Numeru 11:31 - Ritonõpo Omiry: A Bíblia Sagrada na língua Aparai do Brasil

³¹ Mame tyryrykane tonehpose Ritonõpo a tuna konõto wino. Moro tyryrykane a aramixi tõ tonehse tuhke mokaro tapyi tõ zomye. Mokaro ke nono pehme toehse. Tõnuhse toto ahtao toiro meturume toytose toto nono epozakuroko.

Numeru 11:31 ပူးပေါင်းရင်းမြစ်များ

Saumu 105:40

Tokaropose eya xine, mame aramixi panõ tonehpose Ritonõpo a, kapu poe wyi panõ tokarose eya xine, emitapãpyra toto ehtohme.

Saumu 106:15

Naeroro ise toto ehtoh tokarose eya, yrome tyrohsẽ konõto tonehpose roropa eya xine.

Saumu 135:7

Sero nono etyhpyry poe akurũ enehnõko mana, nenenehkane rĩko mana konopo maro, tyryrykane enyohnõko mana tykyryry tõ esary ae.

Exutu 10:13

Tymyxiry tanỹse Moeze a Ejitu po. Tyryrykane tonehpose Ritonõpo a xixi tũtatoh wino. Tyryry tykase nono poro saereme, koko, enara. Mame tõmehse ahtao taparara tõ tonehse tyryrykane a.

Exutu 10:19

Mame tyryrykane tonehpose Ritonõpo a xixi omõtoh wino jamihme exikety. Taparara tõ tanỹse eya, tomase toto tuna konõto Tahpiremã kuaka emero porehme. Taparara pyra toehse ipunaka Ejitu nonory po.

Exutu 15:10

Yrome Omoro, Ritonõpo, typũmase oya ahtao Ejitu põkõ tyneryse, zue aka tomõse toto xũpu samo, pohkane xihpyry kuaka.

Exutu 16:13

Mame kokonie pukuro aramixi panõ tooehse tuhke. Nono typehkase Izyraeu tõ esary po. Mame yrokokoro pakeimo onahpoty tahxikure kynexine toto tapyĩ tõ zomye.

Numeru 11:30

Mame toytose ropa Moeze tomo mokaro 70mãkõ maro, Izyraeu tõ tuisary tõ maro tosaka xine ropa.