Neemia 9:28 - Ritonõpo Omiry: A Bíblia Sagrada na língua Aparai do Brasil

²⁸ Mame osepeme toehse ropa toto ahtao tykatonomorykõ maro, tyyrypyrykõ poko toehse ropa toto, õmiry omipona pyra. Morarame toto typoremãkapose ropa oya, topetõkara a. Mame toeramase ropa toto ahtao, tyyrypyrykõ rumekatohme ropa, toto pynanohtohme ropa oya, Aomirykõ totase oya, kapu ao, toto typynanohzomose ropa oya, toto pyno exikehpyra oexiryke.

Neemia 9:28 ပူးပေါင်းရင်းမြစ်များ

1 Tuisa 8:39

toto otururu etako. Kapu ao opoetory tõ omiry etako, iirypyrykõ ikorokako, toto akorehmako. Omoro rokẽ ahno kurohtao aosenetupuhtoh waro mase. Zae epehmako toto, inyrihpyry epehpyryme,

Saumu 106:42

Izyraeu tõ tyyryhmase epetõkara a, tyrohmanohpose toto eya xine.

Saumu 136:24

Kymarokõ tymyhpokase eya kyzehnotokõ wino; kypyno xine exikehpyra mana.

Izaja 63:15

Ritonõpo, yna eneko kapu poe, oesary kurã poe. Otoko hnae ajamitunuru, yna pyno oehtoh roropa? Yna pyno exikehpyra exiko, yna onurumekara exiko,

Juize 2:19

Yrome mokyro tuisa toorihse ahtao, toeramase ropa toto tyyrypyrykõ poko toehtohkõme ropa. Tytamurukõ popyra ehtopõpyry motye toehse toto. Imehnõ neponãmary poko toehse toto, eahmatohme Ritonõpo myakãme. Tuaro pyra exiketõ sã toehse toto. Popyra toehtopõpyrykõ onurumekara toehse toto.

Juize 3:30

Moro sã Moape tõ typoremãkase Izyraeu tomo a moro ẽmepyry ae. Moromeĩpo etonara Izyraeu tõ toehse 80me jeimamyry.

Juize 4:1

Imeĩpo toorihse Eute ahtao tyyrypyrykõ poko Izyraeu tõ toehse ropa, Ritonõpo Tosẽkõ omipona pyra toehse toto.

Juize 5:31

Ritonõpo yna Esemy, morararo oepetõkara norihno toto, emero porehme, yrome ah oepe tõ saereme exikety sã orẽpyra sã nexĩ toto, xixi tũtary samo! Mame etonara toehse toh kynexine 40me jeimamyry pune.