Numeru 1:20 - Ritonõpo Omiry: A Bíblia Sagrada na língua Aparai do Brasil

^20-43 Orutua kõ 20me jeimamyry nae exiketõ, soutatume exiketõ esetykõ tymerose oximaro tyekyry tõ maro. Osemazuhme Rupẽ tõ, Jako mũkuru apitorymã tymerose. Atapona toto ehtoh tymerose: Rupẽ tomo, 46.500. Ximeão tomo, 59.300. Kate tomo, 45.650. Juta tomo, 74.600. Isakaa tomo, 54.400. Zepurõ tomo, 57.400. Eparaĩ tomo, 40.500. Manase tomo, 32.200. Pẽjamĩ tomo, 35.400. Tã tomo, 62.700. Asea tomo, 41.500. Napatari tomo, 53.400.

Numeru 1:20 ပူးပေါင်းရင်းမြစ်များ

Jenexi 29:32

Poetoẽme toehse Reia, toemũkuase Rupẽme. Ynara tykase ynororo: — Tãkye pyra jehtopõpyry tonese Ritonõpo a, yrome taroino ypyno exĩko ynio mana.

Jenexi 35:23

Typyty Reia maro toemũkuase 6me: Rupẽ osemazupu te, Ximeão te, Rewi te, Juta te, Isakaa te, Zepurõ, enara.

Jenexi 46:9

Rupẽ mũkuru tomo: Enoke te, Paru te, Ezerõ te, Karami, enara.

1 Koronika 5:1

Ynara mã Rupẽ pakomotyamo, Jako mũkuru apitorymano. (Tumy pyty toiro poko toehse toexiryke ime toehtopõpyry tomapose eya. Imehxo ehtoh tokarose Joze a turui myakãme.