Neemia 4:10 - Ritonõpo Omiry: A Bíblia Sagrada na língua Aparai do Brasil

¹⁰ Juta tõ toremiase toh nexiase. Ynara tykase toto: “Topu tõ puimananõ pake totaehse mã toto, yrome typahsẽ moro nae ro, enahpỹme sã mana, apuru poko erohnõko; otara ahtao otyhkãko? Otarame otyhkara ekurehnõko.”

Neemia 4:10 ပူးပေါင်းရင်းမြစ်များ

2 Koronika 2:18

70.000mãkõ tyrohmanohpose eya tapyi ritoh puimary poko. 80.000mãkõ tyrohmanohpose eya topu kotyry poko ypy tõ po. Imepỹ 3.600mãkõ tyripose eya erohketõ enenanõme toto ehtohme.

2 Koronika 34:13

toitoine rewita tõ pape meronanõme nexiase, imehnõ erohketõ eneneme toh nexiase te, omõtoh eraseme, enara.

Neemia 4:11

Osenepyra yna a tõsekarose yna epetõkara. Tuaro pyra yna tokarose roropa eya xine, omatome aepyrykohtao yna poremãkapose, yna etapase roropa, yna erohtoh etypohkapotohme repe.

Neemia 4:2

Tope tõ netaryme, Samaria põkõ soutatu tõ netaryme roropa, ynara tykase ynororo: — Oty rĩko hna mokaro juteu tõ kahpyry? Otarame pata rĩko ropa toh mana, nary! Otarame okyno tõ zahkary ke eya xine tynekarorykõme, axĩ toerohtohkõ otyhkatomã toto, osenetupuhnõko mã toto. Otarame ypy tõ typahsã wino topu tõ rĩko mã toto tapyi tõ ritohme ropa, nary rokene! tykase Sãparate a, tounohse toto.

Neemia 4:9

Yrome tõturuse yna Ritonõpo a. Orutua kõ tyrise yna a enenanõme, yna epetõkara enetohme saereme ahtao, koko, enara.

Ezekieu 29:18

— Ahno mũkuru, etako pahne. Pata Tiro typoremãkase Napukotonozo a, Papironia tuisary a. Tysoutatu tõ tyrohmanohpose eya omoxinety ke itamurumehxo ipuimatohme eya xine, moro pokoino zũsetykõ tohpahse, imotarykõ typitypikase. Yrome toiparo rokẽ moro tyrise eya xine, toerohtamitu epehpyry anapoipyra tokurehse toto.

Ajeu 1:2

Ritonõpo, Jamihmehxo Exikety ynara tykase: — “Tapyi Kurã ritoh ropa exipyra ro mana,” ãko ahno tõ mana.

Numeru 13:31

Yrome imehnõ mokaro imaro aytotyã ynara tykase: — Arypyra. Osetapasaromepyra sytatose mokaro maro, jamihmehxo mã toto, kymotye xine.

Numeru 32:9

Toeporehkase toto ahtao jakanahmã Exikou pona, nono tonese eya xine; yrome tooehse ropa toto ahtao, ahno taomipohtomase eya xine, omõpyra tokurehse toto nono, Ritonõpo nekarory pona.