Neemia 9:34 - Ritonõpo Omiry: A Bíblia Sagrada na língua Aparai do Brasil

³⁴ Onyripohpyry omipona pyra yna tamuru tõ kynexine, yna tuisary tomo te, tamuximãkomo, oturuketõ roropa. Õmiry onetara toh kynexine, turuse toto ahtao oya.

Neemia 9:34 ပူးပေါင်းရင်းမြစ်များ

2 Tuisa 17:13

Morarame typoetory tõ, urutõ kõ, tonehpose Ritonõpo a Izyraeu tõ zurutohme Juta tõ roropa: “Oorypyrykõ irumekatoko jomihpyry omipona oehtohkõme. Jomihpyry ekaroase atamurukomo a, oya xine roropa, ypoetory tõ, urutõ kõ ae.”

2 Tuisa 17:15

Morararo mokaro, Ritonõpo omiry omipona se pyra toh kynexine. Aomihpyry tytamurukomo a turumekase eya xine. Otato pyra toehse toto. Imehnõ neponãmary tõ toahmase eya xine, Ritonõpo kara. Mame tyneponãmarykõ poetoryme toehse toto, imehnõ Ritonõpo waro pyra exiketõ samo. Ritonõpo omipona pyra toehse toto: “Mokaro onypoenohpyra ehtoko,” katopõpyry omipona pyra.

2 Koronika 29:6

Kytamurukõ Ritonõpo Kuesẽkõ omihpyry omipona pyra toh kynexine. Tyyrypyrykõ poko toehse toh kynexine. Tosẽkõ turumekase eya xine, Imaro Oturutoh wino toeramase roropa toh kynexine.

Extara 9:10

— Yrome seromaroro, Ritonõpo, morara emero toehse ahtao, otara ãko yna nae? Õmihpyry yna a, omipona pyra toehse ynanase,

Neemia 9:30

Tuhke jeimamyry ae turuse toto oya, penekehpyra mexiase. Urutõ kõ ae tõturuse Ouzenu toto netaryme repe, yrome onetara toh kynexine. Naeroro toto mekarone imehnõ nono põkomo a toto poremãkatohme eya xine.

Neemia 9:33

Zae mase ipunaka yna wãnopyry poko; zae ro mexiase, iirypyryme toehse yna ahtao ro.

Neemia 9:35

Kure oexiryke opoetory tomo a, tuisa tõ tyrise oya toto esẽme. Moroto toh kynexine nono konõto po, nono kurã po, onekarohpyry; yrome oeahmara toh kynexine, tyyrypyrykõ onurumekara, popyra toto ehtopõpyry poko.

Jeremia 29:19

Moro exĩko mana jomiry omipona pyra toto exiryke tonyohse ahtao ya ypoetory tõ urutõ komo a ekarotohme eya xine. Otato toexirykõ se pyra toh nexiase.

Jeremia 44:17

Mãpyra emero tyrĩko ynanase yna omihpyry ae ro. Yna nekarory tõ zahkãko ynanase yna neponãmary eahmatohme: Nohpo Imehxo Kapu Esemy. Eukuru ekarõko ynanase eya ynanekaroryme, yna tamuru tõ nyrihpyry samo, yna maro yna tuisary tõ tamuximãkõ nyrihpyry sã roropa Juta patary tõ po, Jerusarẽ esemary po roropa. Moro sã yna ahtao yna napyry enahpỹme nexiase, kure rokẽ yna erohtoh nexiase, popyra ehtoh exipyra nexiase.

Jeremia 44:4

Ypoetory tõ, urutõ kõ onenyohkehpyra exiase oya xine ourutohkõme moro oorypyrykõ xihpyry poko pyra oehtohkõme, moro se pyra jexiryke ipunaka.

Ezekieu 5:6

Yrome ynyripohpyry turumekase Jerusarẽ põkomo a; jomipona pyra toehse toto exiryke. Imehnõ nonory põkõ popyra ehtoh motye popyra toehse toh nexiase; jomipona pyra mokaro ehtoh motye jomipona pyra Jerusarẽ põkõ toehse, ynyripohpyry turumekase eya xine, jomihpyry omipona pyra toehse toto.

Tanieu 9:6

Opoetory tõ urutõ kõ omiry onetara ynanexiase, opoe tõturuse toto ahtao, yna tuisary tomo a te, tamuximãkomo a te, yna tamuru tomo a te, Izyraeu tomo a porehme, enara.

Teuteronomiu 31:21

Morara exiryke tuãnohsẽme exĩko mã toto ya, popyra ehtoh toehse ahtao toto pona, mame sero eremiatoh ke eremiãko ro mã toto, enetupuhpotohme, zae pyra toto ehtopõpyry poko. Seromaroro toto anaropyra ro jahtao moro nono ynekarory pona ynetapohpyry ae ro, toto osenetupuhtoh ritohme moro nono po zuaro ase.