Neemia 6:4 - Ritonõpo Omiry: A Bíblia Sagrada na língua Aparai do Brasil

⁴ 4me aehtoh pona morara tõmirykõ tonehpose ropa ya, eya xine. Moro saaro tozuhse ropa ya oxisamo.

Neemia 6:4 ပူးပေါင်းရင်းမြစ်များ

Neemia 6:3

Jomiry aronanõ aropoase eya xine ynara katohme: — Ritonõpo nyripohpyry poko erohnõko ase. Onurumekasaromepyra ase jytotohme myaro. Jerohtoh onurumekara ase oturutohme rokẽ amaro xine.

Neemia 6:5

Mame tõmiry tonehpose ropa Sãparate a ya 5 pona ropa. Sero tymerose pape pokona, tonehse ya Sãparate poetory a, toiro.

Porowepio 14:15

Emero rokẽ zae ekarõko tuaro pyra exikety mana, yrome tuaro exikety osenetupuhnõko mana tomeseke sã toytotohme.

Porowepio 7:21

Tõmiry anusasamã ke mokyro tõmipona tyripose eya. Tonekunohse ynororo eya.

Ruka 18:5

Yrome jerekohmaryke pytỹpo a, akorehmãko ase. Imỹpõko ase tahxime jerekohmaryino, yporemãkaporyino roropa eya,” tykase ynororo tukurohtao, tykase Jezu eya xine.

1 Korĩtiu 15:58

Naeroro wekyry tomo, opyno xine ase. Orẽpyra ehtoko Kyrixtu enetuputyry poko. Poremãpyra ehtoko roropa. Kuesẽkõ nyrohmanohpotopõpyry poko erohtoko kokoro rokene. Ritonõpo jamitunuru ke oerokurukohtao toiparo rokẽ pyra matose erohnõko. Moro waro matose.

Karaxia 2:5

Yrome mokaro omipona pyra ynanexiase ipunaka. Kyrixtu omiry azahkuru ekarory se pyra yna exiryke, zae rokẽ ekarory se oya xine yna exiryke. Naeroro mokaro omipona pyra ynanexiase.

Juize 16:10

Mame ynara tykase Tarira eya: — Etako ke, tuarõ karame jekarõko mase, ajohpe mase. Ajohpãme sã zae osekaroko ya, otãto omyhnõko ha?

Juize 16:6

Naeroro Sãsão a tõturupose Tarira, ynara tykase ynororo eya: — Ajohpãme sã, kuruko, oty pokoino imehnõ motye jamihme mah? Omykyry se imehnõ ahtao oporemãkatohme, osewomara oehtohme, oty riry kure jamihme pyra oehtohme? tykase Tarira Sãsão a.