Neemia 9:12 - Ritonõpo Omiry: A Bíblia Sagrada na língua Aparai do Brasil

¹² Akurũ ke toto tarose oya saereme ahtao, koko apoto xikihmã ke, tykohmãse ahtao. Osema saerehkatohme, zae osema ae toto ytotohme.

Neemia 9:12 ပူးပေါင်းရင်းမြစ်များ

Neemia 9:19

Yrome toto onurumekara mexiase ona tonorẽ po, ahno pyno itamurume oexiryke. Akuru onupuxihkara mexiase apoto roropa osema enepotohme eya xine saereme ahtao, koko, enara.

Saumu 105:39

Akurũ tyrise Ritonõpo a typoetory tõ epozakoxi, apoto panõ tyrise eya koko, toto ezurume.

Saumu 107:7

Tarose toto eya osema zae exikety ae pata pona, moroto toto ehtohme.

Saumu 143:8

Ẽmepyry ae rokẽ kuruko ropa ypyno oehtoh poko, oenetuputyryke ya ypynanohneme. Oturũko ase oya; zae ehtoh riry poko tuaroh kamexipoko.

Saumu 78:14

Saereme ahtao, tarose toto eya akurũ ke, tykohmãse ahtao tarose toto apoto ezuru ke eya.

Exutu 15:13

Yna pyno oexiryke, opoetory tõ arõko mase typynanohse toto oya, ajamitunuru ke tarose toto oya ononory kurã pona, Ritonõpo.

Ezekieu 20:6

Morarame ynara ase eya xine: Aarotorỹko ase taroino Ejitu poe imepỹ nono pona, ynymenekahpyry pona oesarykõme ehtohme, nono kurano, otyro zamaro exikety, emero motye nono kurãme exiketyme.

Numeru 9:16

Morarame kokoro rokẽ moro sã nexiase tõmehse ahtao akurume nexiase Tapyi epoe, koko apoto sã nexiase.

Numeru 9:21

Toitoine moro akurũ okynã pyra nexiase Tapyi epoe, kokonie pukuro poe ẽmepyry pona yrokokoro. Tõnuhse ahtao ẽmepyryme ahtao toytopitose toto. Tahxime tõnuhse akurũ ahtao, saereme ahtao te, tykohmãse ahtao roropa toytopitose toto.

Teuteronomiu 1:33

Kokoro rokẽ toytose ynororo osemazuhme, apoto xikihme exiketyme koko ahtao, akurũ xikihme exiketyme saereme ahtao. Moro tyrise eya oesarykõ enepotohme oya xine osesaritohme ropa totypohse awahtao xine te, oesemarykõ enepotohme roropa oya xine oytotoh toehse ahtao.