Neemia 4:23 - Ritonõpo Omiry: A Bíblia Sagrada na língua Aparai do Brasil

²³ Yna zupõ onoupyra ynanexiase, ywy te, ymaro exiketomo te, ypoetory tomo te, soutatu tomo jewomananomo, emero tupoke rokẽ tynyhse yna. Typyreke exikehpyra ynanexiase yna emahpo.

Neemia 4:23 ပူးပေါင်းရင်းမြစ်များ

Neemia 4:22

Morara ahtao ynara tykase ywy erohtoh erasamo a: amarokõ emero ãkorehmananõ maro oẽmehtoko Jerusarẽ po. Morarame erohnõko sytatose saereme ahtao. Koko eneneme exĩko sytatose.

Neemia 5:1

Moromeĩpo juteu tõ tykerekeremapitose tuhkãkomo a, orutua komo a, nohpo tomo a, enara.

Neemia 5:16

Erokuase yronymyryme pata apuru riry ropa poko. Jesaryme imehnõ esary anapoipyra exiase. Ypoetory tõ emero toerohse toto akorehmatohme pata apuru riry poko.

Neemia 7:2

orutua kõ asakoro tymenekase ya pata Jerusarẽ tuisaryme toto ehtohme: jakorõ Hanani te, Hanania, soutatu tõ tuisary, tapyi jamihmã tao. Ritonõpo omipona exiketyme kynexine, zae exiketyme roropa, imehnõ motye.

Joeu 2:8

imehnõ onypurohmara mã toto, tosemarykõ ae ytõko mã toto. Ytoytokehpyra mã toto, typyre ke onetypohkaposaromepyra imehnõ mana.

1 Korĩtiu 15:10

Itamurume ypyno Ritonõpo kynexine iirypyryme jahtao ro. Mame ypyno toexiryke typoetoryme jyriase. Ymenekase roropa, typoko imehnõ amorepatohme. Toiparo rokẽ pyra typynanohse ywy. Orẽpyrahxo toerohse ywy aomipona, imehnõ Jezu nymenekatyã motye, emero porehme. Yrome jamoreme pyra ase erohnõko, Ritonõpo yjamihtanohnõko mana kokoro rokene.

Juize 5:11

Etatoko ke! Imoihmãkõ, panaikato exiketõ, tuna pẽkamã tõ zomye exiketõ, oturũko mã toto orẽpyra Ritonõpo nyrityã poko, topetõkara poremãkatopõpyry poko Izyraeu tomo a! Mame Ritonõpo poetory tõ tyhtose typatarykõ pona.

Juize 9:48

Naeroro ypy Saumõ pona tõnuhse ynororo typoetory tõ maro. Wywy ke wewe amoriry takohse eya, tymotary pona moro tyrise eya. Moro saaro typoetory tõ tyripose roropa eya axiny.