Neemia 8:6 - Ritonõpo Omiry: A Bíblia Sagrada na língua Aparai do Brasil

⁶ Ynara tykase Extara: — Kure mase Ritonõpo, sykatone. Imehxo mase, yna Esemy! Tomarykõ tanỹse imoihmãkomo a. Ynara tykase toto: — Ije! Aõ! (Amem! Amem!) Tosekumurukõ po typorohse toh nexiase, tõmytykõ po nono pokoxi Ritonõpo eahmaryke Tosẽkõme.

Neemia 8:6 ပူးပေါင်းရင်းမြစ်များ

Jenexi 14:22

Yrome Aparã a tozuhse ynororo: — Omõkomory se pyra ase. Amaro xine omõkomorykõ arotoko ropa porehme. Morara ãko ase Ritonõpo Imehxo Exikety netaryme, kapu Rihpõme nono roropa Rihpõme mã ynororo. Jemary anỹnõko ase zae jomiry enetupuhtohme oya.

Jenexi 24:26

Mame tosekumuru po typorohse ynororo Ritonõpo ẽpataka, Tosẽ toahmase eya.

1 Koronika 16:36

Ritonõpo, kurã mase, Izyraeu tõ Esemy. Eahmatoko seromaroro, jũme kakehpyra roropa. Imoihmãkõ “Yje,” tykase; Ritonõpo toahmase eya xine.

1 Koronika 29:10

Naeroro imoihmãkõ ẽpataka Ritonõpo toahmase tuisa Tawi a. Ynara tykase ynororo: — Ritonõpo, yna tamuru Jako Esemy, “Kure mase,” kakehpyra ynanase.

1 Koronika 29:20

Mame ynara tykase Tawi imoihmãkomo a: — “Kure mase, Ritonõpo,” kahtoko; eahmatoko, Kuesẽkomo! Mame tõseahmase imoihmãkomo Ritonõpo poko, tytamuru tõ Esẽ poko. Tupue toehse toto, tosekumuru po typorohse toto Ritonõpo eahmaryme, tuisa Tawi eahmaryme roropa.

2 Koronika 20:18

Mame tosekumuru po typorohse tuisa Josapa ẽmyty nono pokoxi; imaro Juta tõ emero Jerusarẽ põkõ maro tosekumuru po typorohse toto Ritonõpo Tosẽkõ ẽpataka, Ritonõpo eahmatohme.

2 Koronika 29:10

Seromaroro osenetupuhxĩpo tuaro toehse ywy; jomiry etapõko ase Ritonõpo, Izyraeu tõ Esemy a, kyzehno xine exikehtohme.

2 Koronika 29:30

Mame rewita tõ turuse tuisa a tamuximãkõ maro: — Oeremiatoko Ritonõpo eahmaryme, Tawi nymerohpyry ae ro, urutõ Asape nymerohpyry ae ro roropa. Toremiase toto tãkye rokẽ rahkene. Moromeĩpo tosekumurukõ po typorohse toto Ritonõpo eahmatohme.

2 Koronika 6:4

Ynara tykase ynororo: — Kure mase Ritonõpo, Izyraeu tõ Esemy! Ajamitunuru ke tyrise emero õturutopõpyry ae ro papa Tawi a, ynara tykase awahtao:

Neemia 5:13

Mame jupõ zamareary touse ya, moro tytohtohmase ya. Ynara tykase ywy: — Ynara amarokõ tytohtohmasẽme exĩko Ritonõpo a õmihpyrykõ omipona pyra exiketyme awahtao xine zae ehtoh ritohme. Mokyro tapyĩ puxihkãko Ritonõpo mana. Tymõkomoke pyra inomõko mana. Mame morotõkomo a tozuhse: — Kure. Morara zae mã yna a! Mame Ritonõpo toahmase eya xine. Tõmihpyrykõ omipona toehse roropa toh nexiase.

Neemia 8:7

Imeĩpo towõse ropa toto xikihme tosao xine. Tamorepase toto rewita tomo a Ritonõpo Nyripohpyry poko, Aomihpyry poko: Jesua a, Pani a, Serepia a, Jamĩ a, Akupe a, Sapetai a, Hotia a, Maaseia a, Kerita a, Azaria a, Jozapate a, Hanã a, Peraia a, enara.

Saumu 134:2

Kakoxi oemarykõ anỹtoko itapyĩ tao Kuesẽkõ eahmaryme!

Saumu 141:2

Joturutoh apoiko ixtaratu samo ynekaroryme oya, jemary anymyry roropa ynekaroryme kokonie pukuro.

Saumu 28:2

Jomiry etako okohmaryhtao ya jakorehmatohme oya, jemary tõ anymyryhtao ya Atapyĩ kurã ẽpataka.

Saumu 41:13

Ritonõpo eahmatoko, Izyraeu tõ Esemy! Eahmatoko seromaroro, jũme roropa! Enara rokene!

Saumu 63:4

Isene ro jahtao kure oehtoh ekarõko ase; jemary anỹnõko ase oeahmaryme.

Saumu 95:3

Kuesẽkõ Ritonõpo Jamihmehxo Exiketyme exiryke, tuisa imehxo imehnõ ritõ kõ motye emero porehme.

Exutu 12:27

Ynara ãko matose: “Kuekykõ etapãko sytatose Epozakuroko aytotopõpyry poko Ritonõpo eahmatohme, Ejitu po kytapyĩkõ epozakuroko toytose Ritonõpo exiryke. Etypohpyra kynexine Izyraeu tapyĩkõ tao. Ejitu tõ totapase eya, yrome Izyraeu tõ typynanohse eya.” Morarame tosekumuru po typorohse Izyraeu tomo, Ritonõpo eahmaryme Tosẽkõme.

Exutu 4:31

Tonetupuhse eya xine. Mame tuaro toehse toto ahtao Ritonõpo oepyry poko tyya xine toetuarimarykõ eneryke eya, toepuise toto Ritonõpo eahmaryme eya xine.

Jeremia 28:6

— Kure kuhse exiry moro toehse ahtao! Morohne se ase Ritonõpo a. Õmihpyry ae ro, Ritonõpo nyriry enery se ase, Itapyĩ mõkomory emero enehpory ropa eya Papironia poe ahno maro emero, toto narotyã tynamotokõme.

Ramẽtasão 3:41

Soturutone Ritonõpo a Kapuaono a, ynara sykatone:

Rewitiku 9:24

Mõtoino rokẽ apoto tõtumakase Ritonõpo ẽpataka, mokaro nekarohpyry tonahkase emero, ikasery tõkehko apoto apõ po. Moro eneryke tyya xine kui tykase Izyraeu tomo tãkye toehtohkõke, tosekumuru po typorohse toto tõmytykõ po nono pokoxi Ritonõpo eahmatohme.

Mateu 26:39

Mame mya pitiko toytose Jezu. Nono pona typorohse ynororo tõpotapoe. Mame ynara tykase ynororo Tumy a: — Papa, emero ritõme mase. Emero zuaro roropa mase. Jorikyry se pyra ase repe. Yrome jorikyry se awahtao õmipona se rokẽ ase, tykase.

Mateu 6:13

Yna ewomako, iirypyryme yna onyripyra joroko tamuru ehtohme,” kahtoko Ritonõpo a.

1 Korĩtiu 14:16

Oximõme awahtao xine ouzenukõ omiry ae rokẽ: “Kure mase, Ritonõpo,” karyhtao oya xine amaro xine exiketõ: “Ỹ, kure Ritonõpo mã rahkene,” kasaromepyra mã toto, õmirykõ onetara toexirykõke. “Otara ãko mose nae?” ãko rokẽ toto, õmirykõ waro pyra toto exiryke.

Epezu 1:3

“Kure mase Papa Kapuaono,” sykatone Ritonõpo a, Jezu Kyrixtu Kuesẽkõ zumy a, kure rokẽ tyrise kuexirykõke, Tumũkuru Kyrixtu maro. Mame Tuzenu emero ekarõko kyya xine mana. Kure kapuaõkõ ritopõpyry sã kure kyritorỹko Ritonõpo mana.

1 Timoteu 2:8

Ahno otururu se ase Ritonõpo maro, emero pata põkomo, tyyrypyhpyrykõ poko pyra exiketomo, zehno pyra exiketomo, oseosezuhpyra exiketomo, enara.

1 Peturu 1:3

“Emero motye kure mase,” sykatone Ritonõpo a, Kuesẽkõ Jezu Kyrixtu zumy a. Tumũkuru Jezu Kyrixtu tõsemãkapose ropa aorihxĩpo, kypyno xine toexiryke. Tyjamitunuru tokarose kyya xine tyrisenã sã kuosenetupuhtohkõ ehtohme. Naeroro isene kuexirykõ eraximãko sytatose jũme imaro kuehtohkõme.

Apokaripxi 7:11

Ritonõpo apõ zomye inenyohtyã nexiase, tamuxime exiketõ maro, isene exiketõ asakoropane exiketõ maro. Mame tosekumurukõ po typorohse toto Ritonõpo apõ ẽpataka ẽmytykõ nono pokoxi. “Kure mase,” katohme Ritonõpo a.