2

Kuku tomo, seromaroro Ritonõpo poenõme sytatose. Otara exĩko sytatou imeĩpo? Ynara rokẽ zuaro sytatose, Kyrixtu tooehse ropa ahtao, isã exĩko sytatose ynoro nymyry eneryke kyya xine.