Neemia 4:14 - Ritonõpo Omiry: A Bíblia Sagrada na língua Aparai do Brasil

¹⁴ Torẽtyke toto ehtoh eneryke ya ynara tykase ywy eya xine, tamuximãkomo a te, toto tuisary tomo a roropa: — Enaromyra ehtoko. Toto zuno pyra ehtoko. Ritonõpo Kuesẽkõ Imehxo nase, orẽpyra mana. Osetapatoko oekyry tõ pynanohtohme: opoenomo te, opyxiã tomo te, oesarykomo, enara.

Neemia 4:14 ပူးပေါင်းရင်းမြစ်များ

2 Samueu 10:12

— Oserehpyra exiko! Orẽpyra sehtone kuekyry tõ ewomatohme, Ritonõpo patary tõ ewomatohme roropa. Tyriry se toehtoh rĩko Ritonõpo mana, tykase.

2 Koronika 32:7

— Orẽpyra ehtoko, jamihme roropa. Enaromyra ehtoko, Axiria tuisary zuno pyra ehtoko, isoutatu tõ maro. Kymaro xine exikety mokaro motye kuhse jamihme mana.

Neemia 1:5

— Ritonõpo, Kapu Esemy! Tuisa Imehxo mase. Osenuruhkãko ynanase onyrityã eneryke yna a. Õmihpyry omipona exikehpyra mase. Opoetory tõ pynanohnõko mase, opyno exiketomo, Õmihpyry omipona exiketõ roropa.

Jo 37:22

Inikahpozakoxi saereh ãko mana uuru zemime exikety samo. Ritonõpo saerehkatoh imehxo ehtoh eneryke eahmary se sytatose.

Saumu 143:5

Pake ehtopõpyry poko wenikehpyra ase, onyrityã poko osenetupuhnõko ase; wenikehpyra ase onyrityã poko emero.

Saumu 20:7

Toitoine ahno ynara ãko: “Orẽpyra ase tykahuke jexiryke etonatohme,” ãko. Imehnõ ynara ãko: “Tykawaruke jexiryke orẽpyra ase,” ãko roropa. Yrome kymarokõ Ritonõpo Kuesẽkõ jamitunuru enetupuhnõko sytatose.

Saumu 27:1

Ritonõpo Jesemy jezurume mana, ypynanohneme roropa; enaromyra exĩko ase. Jewomãko Ritonõpo mana popyra ehtoh ypoko pyra ehtohme; imehnõ zuno pyra jyrĩko mana ipunaka.

Saumu 46:11

Kuesẽkõ Jamihmehxo Exikety kymaro xine mana; Ritonõpo Jako Esemy kuewomanekõme mana.

Saumu 65:5

Ritonõpo, yna ezuhnõko mase orẽpyra yna riryke oya, ajamitunuru enepõko mase yna a yna pynanohtohme oya. Sero nono etyhpyry põkomo te, tuna konõto moino exiketõ roropa tosẽkõme oenetupuhnõko mã toto.

Saumu 66:3

Ynara kahtoko eya: “Onyrityã pokoino osenuruhkãko ynanase! Ajamitunuru imehnõ jamitunuru motye exiryke, emero ozehno exiketõ tosekumuru po porohnõko mã toto oẽpataka.

Saumu 66:5

Osehtoko Ritonõpo nyrityã enese, orẽpyra nase tynyrityã poko ahno pynanopyry poko.

Exutu 14:14

Tehme rokẽ ehtoko oepetõkara poremãkapõko Ritonõpo mana.

Exutu 14:25

Kahu tõ ytory tupime toehse. Ritonõpo poe ipupuru tõ tomõse nono aka. Ytopỹme toehse toto. Ynara tykase Ejitu põkomo: — Ehmaropa! Sepatone Izyraeu tõ wino! Toto akorehmãko Ritonõpo mana. Kuakorekehkatorỹko nase.

Ekereziaxti 12:1

Wenikehpyra exiko Ritonõpo poko poetome ro awahtao: ẽmepyry tõ popyra exipyra ro ahtao, jeimamyry tõ roropa popyra exipyra ro ahtao. Morara ahtao: “Isene jehtoh yzamaro pyra toehse,” ãko mase.

Tanieu 11:32

Omi kurã ke sã Ritonõpo Omihpyry omipona pyra exiketõ pyrypãko mana, yrome Ritonõpo pyno exiketõ jamihme exĩko, mokyro tuisa, onekunohto akorekehkãko mã toto.

Zakaria 14:3

Imeĩpo mokaro ahno tõ maro osetapãko Ritonõpo mana, pake tõsetapatopõpyry samo.

Numeru 14:9

Yrome Ritonõpo onurumekara ehtoko, moro nono põkõ zuno pyra ehtoko. Toto poremãkapõko sytatose. Tupime pyra exĩko mana Ritonõpo kymaro xine exiryke. Mokaro neponãmarykõ pake typoremãkase eya. Towomaneke pyra toehse mokaro mana; naeroro enaromyra ehtoko, tykase Karepe, Jozue maro.

Mateu 10:28

Imehnõ zuno pyra ehtoko. Kuokokõ etapary waro toh mã repe, yrome kuzenukõ etapary waro pyra mã toto. Ritonõpo zuno rokẽ ehtoko. Kuokokõ etapary waro mã ynororo. Kuzenukõ emary waro roropa mana apotoimo htaka, tykase Jezu typoetory tomo a.

Teuteronomiu 1:21

Enetoko ke, moroto mana. Ytotoko sero nono apoitohme oesarykõme, Ritonõpo, kytamurukõ Esẽ nyripohpyry omipona. Enaromyra ehtoko, oserehpyra roropa ehtoko.”

Teuteronomiu 10:17

Emero tuisa tõ Esẽme Ritonõpo mana, Kuesẽkomo, kowenu tõ Esẽme, ritõ tõ Esẽme. Imehxo mana, Jamihmehxo Exiketyme, zuno ehtoh kamexiponeme roropa mana. Tõmipona imehnõ ripõko mana. Oxisã imehnõ ripõko mana. Zae rokẽ mana. Imehnõ nekarory anapoipyra mana zae pyra ehtoh tyritohme.

Epereu 13:6

Naeroro oserehpyra sehtone. Ynara sykatone: “Jakorehmaneme Kuesẽkõ mana. Naeroro oserehpyra ase. Yyryhmananõ zuno pyra ase roropa.”

Jozue 1:9

Ynyripohpyry poko wenikehpyra exiko: “Jamihme exiko orẽpyra roropa exiko! Poremãpyra exiko, enaromyra roropa. Ynara exiryke Ywy, Ritonõpo Oesẽkomo amaro exikehpyra exĩko ase emero pata tõ pona oytoryhtao.”

Juize 3:27

Morotona toeporehkase ynororo ahtao ypy tõ Eparaĩ pona, rue totose eya kaneru retyry, Izyraeu tõ orutua kõ kohmatohme etonatohme. Tarose toto eya yhtõko ypy tõ poe.