Neemia 9:5 - Ritonõpo Omiry: A Bíblia Sagrada na língua Aparai do Brasil

⁵ Mame ahno tykohmase rewita tomo a Ritonõpo eahmatohme. Ynara toh nexiase rewita tomo: Jesua te, Katamieu te, Pani te, Hasapaneia te, Serepia te, Hotia te, Sepania te, Petaia, enara. Ynara tykase toto: “Owõtoko! Ritonõpo Oesẽkõ eahmatoko! ‘Kure mase, Ritonõpo,’ kakehpyra ehtoko jũme. Ah emero sero nono põkõ, ‘Kure mase,’ nykã toto eya, Imehxo aexiryke, eahmary kyya xine ipune pyra ahtao ro.”

Neemia 9:5 ပူးပေါင်းရင်းမြစ်များ

1 Tuisa 8:14

Mame toeramase Saromão imoihmãkõ ẽpataka, xikihme toto ahtao. Mame kure rokẽ tyripose toto Ritonõpo a.

1 Tuisa 8:15

Ynara tykase ynororo: — Kure rokẽ mase Ritonõpo, Izyraeu tõ Esemy! Tyjamitunuru ke emero tyrise tunurutopõpyry ae ro papa Tawi a. Ynara tykase eya:

1 Tuisa 8:22

Mame imoihmãkõ neneryme, tõximõse toto ahtao, Saromão toytose tynekarory zahkatoh ẽpataka. Tomary tanỹse eya kakoxi,

1 Tuisa 8:27

— Yrome otãto exĩko mah, Ritonõpo, yna maro sero nono po? Onyrityã maro? Kapu tytororo opune pyra mana. Otãto sero tapyi, ynyrihpyry opune exĩko nae?

1 Koronika 16:36

Ritonõpo, kurã mase, Izyraeu tõ Esemy. Eahmatoko seromaroro, jũme kakehpyra roropa. Imoihmãkõ “Yje,” tykase; Ritonõpo toahmase eya xine.

1 Koronika 29:11

Imehxo mase, orẽpyra Exikety, xixi motye saerehkaneme mase, ẽmepyry motye, ypy tõ konõto sã osenuruhkapỹme mase toto rihpõme oexiryke. Emero kapu ao exiketõ, nono põkõ roropa okyryryme mã kehko. Tuisamehxo mase emero Esẽme.

1 Koronika 29:13

Seromaroro Ritonõpo yna Esemy “Kure mase,” ãko ynanase oya. Oeahmãko ynanase, oesety kurãme exiryke yna a.

1 Koronika 29:20

Mame ynara tykase Tawi imoihmãkomo a: — “Kure mase, Ritonõpo,” kahtoko; eahmatoko, Kuesẽkomo! Mame tõseahmase imoihmãkomo Ritonõpo poko, tytamuru tõ Esẽ poko. Tupue toehse toto, tosekumuru po typorohse toto Ritonõpo eahmaryme, tuisa Tawi eahmaryme roropa.

2 Koronika 20:13

Mame orutua kõ Juta tõ emero moroto kynexine typyxiãkõ maro, typoenõ maro Ritonõpo Tapyĩ ẽpataka.

2 Koronika 20:19

Mame rewita tõ, Koate pakomotyã te, Kora pakomotyã roropa toexikihmase, opore Ritonõpo Izyraeu tõ Esẽ toahmapitose eya xine.

Extara 3:11

Ritonõpo eahmatohme toremiase toto. Imehnomo a tozuhse. Ynara tykase toto: “Kure Ritonõpo mana, Kypyno xine aexiry, Izyraeu tõ pyno aexiry enahpỹme mana!” Tykohtase toto opore Ritonõpo eahmatohme, Ritonõpo Tapyĩ tyripitose exiryke.

Neemia 9:4

Rewita tõ xikihme toh nexiase tyzarã pitiko po, kae. Tõturuse toto opore samo Ritonõpo a, Tosẽkomo a. Ynara toh nexiase zara po: Jesua te, Pani te, Katamieu te, Sepania te, Puni te, Serepia te, Pani te, Kenani, enara.

Neemia 9:6

Ynara tykase Izyraeu tõ Ritonõpo eahmaryme: “Ritonõpo, omoro rokẽ yna Esẽme mase. Kapu tyrise oya, xirikuato tõ roropa. Sero nono tyrise oya, tuna konõto roropa, emero zae exiketõ roropa. Isene toto tyrise oya, emero porehme. Tosekumurukõ po kapuaõkõ porohnõko mã toto oeahmaryme.

Jo 1:21

Mame ynara tykase ynororo: — Tupoke pyra tonuruse ywy, tymõkomoke pyra roropa. Morararo tymõkomoke pyra orihnõko ase. Ritonõpo a morohne tokarose ya. Eya tapoise ropa ahtao, kure rokẽ Ritonõpo mana, tykase Jo.

Saumu 106:2

Inyrityã kurã tyjamitunuru ke ikuhpỹme nase. Jũme eahmaryhtao kyya xine kure aexiry onymotyẽkara sytatose.

Saumu 134:1

Ritonõpo Kuesẽkõ eahmatoko, ipoetory tõ emero oturuketõme aexityã itapyĩ tao, koko!

Saumu 145:2

Kokoro rokẽ, “Kure mase,” ãko ase oya. Jũme oeahmakehpyra ase.

Saumu 145:5

Oturũko mã toto xixi motye saereme oehtoh poko, imehxo oehtoh poko roropa. Morohne poko osenetupuhnõko ase, onyrityã osenuruhkatoh tonõ poko.

Saumu 146:2

Isene ro jahtao Ritonõpo oneahmakehpyra ase, eremiãko ase eahmaryme joorikyry ponãmero.

Saumu 16:2

Ritonõpo a ynara ase: “Omoro mase Jesemy; ymõkomory kurã emero onekarohpyryme mana.”

Saumu 66:2

Oeremiatoko eya, eahmaryme: “Kure mase, Ritonõpo Imehxo,” kahtoko eya.

Saumu 99:3

Eahmatoko emero porehme, imehxo aexiryke, tuisamehxo aexiryke aomiry etatoko. Kure rokẽ mana.

Exutu 15:11

Imepỹ ritõ apanõ pyra mana, Ritonõpo! Onoky nae kurano, Imehxo Exiketyme apanono? Onokãkõ tyjamitunuru ke tyrĩko nae, typoetory tõ ewomãko roropa nae?

Exutu 15:6

Ritonõpo, jamihmehxo oemary apotunuru wino mana, osenuruhkãko ynanase oepetõkara etohtohkary eneryke yna a.

Tanieu 2:20

ynara tykase: — Ritonõpo Kuesẽkõ seahmatone. “Kure mase,” kakehpyra sehtone eya, jũme. Tuaro exiketyme mã ynororo, jamihme exiketyme roropa!

Mateu 11:25

Morarame ynara tykase Jezu Tumy a: — Papa Kapuaono, kapuaõkõ esẽme mase. Sero nono põkõ esẽme roropa mase. Kure mase Papa tuaro pyra exiketõ amoreparyke oya õsenetupuhtoh poko. Opoe zuarohxo exĩko toh mana. Tuaro exiketõ motye exĩko toh mana. Atamorepaketõ motye roropa tuaro exĩko toh mana. Opoe roropa tuaro exiketõ zuaro pyra toehse ropa mana.

2 Korĩtiu 4:6

Apitoryme xinukutume rokẽ sero po kynexine. Mame: “Saereme exiko,” tykase Ritonõpo ahtao, saereme toehse. Mokyro: “Saereme exiko,” kahpõ, kutuarõtanohtorỹko mana tuisame imehxo toexiry poko. Kyrixtu ẽmyty enepõko kyya xine mana. Ẽmyty eneryke kyya xine ime aexiry enetupuhnõko sytatose.

Teuteronomiu 28:58

— Ritonõpo omihpyry emero omipona pyra awahtao xine, inymeropohpyry sero pape pokona, kure rokẽ Ritonõpo Kuesẽkõ esety onyripyra awahtao xine, mokyro esety pokoino enaromỹke exĩko sero nono põkõ mana,

1 Peturu 1:3

“Emero motye kure mase,” sykatone Ritonõpo a, Kuesẽkõ Jezu Kyrixtu zumy a. Tumũkuru Jezu Kyrixtu tõsemãkapose ropa aorihxĩpo, kypyno xine toexiryke. Tyjamitunuru tokarose kyya xine tyrisenã sã kuosenetupuhtohkõ ehtohme. Naeroro isene kuexirykõ eraximãko sytatose jũme imaro kuehtohkõme.

Juize 13:18

— Oty katohme jesety waro se hmatou? tykase Ritonõpo nenyokyhpyry. — Jesety waro ehsaromepyra matose, osenetupuhpotohme mana.