Neemia 7:63 - Ritonõpo Omiry: A Bíblia Sagrada na língua Aparai do Brasil

⁶³ Oturuketõ ekyry tõ Hopaia tomo, Hakoze tõ maro, Paazirai tõ roropa pape tõ onenepyra toh nexiase tytamurukõ ehtoh waro toto ehtohme. (Mokaro Paazirai tõ tamuru typytase kynexine Paazirai pata Kireate põ ẽxiry maro. Tymeretamuru esety tapoise eya tosetyme.)

Neemia 7:63 ပူးပေါင်းရင်းမြစ်များ

2 Samueu 17:27

Mame Maanaĩ pona toeporehkase Tawi ahtao, tõseporyse Sopi maro Naasa mũkuru, pata Rapa põ Amõ nonory po, Makia maro Amieu mũkuru, Ro-Tepaa pono, Paazirai Rojerĩ põ maro, Kireate pono.

1 Tuisa 2:7

— Yrome kure rokẽ Paazirai, Kireate põ mũkuru tõ tyriko. Toto pyno exiko. Ypyno toh nexiase toepase jahtao orui Apisarão winoino.

1 Koronika 4:8

Koze toemũkuase asakoro: Anupe te, Zopepa, enara. Imehnõ tamurume kynexine Akareu, Harũ mũkuru, pakomotyã tamurume.

Neemia 3:4

Moromeĩpo pata apuru zokonaka oseruao tyrise orutua komo a: Apitorymã tyrise Meremote a, Uria mũkuru, Hakoze pary. Mokyro mykapo Mesurã toerohse, Perekia mũkuru, Mesezapeu pary. Mokyro mykapo Zatoke toerohse, Paana mũkuru.

Neemia 7:64

Oturuketõme erohsaromepyra toh nexiase tytamurukõ waro nymyry pyra toexirykõke.