Neemia 5:13 - Ritonõpo Omiry: A Bíblia Sagrada na língua Aparai do Brasil

¹³ Mame jupõ zamareary touse ya, moro tytohtohmase ya. Ynara tykase ywy: — Ynara amarokõ tytohtohmasẽme exĩko Ritonõpo a õmihpyrykõ omipona pyra exiketyme awahtao xine zae ehtoh ritohme. Mokyro tapyĩ puxihkãko Ritonõpo mana. Tymõkomoke pyra inomõko mana. Mame morotõkomo a tozuhse: — Kure. Morara zae mã yna a! Mame Ritonõpo toahmase eya xine. Tõmihpyrykõ omipona toehse roropa toh nexiase.

Neemia 5:13 ပူးပေါင်းရင်းမြစ်များ

2 Tuisa 23:3

Xikihme toehse ynororo Saromão nyrihpyry xikihme exikety myhtokoxi. Mame Ritonõpo netaryme tõmiry totapose eya. Aomihpyry omipona toehtohkõme te, inyripohpyry ritohme tyya xine te, aomipona yronymyryme toehtohkõme, zae rokẽ toehtohkõme, Ritonõpo nymeropohpyry omipona ipunaka. Mame imoihmãkomo a tõmirykõ totapose Ritonõpo netaryme, aomipona toehtohkõme.

1 Koronika 16:36

Ritonõpo, kurã mase, Izyraeu tõ Esemy. Eahmatoko seromaroro, jũme kakehpyra roropa. Imoihmãkõ “Yje,” tykase; Ritonõpo toahmase eya xine.

Neemia 8:6

Ynara tykase Extara: — Kure mase Ritonõpo, sykatone. Imehxo mase, yna Esemy! Tomarykõ tanỹse imoihmãkomo a. Ynara tykase toto: — Ije! Aõ! (Amem! Amem!) Tosekumurukõ po typorohse toh nexiase, tõmytykõ po nono pokoxi Ritonõpo eahmaryke Tosẽkõme.

Saumu 119:106

Jomihpyry etapoase, moro rĩko ase, zae oya jamorepatopõpyry omipona exĩko ase rahkene.

Saumu 50:14

Ah, ‘Kure mase,’ katoh, onekarorykõme nexĩ ya. Õmihpyrykõ omipona oehtohkõ roropa: ‘Ynara ekarõko ase oya,’ karyhtao ya, moro ekaroko onekarorykõ kurãme Ritonõpo Imehxo Exikety a.

Saumu 76:11

Onekarorykõ enehtoko Ritonõpo Kuesẽkomo a õmihpyry ae ro; osehtoko imehnõ nonory põkomo, moe pyra exiketomo, onekarorykõ enehtohme Ritonõpo a. Tõmiry omipona imehnõ ripõko mana emero porehme;

Porowepio 28:4

Ritonõpo omihpyry omipona pyra exikety osepeme mana popyra exiketõ maro, yrome Ritonõpo omiry omipona exikety popyra exiketõ akorekehkaneme mana.

Ekereziaxti 5:5

Kurehxo oya exiry õmiry onetapopyra awahtao, popyrahxo õmiry etaporyhtao oya: “Ynara tyrĩko ase,” karyke, mame onyripyra ekurehnõko mase.

Numeru 5:22

Sero tuna tõse ahtao oya awakuru tyaosẽme exĩko, omone akyhnõko mana.” Mame nohpo ynara ãko: “Aõ, ah Ritonõpo morohne sã nyripono!”

Mateu 10:14

Mame otarame imepỹ tapyi taõkõ toitoine ose xine pyra exĩko mana. Otarãme pata põkõ toitoine roropa tymarõme ose xine pyra toh mana õmirykõ etary se pyra toexirykõke. Morara ahtao mytotatose ropa moro tae. Mame asãtajãkõ mysasakatatose mokaro neneryme, tyyrypyrykõ poko enetupuhtohme eya xine.

Atos 13:51

Mame tupupurukõ tysasakase eya xine toytotohkõme ropa, Ritonõpo omiry se pyra morotõkõ exiryke. Mame toytose ropa toto Ikoniu pona.

Atos 18:6

Mame Pauru zehno toehse juteu tomo. Azahkuru tozuhse ynororo eya xine. Naeroro tupõ tytohtohmase Pauru a turumekary waro toto ehtohme. — Awãnopyrykohtao Ritonõpo a: “Oya roro xine,” ãko ase, Jezu poko ãmoreparykõ se jexihpyryme. Taroino juteutõkara a ytõko ase, tykase Pauru eya xine.

1 Korĩtiu 14:16

Oximõme awahtao xine ouzenukõ omiry ae rokẽ: “Kure mase, Ritonõpo,” karyhtao oya xine amaro xine exiketõ: “Ỹ, kure Ritonõpo mã rahkene,” kasaromepyra mã toto, õmirykõ onetara toexirykõke. “Otara ãko mose nae?” ãko rokẽ toto, õmirykõ waro pyra toto exiryke.

1 Samueu 15:28

Naeroro ynara tykase Samueu eya: — Seroae Izyraeu tõ esẽme oehtoh tyxihkase Ritonõpo a owinoino imepyny a ekarotohme, omotye kurehxo exikety a, tykase.