Neemia 5:5 - Ritonõpo Omiry: A Bíblia Sagrada na língua Aparai do Brasil

⁵ Oxisã ynanase imehnõ juteu tõ maro repe. Yna poenõ kure roropa mã toto, mokaro poenõ sã repe. Yrome yna poenõ irohmanohpõko ynanase topehke pyra. Toitoine yna ẽxiry tõ tokamose yna a tineru poko, imehnõ namotome. Otupĩko ynanase yna tupi tõ tupuxihkase exiryke yna wino yna narykahpyry uwa tõ roropa.

Neemia 5:5 ပူးပေါင်းရင်းမြစ်များ

Jenexi 29:14

Mame ynara tykase Rapão: — Aõ! Ajohpe pyra. Wekyry nymyry mase, tykase Rapão eya. Toiro nuno taropose ahtao Jako a tory tapyĩ tao,

Jenexi 37:27

Sekarotone mose mokaro Iximaeu tomo a parata apoitohme kyya xine. Morarame kuakorõkõ onetapara sehtone kuakorõkõme ro exiryke. Atae toehse toto Juta maro.

2 Tuisa 4:1

Mame nohpo kynexine urutõ ekepyry pytỹpyry. Etuarimãko ynororo, inio ekepyry atamorepaketyme kynexine atamorepaketõ maro. Eriseu a toytose ynororo toetuarimary ekarose: — Amorepatono, ynio toorihse, Ritonõpo omipona exiketyme nexiase, zuaro mase. Tõsepekahse ynororo, mame onepehmara ro tahtao norikyase. Seromaroro mokyro noehno inepekatyhpyry esemỹpyry umũkuru tõ asakoro apoise myhene tynamotome toto ritohme moro epehmatohme. Kuakorehmako, nupunato kueneko ajohpãme samo, tykase.

Porowepio 22:7

Tymõkomokã namotome tymõkomokãkara exĩko mana. Tineru apoiryhtao oya axĩtao rokẽ repe, mokyro tineru esẽ namotome sã exĩko mase.

Izaja 50:1

Ynara ãko Ritonõpo mana: “Taropose ropa ya ekarõko matou, typyty aropory sã inio a? Morara ahtao otoko na apapeny, ypyty aropotoh papeny? Otarame ynara ekarõko matose: Imehnõ namotome kuekaroatose tineru apoitohme ya, ynepehmary epehmatohme. Arypyra! Tarose mexiatose imehnõ namotome oorypyrykõ pokoino; kuaropoatose popyra ehtoh poko oexirykõke.

Izaja 58:7

Anapyrykõ apiakatoko ekarotohme omise exiketomo a, osa ekarotoko atapyĩkõ tao tytapyĩke pyra exiketomo a, upo ekarotoko tupoke pyra exiketomo a, oekyry tõ roropa akorehmatoko.

Mateu 18:25

Yrome tytineruke pyra kynexine ynororo. Morara exiryke onepehmara kynexine. Naeroro ynara tykase esemy: “Mose ekarotoko imehnõ namotome aehtohme tineru apoitohme epehpyryme, ynororo, ipyty, ipoenomo, imõkomory. Emero porehme ekarotoko tineru apoitohme jepehmatohme ropa,” tykase ynororo pata esemy.