Neemia 9:4 - Ritonõpo Omiry: A Bíblia Sagrada na língua Aparai do Brasil

⁴ Rewita tõ xikihme toh nexiase tyzarã pitiko po, kae. Tõturuse toto opore samo Ritonõpo a, Tosẽkomo a. Ynara toh nexiase zara po: Jesua te, Pani te, Katamieu te, Sepania te, Puni te, Serepia te, Pani te, Kenani, enara.

Neemia 9:4 ပူးပေါင်းရင်းမြစ်များ

2 Koronika 20:19

Mame rewita tõ, Koate pakomotyã te, Kora pakomotyã roropa toexikihmase, opore Ritonõpo Izyraeu tõ Esẽ toahmapitose eya xine.

Neemia 12:8

Rewita tomo: Ynara tymenekase toh nexiase erohtohme eremiatoh poko Ritonõpo eahmary poko: Jesua te, Pinui te, Katamieu te, Serepia te, Juta te, Matania, enara.

Neemia 3:17

Moro mykapo Rewita tõ roropa toerohse: Reũ, Pani mũkuru toerohse pata apuru riry poko; Mokyro mykapo toerohse Hasapia, kowenatume, Keira nonory zokonaka tuisaryme.

Neemia 8:4

Xikihme Extara nexiase zara pitiko po, wewe risẽ po. Moro zara pitiko tyrise eya xine moro poko ehtohme. Extara apotunuru wino xikihme nexiase Matitia te, Sema te, Anaia te, Uria te, Hiukia te, Maaseia, enara. Xikihme roropa opozery wino nexiase: Petaia te, Misaeu te, Maukia te, Hasũ te, Hasapatana te, Zakaria te, Mesurã, enara.

Neemia 8:7

Imeĩpo towõse ropa toto xikihme tosao xine. Tamorepase toto rewita tomo a Ritonõpo Nyripohpyry poko, Aomihpyry poko: Jesua a, Pani a, Serepia a, Jamĩ a, Akupe a, Sapetai a, Hotia a, Maaseia a, Kerita a, Azaria a, Jozapate a, Hanã a, Peraia a, enara.

Neemia 9:5

Mame ahno tykohmase rewita tomo a Ritonõpo eahmatohme. Ynara toh nexiase rewita tomo: Jesua te, Katamieu te, Pani te, Hasapaneia te, Serepia te, Hotia te, Sepania te, Petaia, enara. Ynara tykase toto: “Owõtoko! Ritonõpo Oesẽkõ eahmatoko! ‘Kure mase, Ritonõpo,’ kakehpyra ehtoko jũme. Ah emero sero nono põkõ, ‘Kure mase,’ nykã toto eya, Imehxo aexiryke, eahmary kyya xine ipune pyra ahtao ro.”

Saumu 130:1

Ritonõpo yna Esemy, kykohmase zue ae typynanohneke pyra jahtao.

Saumu 3:4

Ritonõpo kohmãko ase jakorehmaneme, tosary ypy kurã poe jezuhnõko mana.

Saumu 77:1

Opore Ritonõpo kohmãko ase; opore ikohmãko ase, mame jomiry etãko mana.

Ramẽtasão 3:8

Kohtãko ase jakorehmatohme repe, yrome jotururu etary se pyra mã ynororo.

João 11:43

Morara kaxĩpo opore kynomitane Jezu: — Razaru, osehko moro tae xiaro, tykase Jezu aorikyhpyry a.

Atos 7:60

Morarame tosekumuru po toepukase tahtao opore tõmitase rahkene: — Jezu kapuaono moxiã onyhxiropyra exiko jetapary poko, tykase ynororo toorihtohto. Morara kaxĩpo sã rokẽ toorihse ynororo rahkene.